Arun Lal | 66-ാം വയസ്സിൽ ഹണിമൂൺ; 38കാരിയായ ഭാര്യക്കൊപ്പം ക്രിക്കറ്റ് താരം അരുൺ ലാലിൻറെ യാത്ര എവിടേക്ക്?

മുൻ ഇന്ത്യൻ ക്രിക്കറ്റ് താരം അരുൺ ലാൽ (Arun Lal) ബംഗാൾ ക്രിക്കറ്റ് ടീമിന്റെ പരിശീലക സ്ഥാനം ഒഴിയാൻ തീരുമാനിച്ചു. അടുത്തിടെ രണ്ടാം വിവാഹം കഴിച്ച 66 കാരനായ ലാൽ തന്നെക്കാൾ 28 വയസ്സ് ഇളപ്പമുള്ള ഭാര്യ ബുൾബുൾ സാഹയുമൊത്ത് (Bulbul Saha) ഹണിമൂണിന് പോകുന്ന കാര്യം അടുത്തിടെ ഒരു അഭിമുഖത്തിൽ വെളിപ്പെടുത്തുകയുണ്ടായി

മുൻ ഇന്ത്യൻ ക്രിക്കറ്റ് താരം അധ്യാപികയായ ബുൾബുൾ സാഹയെ മെയ്2ന് കൊൽക്കത്തയിൽ ഒരു സ്വകാര്യ ചടങ്ങിൽ വച്ച് വിവാഹം കഴിച്ചിരുന്നു. അരുൺ ലാൽ തന്റെ ആദ്യ ഭാര്യ റീനയുമായി വേർപിരിയുകയും രണ്ടാം വിവാഹത്തിന് അവരുടെ സമ്മതം വാങ്ങുകയും ചെയ്ത ശേഷമായിരുന്നു ഇത്. ഇനിയിപ്പോൾ കുടുംബത്തിന്റെ ഉത്തരവാദിത്തങ്ങൾ ശ്രദ്ധിക്കാൻ ആഗ്രഹിക്കുന്ന അരുൺ ലാൽ ഹണിമൂണിനെ കുറിച്ച് വാചാലനാവുകയായിരുന്നു (തുടർന്ന് വായിക്കുക)

ക്രിക്കറ്റിൽ നിന്ന് പൂർണ്ണമായ ഇടവേളയെടുക്കാനും കുടുംബത്തോടൊപ്പം കുറച്ച് സമയം ചെലവഴിക്കാൻ തുർക്കിയിലേക്ക് പോകാനും ആഗ്രഹിക്കുന്നുവെന്ന് അരുൺ ലാൽ വെളിപ്പെടുത്തി

അധ്യാപികയായ ഭാര്യ ബുൾബുളിന് അവധി ലഭിച്ചാലുടൻ ഡാർജിലിംഗിലേക്കും കാലിംപോംഗിലേക്കും പോകുമെന്നും അദ്ദേഹം കൂട്ടിച്ചേർത്തു

"എനിക്ക് എന്റെ ഭാര്യയോടൊപ്പം തുർക്കിയിലേക്ക് പോകണം. കല്യാണം കഴിഞ്ഞതിന് ശേഷം ഞാൻ എവിടെയും യാത്ര ചെയ്തിട്ടില്ല. എനിക്കും എന്റെ ഭാര്യക്കും കുറച്ച് സമയം വേണം. മാത്രമല്ല, ഞാൻ ഉടൻ തന്നെ ഡാർജിലിംഗ്, കലിംപോംഗിലേക്ക് എന്നിവിടങ്ങളിലേക്ക് പോകും. ബുൾബുൾ ഒരു സ്കൂൾ അധ്യാപികനാണ്. അവൾക്ക് സ്‌കൂൾ അവധി കിട്ടുമ്പോൾ ഞങ്ങൾ വിദേശത്തുപോകും," അരുൺ ലാൽ പറഞ്ഞു

ബംഗാളിന്റെ മുഖ്യപരിശീലകനെന്ന നിലയിൽ വിജയകരമായ കാലയളവിന് ശേഷം തന്റെ ഭാവി പദ്ധതികളെക്കുറിച്ച് ചോദിച്ചപ്പോൾ, മെന്റർഷിപ്പ് റോളുകൾക്ക് താൻ തയ്യാറാണെന്ന് അദ്ദേഹം സൂചിപ്പിച്ചു. ഏതെങ്കിലും ടീം തന്നെ ഒരു ഉപദേശകനായി എടുക്കുകയാണെങ്കിൽ അക്കാര്യം പരിഗണിക്കും

കമന്ററി ബോക്സിലേക്കുള്ള തിരിച്ചുവരവായിരിക്കാം അരുൺ ലാലിന്റെ മറ്റൊരു സാധ്യത

ഇവരുടെ വിവാഹ സ്വീകരണ ചടങ്ങിൽ ബോർഡ് ഓഫ് കൺട്രോൾ ഫോർ ക്രിക്കറ്റ് ഇൻ ഇന്ത്യ (ബിസിസിഐ) പ്രസിഡന്റും അരുണിന്റെ ദീർഘകാല സുഹൃത്തുമായ സൗരവ് ഗാംഗുലി പങ്കെടുത്തിരുന്നു