'ആ ബോട്ടുകാരന്‍ എല്ലാം കുളമാക്കി, അയാളെ എടുത്ത് വെള്ളത്തിലിട്ടാലോ എന്ന് തോന്നി'; ഫസ്റ്റ് ഡേറ്റ് അനുഭവം പങ്കുവെച്ച് ഉത്തര ശരത്

ഗംഭീരം എന്ന് പറഞ്ഞാല്‍ കുറഞ്ഞുപോകും.. അത്രത്തോളം അത്യാഡംബരമായാണ് നടിയും നര്‍ത്തകിയുമായ ആശ ശരത്തിന്‍റെ (Asha Sharath) മകള്‍ ഉത്തരയുടെ  (Uthara Sharath)വിവാഹം കൊച്ചിയില്‍ നടന്നത്. സൂപ്പര്‍ താരങ്ങളുടെ സാന്നിദ്ധ്യം മൂലം സമ്പന്നമായ വിവാഹത്തിന്‍റെ ചിത്രങ്ങളും വീഡിയോകളും സോഷ്യല്‍ മീഡിയയില്‍ തരംഗമായിരുന്നു.

വിവാഹത്തിന്‍റെ തിരക്കുകളെല്ലാം കഴിഞ്ഞ് വിശേഷങ്ങള്‍ പങ്കുവെക്കുന്നതിനായി അഭിമുഖങ്ങളില്‍ പങ്കെടുക്കാന്‍ സമയം കണ്ടെത്തിയിരിക്കുകയാണ് ഉത്തരയും ഭര്‍ത്താവ് ആദിത്യ മേനോനും. വിവാഹത്തിലെ രസകരമായ സംഭവങ്ങളും വിവാഹത്തിന് മുന്‍പ് നടന്ന കാര്യങ്ങളും ഇരുവരും തുറന്നുപറയുന്ന അഭിമുഖങ്ങള്‍ സോഷ്യല്‍ മീഡിയില്‍ ചര്‍ച്ചയാകുന്നുണ്ട്.(തുടര്‍ന്ന് വായിക്കാം)

ആദിത്യ മേനോടൊപ്പമുള്ള ആദ്യ ഡേറ്റിന് പോയ അനുഭവം ഉത്തര പങ്കുവെക്കുന്നുണ്ട്. 'ആദി നാട്ടിലെത്തിയപ്പോൾ കൊച്ചി മറൈന്‍ ഡ്രൈവിലാണ് ഞങ്ങൾ ആദ്യ ഡേറ്റിന് പോയത്. നല്ല റൊമാന്റിക് നിമിഷമാക്കണം അത് എന്ന്  ഞങ്ങള്‍ക്ക്  ആഗ്രഹമുണ്ടായിരുന്നു.

പക്ഷെ, ഒന്നും നടന്നില്ല. ഞങ്ങൾ ബോട്ടിൽ കയറിയപ്പോൾ മുതൽ ആ ബോട്ടുകാരൻ ഓരോന്ന് പറഞ്ഞ് സംസാരിക്കാൻ തുടങ്ങി. ഇതാണ് പുതിയ സബ്‍വെ, ഇതാണ് പുതിയ പാലം തുടങ്ങി പുള്ളി ഇങ്ങനെ ഓരോന്ന് പറഞ്ഞോണ്ടിരുന്നു

റൊമാന്റിക്കായി സംസാരിക്കാൻ പോയ ഞാനും ആദിയും മുഖത്തോടു മുഖം നോക്കി ഒന്നും മിണ്ടാതിരുന്നു. പുള്ളിയെ എടുത്ത് വെള്ളത്തിലിട്ടാലോ എന്ന് വരെ ആദി ചോദിച്ചു പോയി എന്നോട്. എന്തായാലും പുള്ളി ആ സുന്ദരമായ നിമിഷം അങ്ങ് കുളമാക്കി തന്നു.