Ashish Vidyarthi | ആശിഷ് വിദ്യാർത്ഥിയും ഭാര്യ രൂപാലിയും തമ്മിലെ പ്രായവ്യത്യാസം; ആരാണ് രൂപാലി ബറുവ?

അറുപതാം വയസിൽ നടൻ ആശിഷ് വിദ്യാർത്ഥി (Ashish Vidyarthi) പുനർവിവാഹിതനായിരിക്കുന്നു. വിവാഹവേളയിലെ ഒരു ചിത്രം പുറത്തുവന്നത് മുതലാണ് ഇക്കാര്യം എങ്ങും ചർച്ചയായി മാറിയത്. രൂപാലി ബറുവ എന്ന ആസാം സ്വദേശിനിയെയാണ് ആശിഷ് വിദ്യാർത്ഥി ജീവിത സഖിയാക്കിയത്. ഇരുവരും വിവാഹവേഷത്തിൽ പൂമാലയുമായി നിൽക്കുന്ന ചിത്രങ്ങളാണ് പുറത്തിറങ്ങിയത്

മലയാള സിനിമയിൽ ഉൾപ്പെടെ ഏറെ ശ്രദ്ധ നേടിയ നടനാണ് വിദ്യാർത്ഥി. കൊൽക്കത്തയിൽ വച്ച് രജിസ്റ്റർ വിവാഹം കഴിച്ചു എന്നാണ് വിവരം. ഗുവാഹാത്തിയിലെ മുന്തിയ കൈത്തറി വസ്ത്രവ്യാപാര ശാലയുടെ അമരക്കാരിയാണ് രൂപാലി. ആശിഷിനെ പോലെ രൂപാലി സോഷ്യൽ മീഡിയയിൽ അത്ര സജീവമല്ല (തുടർന്ന് വായിക്കുക)

നൃത്തം ചെയ്യാനും കുടുംബത്തോടൊപ്പം സമയം ചിലവിടാനുമാണ് രൂപാലിക്ക് താൽപ്പര്യം എന്ന് അവരുടെ ഇൻസ്റ്റഗ്രാം റീൽസിനെ അധികരിച്ച് പറയാം. കൊൽക്കത്തയിൽ താമസമാക്കിയ ആളാണ് രൂപാലി. ആശിഷ് ഈ നഗരത്തിൽ ഇടയ്ക്കിടെ ട്രാവൽ വ്‌ളോഗുകൾ ചെയ്തു വരാറുണ്ട്

കണ്ടുമുട്ടിയത് എങ്ങനെ എന്ന ചോദ്യത്തിന്, അതൊരു നീണ്ട കഥയാണെന്നും, പിന്നീടൊരിക്കൽ പറയാമെന്നുമാണ് ആശിഷ് ടൈംസ് ഓഫ് ഇന്ത്യയോട് പറഞ്ഞത്. പക്ഷെ രൂപാലി അൽപ്പം കൂടി വിശദീകരിച്ച് സംസാരിച്ചു

'ഞങ്ങൾ കുറച്ചുനാളുകൾക്ക് മുൻപ് പരിചയപ്പെട്ടു. കാര്യങ്ങൾ മുന്നോട്ടു കൊണ്ടുപോകാം എന്ന് പിന്നീട് തീരുമാനിക്കുകയായിരുന്നു. കുടുംബം ഒത്തുചേരുന്ന ഒരു ചെറിയ ചടങ്ങിൽ മതി വിവാഹം എന്നാണ് ഞങ്ങൾ തീരുമാനിച്ചത്' എന്ന് രൂപാലി പറഞ്ഞു

ആശിഷ് ഒരു നല്ല മനുഷ്യനാണെന്നും, അദ്ദേഹം ഒപ്പമുണ്ടാകുക നല്ല കാര്യമെന്നും രൂപാലി വ്യക്തമാക്കി. 50 വയസുകാരിയായ സംരംഭക എന്ന നിലയിൽ വർഷങ്ങളായി സജീവമാണ്. ആശിഷ് വിദ്യാർത്ഥിയുമായി ഇവർക്ക് പത്തു വയസ്സിന്റെ വ്യത്യാസമുണ്ട്

എന്നിരിക്കെ ഈ വിവാഹം ആശിഷ് വിദ്യാർത്ഥിയുടെ മുൻഭാര്യ രജോഷിക്ക് അത്ര നല്ല പ്രതികരണമല്ല സൃഷ്‌ടിച്ചത്‌ എന്ന് അവരുടെ ഇൻസ്റ്റഗ്രാം സ്റ്റോറിയിലെ പോസ്റ്റുകൾ വ്യക്തമാക്കുന്നു. ഈ വിവാഹത്തിൽ ആശിഷിന് ഒരു മകനുണ്ട്