KL Rahul-Athiya Shetty| കെഎൽ രാഹുലിന്റെ വിവാഹം അടുത്ത വർഷം; വധു സുനിൽ ഷെട്ടിയുടെ മകൾ

ഇന്ത്യൻ ക്രിക്കറ്റ് താരം കെഎൽ രാഹുലും (KL Rahul)ബോളിവുഡ് താരം സുനിൽ ഷെട്ടിയുടെ മകളും നടിയുമായ ആതിയ ഷെട്ടിയും (Athiya Shetty)തമ്മിൽ പ്രണയത്തിലാണെന്ന വാർത്ത ബോളിവുഡിലും ക്രിക്കറ്റ് ലോകത്തും ഏവർക്കും അറിയാകുന്നതാണ്. ഇരുവരുടേയും വിവാഹം ഉട‌ൻ ഉണ്ടാകുമെന്നും വാർത്തകളുണ്ടായിരുന്നു.

വിരാട് കോഹ്ലിയും അനുഷ്കയും ശേഷം വീണ്ടുമൊരു ബോളിവുഡ്-ക്രിക്കറ്റ് വിവാഹത്തിനുള്ള കാത്തിരിപ്പിലാണ് ആരാധകർ. ഏറ്റവും പുതിയ റിപ്പോർട്ടുകൾ അനുസരിച്ച് രാഹുലും ആതിയയും തമ്മിലുള്ള വിവാഹം അടുത്ത വർഷം ഉണ്ടാകും.

വിവാഹം മൂന്ന് മാസത്തിനുള്ളിലുണ്ടാകുമെന്ന വാർത്ത നേരത്തേ ആതിയ തള്ളിയിരുന്നു. പുതിയ റിപ്പോർട്ടുകൾ അനുസരിച്ച് അടുത്ത വർഷം ജനുവരിയിലോ ഫെബ്രുവരിയിലോ വിവാഹം നടത്താനാണ് ഇരു കുടുംബങ്ങളുടേയും തീരുമാനമത്രേ.

ആതിയയും രാഹുലും മുംബൈയിൽ ഒരു ആഢംബര ഫ്ലാറ്റ് വാങ്ങിയിരുന്നു. മുംബൈ പാലി ഹില്ലിലാണ് പുതിയ വസതി കണ്ടെത്തിയിരിക്കുന്നത്. ബോളിവുഡിലെ പല പ്രമുഖ താരങ്ങളും താമസിക്കുന്ന ആഢംബര മേഖലയാണിത്.

റൺബീറും ആലിയയും താമസിക്കുന്ന വീടിന്റെ രണ്ട് കെട്ടി‌ടത്തിന് അപ്പുറമാണ് കെഎൽ രാഹുൽ കണ്ടുവെച്ചിരിക്കുന്ന വീട്.

മൂന്ന് വർഷമായി ആതിയയും രാഹുലും പ്രണയത്തിലാണ്. കഴിഞ്ഞ വർഷമാണ് ഇരുവരും തങ്ങളുടെ ബന്ധം പരസ്യമാക്കിയത്.