Bhamaa | മകളുടെ പിറന്നാൾ; ഗൗരി കുട്ടിയുടെ മുഖം ആദ്യമായി പുറത്തുവിട്ട് ഭാമ

നടി ഭാമയുടെ (Bhamaa) മകൾ ഗൗരിയുടെ ആദ്യ പിറന്നാൾ ആഘോഷത്തിന്റെ ചിത്രങ്ങൾ സോഷ്യൽ മീഡിയയിൽ. ഭർത്താവ് അരുണിന്റെയും മകളുടെയും ഒപ്പമുള്ള ചിത്രങ്ങളാണ് ഭാമ ഇൻസ്റ്റഗ്രാമിൽ പോസ്റ്റ് ചെയ്തിട്ടുള്ളത്. അച്ഛന്റെയും അമ്മയുടെയും കയ്യിലും തോളത്തുമിരുന്ന് പോസ് ചെയ്യുന്ന പിങ്ക് ഉടുപ്പുകാരിയാണ് ഗൗരി. ആദ്യമായാണ് ഭാമ മകളുടെ മുഖം പുറത്തുവിടുന്നത്

താമരപ്പൂവിന്റെ പിങ്ക് നിറമുള്ള തീമിലാണ് ആഘോഷങ്ങൾ അണിയിച്ചൊരുക്കിയിട്ടുള്ളത്. ബിസിനസ്കാരനാണ് ഭാമയുടെ ഭർത്താവ് അരുൺ (തുടർന്ന് വായിക്കുക)

ഭാമയുടെ മകളുടെ പിറന്നാൾ ആഘോഷവേളയിൽ നിന്നുള്ള ചിത്രം (ഇൻസ്റ്റഗ്രാം)

സെലിബ്രിറ്റികളുടെ ഇടയിൽ തീർത്തും വ്യത്യസ്തയായ താരമാണ് നടി ഭാമ . കുഞ്ഞ് പിറന്ന ശേഷമോ അതിനു മുൻപോ കുഞ്ഞിന്റെ സ്വകാര്യതയിൽ ഇടപെടുന്ന വിവരങ്ങളോ ചിത്രങ്ങളോ ഒന്നും തന്നെ ഭാമ സോഷ്യൽ മീഡിയയിൽ പോസ്റ്റ് ചെയ്തിരുന്നില്ല. അതുപോലെ തന്നെയായിരുന്നു നടി മിയ ജോർജും. ഇരുവരെയും ഇക്കാര്യത്തിൽ ആരാധകർ പ്രശംസിക്കുകയും ചെയ്തു

നിവേദ്യത്തിലൂടെ മലയാള സിനിമയിലെത്തിയ യുവ നായികയാണ് ഭാമ. ശാലീന സൗന്ദര്യം നിറഞ്ഞ ആ നായികയ്ക്ക് പിൽക്കാലത്ത് ഒട്ടേറെ ആരാധകരുണ്ടായി. കൈനിറയെ സിനിമകളുമായി. 2020 ലായിരുന്നു ഭാമയുടെ വിവാഹം. അരുൺ ആണ് ഭാമയുടെ ഭർത്താവ്

ഭർത്താവിനും കുഞ്ഞിനുമൊപ്പമുള്ള ഒരു സെൽഫി ഭാമ പോസ്റ്റ് ചെയ്തിരുന്നു. ഇവിടെയും കുഞ്ഞിന്റെ സ്വകാര്യത മാനിച്ച് കുഞ്ഞിന്റെ മുഖത്തിന്റെ സ്ഥാനത്ത് ഒരു ബലൂൺ സ്റ്റിക്കർ കൊണ്ട് മറച്ചിട്ടുണ്ട്. മകളുടെ കുഞ്ഞിക്കൈ മാത്രമാണ് ചിത്രത്തിൽ കാണാൻ കഴിയുന്നത്

മകൾ വന്നതോട് കൂടി തന്റെ ജീവിതത്തിൽ സംഭവിച്ച മാറ്റങ്ങളെ കുറിച്ചും ഭാമ ഒരു പോസ്റ്റ് ഇട്ടിരുന്നു

മകൾ വന്നതും ജീവിതം കൂടുതൽ പ്രകാശമാനമായി. അവളെ ആദ്യമായി കയ്യിലെടുത്ത നിമിഷം ലോകമാകെ മാറിയത് പോലെ. ആ ഓർമ്മകൾ മകൾ വളർന്നു വലുതാവുമ്പോൾ അവൾക്കു കാട്ടിക്കൊടുക്കാൻ വേണ്ടി ഭാമ ചെയ്തത് നോക്കൂ

കുഞ്ഞികൈകാലുകൾ കാസ്റ് ചെയ്ത് എടുത്തിരിക്കുകയാണ് ഭാമ. ചിത്രങ്ങൾ പോലെ ഇവയും എക്കാലവും സൂക്ഷിക്കാം. ഭാമയുടെ മകളുടെ ഈ കാസ്റ്റിന് സ്വർണ്ണ നിറമാണ്. അത് ചെയ്ത് നൽകിയ അനിലയ്ക്ക് ഭാമ നന്ദി പറയുകയും ഒപ്പം നിന്ന് പകർത്തിയ ചിത്രം പോസ്റ്റ് ചെയ്യുകയും ചെയ്‌തു

ഭാവിയിൽ തന്റെ തന്നെ കുഞ്ഞിക്കൈകാലുകൾ മകൾക്ക് സ്പർശിക്കാൻ സാധിക്കുന്നതിലെ സന്തോഷവും ഭാമ വാക്കുകളിൽ കുറിച്ചു

മകൾ പിറന്ന ശേഷമുള്ള ഭർത്താവിന്റെ ആദ്യ ജന്മദിനത്തിന് ഭാമ ഇൻസ്റ്റഗ്രാം പോസ്റ്റിലൂടെ ആശംസ അറിയിച്ചിരുന്നു