സെക്സ് ആയിക്കോളൂ, വിവാഹ ശേഷം മാത്രം; കൗമാരക്കാരെ ബോധവത്ക്കരിക്കാൻ രംഗത്തിറങ്ങി ബ്രസീൽ സർക്കാർ

കൗമാരക്കാർക്കിടയിലെ ഗർഭധാരണ നിരക്കും ഉയർന്ന HIV നിരക്കും നിയന്ത്രിക്കാൻ രംഗത്തിറങ്ങി ബ്രസീൽ സർക്കാർ

ഈ അവസ്ഥ നിയന്ത്രണവിധേയമാക്കാനായാണ് സർക്കാർ യുവാക്കൾക്കിടയിൽ അവബോധവുമായി രംഗത്തിറങ്ങിയത്. വിവാഹം കഴിഞ്ഞതിന് ശേഷം മാത്രം സെക്സിലേർപ്പെടുക എന്നാണ് സർക്കാർ ഭാഗത്ത് നിന്നുള്ള സന്ദേശം

ചെറുപ്പക്കാർ വലിയതോതിൽ സാമൂഹിക സമ്മർദ്ദത്തിന്റെ ഫലമായി ലൈംഗിക ബന്ധത്തിൽ ഏർപ്പെടുന്നു എന്ന് മനുഷ്യാവകാശ, കുടുംബ, സ്ത്രീകളുടെ വകുപ്പ് മന്ത്രി ഡാമറെസ് ആൽവസ് പറഞ്ഞു. നിങ്ങൾക്ക് ഒരു പാർട്ടിയിൽ പോയി ലൈംഗിക ബന്ധത്തിൽ ഏർപ്പെടാതെ തന്നെ ഒരുപാട് ആസ്വദിക്കാറുണ്ട് എന്നാണ് മന്ത്രി അടുത്തിടെ പറഞ്ഞത്

പാസ്റ്റർമാരുടെ നേതൃത്വത്തിൽ അടുത്തിടെ 'ഐ ചൂസ് ടു വെയിറ്റ്' എന്നൊരു ക്യാംപെയ്ൻ ആരംഭിച്ചിരുന്നു, ഇവരുമായി ചർച്ച ചെയ്താണ് മന്ത്രി ഇക്കാര്യത്തിൽ തീരുമാനമെടുത്തത്

ഇതോടുകൂടി ഏറ്റവും വലിയ ലാറ്റിനമേരിക്കൻ രാജ്യത്തെ പ്രത്യുത്പാദന അവകാശങ്ങളെക്കുറിച്ചും ലൈംഗിക വിദ്യാഭ്യാസത്തെക്കുറിച്ചും ചൂടേറിയ ചർച്ച ആരംഭിച്ചിരിക്കുകയാണ്

സർക്കാരിന്റെ പുതിയ നയം വന്നതോട് കൂടി സഭയും ഭരണകൂടവും തമ്മിലുള്ള അകലം കുറയുകയാണെന്നും യുവാക്കളെ അവരുടെ ആരോഗ്യത്തിന് ഹാനികരമായേക്കാവുന്ന ലൈംഗികതയെക്കുറിച്ച് തീരുമാനമെടുക്കാൻ പ്രേരിപ്പിക്കുകയും ചെയ്യുമെന്ന് വാദിച്ച് വിമർശകർ രംഗത്തെത്തിയിട്ടുണ്ട്