Ranjini Haridas | രഞ്ജിനിയെക്കുറിച്ച് പറഞ്ഞാലും മതിവരാതെ നാത്തൂൻ; 'ചേച്ചി'യെക്കുറിച്ച് ബ്രീസ് ജോർജ്

രഞ്ജിനി ഹരിദാസിന്റെ (Ranjini Haridas) ഏക സഹോദരൻ ശ്രീപ്രിയന്റെ വധുവായി കുടുംബത്തിലേക്കെത്തിയതാണ് ബ്രീസ് ജോർജ്. വളരെ വർഷങ്ങൾക്ക് മുൻപേ വിടവാങ്ങിയ അച്ഛന്റെ അഭാവത്തിൽ കാരണവന്മാരുടെ സ്ഥാനത്തു നിന്ന് വിവാഹം നടത്തിയത് രഞ്ജിനിയും അമ്മ സുജാതയും. ജാതിമതങ്ങളുടെ വേലിക്കെട്ടുകൾ ഭേദിച്ച്, ഹിന്ദു- ക്രിസ്ത്യൻ ആചാരങ്ങളിൽ ഒരേ ദിവസം രണ്ടു വിവാഹച്ചടങ്ങുകൾ നടത്തിയാണ് ശ്രീപ്രിയനും ബ്രീസും ജീവിതത്തിൽ ഒന്നിച്ചത്

വിവാഹത്തിനു മുൻപേ ശ്രീപ്രിയന് കാൽതൊട്ട് അനുഗ്രഹം വാങ്ങാനും ഉള്ളത് രഞ്ജിനി തന്നെയാണ്. ആ വീഡിയോയും ചിത്രങ്ങളും ഇതിനു മുൻപേ സോഷ്യൽ മീഡിയയിൽ എത്തിയിരുന്നു. നാത്തൂന് സിസ്റ്റർ-ഇൻ-ലോ എന്നാണ് പറയുന്നതെങ്കിൽ, ബ്രീസ് തനിക്ക് സിസ്റ്റർ ആണെന്ന് രഞ്ജിനി കുറിച്ചിട്ടുണ്ട്. തന്റെ പ്രിയപ്പെട്ട 'ചേച്ചിയെ' കുറിച്ച് എത്ര പറഞ്ഞാലും ബ്രീസിനും മതിവരില്ല. ബ്രീസിന്റെ വാക്കുകൾ കേട്ടോളൂ (തുടർന്ന് വായിക്കുക)

മികച്ചതിനു വേണ്ടി മാത്രമാണ് ചേച്ചിയുടെ പരിശ്രമം. അത് കിട്ടും വരെ അവർക്കു വിശ്രമമില്ല. എന്നാൽ ഈ പരിശ്രമം അവർക്കു വേണ്ടി മാത്രമുള്ളതല്ല എന്നതാണ് അതിന്റെ മനോഹാരിത. അവർക്ക് ചുറ്റുമുള്ളവർക്ക്‌ വേണ്ടി കൂടിയാണ്...

എനിക്കത് വാക്കുകളാൽ വിവരിക്കുക സാധ്യമല്ല. വിവാഹത്തിനുടനീളം ഞങ്ങളെ നയിക്കാനും പിന്തുണയ്ക്കാനും അവർ കൂടെയുണ്ടായിരുന്നു എന്ന് ഈ ചിത്രങ്ങൾ പറയും...

വരൻ രണ്ടുവട്ടം താലിച്ചരട് മുറുക്കുമ്പോൾ, വരന്റെ സഹോദരി അത് ഒരുവട്ടം കൂടി കെട്ടി ഉറപ്പിക്കുന്നു. നിങ്ങൾ അതാണ് ചെയ്തത്. തുടക്കം മുതൽ അവസാനം വരെ ഈ വിവാഹം സുരക്ഷിതമാക്കുകയും ഉറപ്പിക്കുകയും ചെയ്തു...

'ചേച്ചിയോട് സ്നേഹവും ബഹുമാനവും. നിങ്ങൾ ഇല്ലാതെ ഞാൻ ഇത്രയും സുന്ദരിയാവില്ലായിരുന്നു,' ബ്രീസ് തന്റെ വാക്കുകൾക്ക് വിരാമമിട്ടു

ശ്രീപ്രിയന്റെയും ബ്രീസ് ജോർജിന്റെയും ഹിന്ദു ആചാരപ്രകാരമുള്ള വിവാഹം. വധൂവരന്മാർ കുടുംബാംഗങ്ങൾക്കൊപ്പം

ക്രിസ്തീയ ആചാരങ്ങൾ പ്രകാരമുള്ള വിവാഹത്തിന് ശേഷം ശ്രീപ്രിയനും ബ്രീസും രഞ്ജിനിക്കൊപ്പം