താരങ്ങൾ താമസിക്കുന്ന ഫ്ലാറ്റിൽ കോവിഡ് ബാധ; അപ്പാർട്മെന്റ് പോലീസ് സീൽ ചെയ്‌തു

ഫ്ലാറ്റ് സമുച്ചയത്തിൽ വിദേശത്ത് നിന്നും വന്ന താമസക്കാരനിൽ കോവിഡ് ബാധ കണ്ടെത്തിയതിനെത്തുടർന്ന് താരങ്ങൾ താമസിക്കുന്ന ഫ്ലാറ്റ് സമുച്ചയം പോലീസ് സീൽ ചെയ്‌തു. ഒന്നിലധികം ചലച്ചിത്ര, ടി.വി. താരങ്ങൾ പാർക്കുന്ന ഇടമാണിത്

റിപ്പോർട്ട് അനുസരിച്ച്, രോഗബാധിതനായ താമസക്കാരൻ അടുത്തിടെ സ്പെയിനിൽ നിന്ന് മടങ്ങിയെത്തിയിരുന്നു. വിമാനത്താവളത്തിൽ
കോവിഡ് നെഗറ്റീവ് ആയ ഇയാളെ 15 ദിവസത്തേക്ക് ക്വാറന്റൈൻ നിർദേശം നൽകി വീട്ടിലേക്ക് വിടുകയായിരുന്നു

പന്ത്രണ്ടാം ദിവസം, കൊറോണ വൈറസിന്റെ ലക്ഷണങ്ങൾ കണ്ട ഇയാൾ ഭാര്യയോടൊപ്പം ആശുപത്രിയിലേക്ക് പോയി. പരിശോധനയിൽ ഇയാൾ പോസിറ്റീവ് ആണെന്ന് കണ്ടെങ്കിലും ഭാര്യയുടെ പരിശോധനാ ഫലങ്ങൾ നെഗറ്റീവ് ആണ്

നടി അങ്കിത ലോഖണ്ഡെ ഉൾപ്പെടെയുള്ളവർ താമസിക്കുന്ന മുംബൈയിലെ അപ്പാർട്മെന്റാണ് പോലീസ് സീൽ ചെയ്തത്

ടിവി താരങ്ങളായ അഷിത ധവാൻ-ശൈലേഷ് ഗുലാബാനി, നതാഷ ശർമ്മ-ആദിത്യ റെഡിജ്, മിഷ്കത് വർമ ​​തുടങ്ങിയ പ്രശസ്തർ മാലഡിലെ ഇതേ റെസിഡൻഷ്യൽ കെട്ടിടത്തിൽ തന്നെയാണ് താമസം (പ്രതീകാത്മക ചിത്രം)

എന്നാൽ ബിഎംസി മുനിസിപ്പാലിറ്റി കോർപറേഷൻ ഉദ്യോഗസ്ഥർ അങ്ങേയറ്റം സഹായകരമാണ് എന്ന് അപ്പാർട്മെൻറിൽ താമസിക്കുന്ന സ്ത്രീ പറഞ്ഞു. അമ്മായിയമ്മയുടെ മരുന്നുകൾ തീർന്നപ്പോൾ അടുത്തുള്ള മെഡിക്കൽ സ്റ്റോറുകളിൽ സ്റ്റോക്ക് ഇല്ലായിരുന്നു. ഒരു ബി‌എം‌സി ഉദ്യോഗസ്ഥൻ ഓരോ ഫ്ലാറ്റിൽ നിന്നും മരുന്നുകളുടെ ലിസ്റ്റ് ശേഖരിച്ച് അവ വാങ്ങി തന്നു എന്നും അവർ പറഞ്ഞു