Nayanthara | കുടുംബത്തിനായി നടി നയൻ‌താര കടുത്ത തീരുമാനത്തിലേക്ക് കടക്കുന്നുവെന്ന് റിപ്പോർട്ട്; ആരാധകരെ ആശങ്കയിലാഴ്ത്തി വാർത്ത പുറത്ത്

2022 നയൻ‌താര (Nayanthara) എന്ന അഭിനേത്രിയെക്കാൾ ഒരു കുടുംബിനിയെ പ്രേക്ഷകർക്ക് മുന്നിൽ അവതരിപ്പിച്ച വർഷമാണ്. ഏറെ നാളത്തെ പ്രണയത്തിനൊടുവിൽ സംവിധായകൻ വിഗ്നേഷ് ശിവൻ (Vignesh Shivan) നയൻസിന്റെ കഴുത്തിൽ താലികെട്ടിയത് പോയ വർഷത്തിലാണ്. ഏതാനും മാസങ്ങൾ പിന്നിട്ടതും ഇരട്ടക്കുട്ടികളായ ആൺമക്കൾ അവരുടെ ജീവിതത്തിന്റെ ഭാഗമായി

മലയാള ചിത്രം മനസിനക്കരെയിൽ അഭിനയജീവിതത്തിന് ആരംഭം കുറിച്ച നയൻസ് സിനിമയിൽ രണ്ട് പതിറ്റാണ്ട് പിന്നിട്ടിരിക്കുന്നു. ഈ വേളയിൽ ബോളിവുഡ് അരങ്ങേറ്റം കുറിക്കുക കൂടിയാണ് നടി. ഷാരൂഖ് ചിത്രം ജവാനിൽ നായികാവേഷം നയൻ‌താരക്കാണ്. എന്നാൽ കരിയറിന്റെ കൊടുമുടി കയറിയ നയൻ‌താര ഒരു കടുത്ത തീരുമാനത്തിന്റെ വക്കിലാണെന്ന് റിപ്പോർട്ട് പുറത്തുവന്നു കഴിഞ്ഞു (തുടർന്ന് വായിക്കുക)

ഉയിരും ഉലഗവും ചേർന്നതാണ് നയൻ‌താരയുടെയും വിഗ്നേഷ് ശിവന്റെയും ജീവിതം. ഇപ്പോൾ കേവലം മാസങ്ങൾ മാത്രമേ ഇവർക്ക് പ്രായമായിട്ടുള്ളൂ. വാടക ഗർഭപാത്രത്തിലൂടെയാണ് കുഞ്ഞുങ്ങളുടെ ജനനം എന്നത് ഏറെ ചർച്ചകൾക്കും വിവാദങ്ങൾക്കും വഴി തെളിച്ചിരുന്നു

നയൻതാരയും വിക്കിയും ചേർന്നാണ് റൗഡി പിക്ചേഴ്സ് എന്ന നിർമാണ കമ്പനി നടത്തുന്നത്. കാത്തുവാക്കുല രെണ്ട് കാതൽ, നെട്രിക്കണ്ണ്, കൂഴങ്കൽ തുടങ്ങിയ സിനിമകൾ ഈ ബാനറിന്റെതാണ്

മക്കളെ നോക്കാനായി നയൻസ് സിനിമ വിടുന്നു എന്നാണ് ഏറ്റവും പുതിയ റിപ്പോർട്ട്. എന്നാൽ ഇതിനെക്കുറിച്ച് നടിയോ അവരുടെ വക്താക്കളോ പ്രതികരിച്ചിട്ടില്ല

കുഞ്ഞുങ്ങളെ നയൻ‌താര കണ്ണിലെ കൃഷ്ണമണി പോലെയാണ് പരിപാലിക്കുന്നത് എന്ന് വിഗ്നേഷ് പറഞ്ഞിട്ടുണ്ട്. കുട്ടികൾ പിറന്നതില്പിന്നെ, അവർ ചുംബിക്കും എന്നതിനാൽ നയൻ‌താര മേക്കപ്പ് പോലും മുഖത്തിടാറില്ല എന്ന് വിക്കി ഇൻസ്റ്റഗ്രാം പോസ്റ്റിൽ രേഖപ്പെടുത്തിയിരുന്നു