Chandra | Tosh | ചന്ദ്രയും ടോഷും ഇനി പുതിയ റോളിൽ; അഭിനയത്തിലല്ല, ജീവിതത്തിൽ; സന്തോഷ വാർത്തയുമായി താരദമ്പതികൾ

മിനിസ്ക്രീൻ പ്രേക്ഷകരുടെ സ്വന്തം സുജാതയാണ് ചന്ദ്ര ലക്ഷ്മൺ (Chandra Lakshman). സിനിമയിലും ടി.വിയിലും അഭിനയജീവിതം തുടങ്ങിയ ചന്ദ്രയുടെ ജീവിതത്തിലേക്ക് നല്ല പാതിയായി ടോഷ് ക്രിസ്റ്റി (Tosh Christy) കടന്നു വന്നത് 2021 നവംബർ മാസത്തിലാണ്. ഇരുവരും ഒന്നിച്ചഭിനയിച്ച 'സ്വന്തം സുജാത' എന്ന പരമ്പരയിലാണ് ഇവരുടെ പ്രണയം മൊട്ടിട്ടത്

വിവാഹജീവിതം ആറുമാസം പിന്നിടുമ്പോൾ, ജീവിതത്തിലെ സന്തോഷങ്ങൾ പങ്കിട്ട ഇൻസ്റ്റഗ്രാം പേജിൽ ഒരിക്കൽക്കൂടി ചന്ദ്രയെത്തി. അവരുടെ ജീവിതത്തിലേക്ക് പുത്തൻ പ്രതീക്ഷയും സന്തോഷവുമായി ഇനി ഒരാൾ കൂടി ഒപ്പമുണ്ടാകും (തുടർന്ന് വായിക്കുക)

അവർ അച്ഛനമ്മമ്മാർ ആവാൻ പോകുന്നു. ജീവിതത്തിലെ പുതിയ റോൾ ഏറ്റെടുക്കുന്ന സന്തോഷത്തിൽ ഇളംനീല നിറമുള്ള വസ്ത്രങ്ങൾ ധരിച്ചാണ് ഇരുവരും ഇൻസ്റ്റഗ്രാം ചിത്രത്തിൽ പ്രത്യക്ഷപ്പെട്ടത്. ഇവരുടെ സുഹൃത്തുക്കളും അഭ്യുദയകാംഷികളും കമന്റും ലൈക്കുമായി പോസ്റ്റിൽ എത്തിച്ചേർന്നു കഴിഞ്ഞു

രസകരമായിരുന്നു ഇവരുടെ പ്രണയവിവാഹം. ഇഷ്‌ടാനുസൃതമാക്കിയ രീതിയിലാണ് ഇരുവരും വിവാഹിതരായത്. ഹിന്ദു പരമ്പരാഗത രീതിയിൽ താലി കെട്ടുകയും, ടോഷ് വധുവിന് ക്രിസ്ത്യൻ വിവാഹ ആചാരപ്രകാരം മന്ത്രകോടി സമ്മാനിക്കുകയും ചെയ്തിരുന്നു

അഭിനയ ലോകത്തെ ജനപ്രിയ നടിമാരിൽ ഒരാളാണ് ചന്ദ്ര. നീണ്ട ഇടവേളയ്ക്ക് ശേഷം 'സ്വന്തം സുജാത' എന്ന പരമ്പരയിൽ വേഷമിട്ട് ചന്ദ്ര മലയാളം ടിവി രംഗത്ത് തിരിച്ചെത്തിയിരിക്കുകയാണ്. നേരത്തെ നിരവധി ജനപ്രിയ ടിവി പരിപാടികളുടെ ഭാഗമായിട്ടുണ്ട്. എന്നാൽ 'സ്വന്തം' എന്ന പരമ്പരയിലെ സാന്ദ്ര നെല്ലിക്കാടൻ എന്ന ശക്തമായ കഥാപാത്രത്തിലൂടെയാണ് നടി ഇപ്പോഴും അറിയപ്പെടുന്നത്

വിവാഹവാർത്ത പ്രഖ്യാപിച്ചുകൊണ്ടുള്ള ചന്ദ്രയുടെ ഇൻസ്റ്റഗ്രാം പോസ്റ്റ്