Chandra Lakshman | രണ്ടു വിശ്വാസങ്ങളിലെ മാതാപിതാക്കൾ മകന് നൽകിയ പേര്; ചന്ദ്രയും ടോഷും കുഞ്ഞിന്റെ പേര് വെളിപ്പെടുത്തി

പ്രണയം മുതൽ വിവാഹവും കുഞ്ഞിന്റെ ജനനവും വരെ പ്രേക്ഷകർ സന്തോഷത്തോടെ വരവേറ്റ താര ദമ്പതികളാണ് ചന്ദ്ര ലക്ഷ്മണും (Chandra Lakshman) ടോഷ് ക്രിസ്റ്റിയും (Tosh Christy). 'സ്വന്തം സുജാത' എന്ന സീരിയലിലെ സുജാതയും ആദവും ജീവിതത്തിൽ ഒന്നിക്കുകയായിരുന്നു. സീരിയൽ ലോകത്തു മൊട്ടിട്ട പ്രണയമാണ് വിവാഹത്തിലെത്തിയത്

രണ്ടു മതവിശ്വാസങ്ങളിൽ ഉൾപ്പെട്ടവരാണ് ചന്ദ്രയും ടോഷ് ക്രിസ്റ്റിയും. എന്നാൽ രണ്ട് വിഭാഗങ്ങളെയും മാനിക്കുന്ന തരത്തിലായിരുന്നു ഇവരുടെ വിവാഹം. താലികെട്ടും, മന്ത്രകോടി നൽകലും ചേർന്ന കസ്റ്റമൈസ്ഡ് ചടങ്ങിലാണ് സ്വന്തം മാതാപിതാക്കളെ സാക്ഷി നിർത്തി ഇവർ വിവാഹം ചെയ്തത് (തുടർന്ന് വായിക്കുക)

2022 ഒക്ടോബർ മാസത്തിലാണ് ചന്ദ്രക്കും ടോഷ് ക്രിസ്റ്റിക്കും മകൻ പിറന്നത്. ജീവിതത്തിൽ തങ്ങളുടെ വിശ്വാസം എങ്ങനെ കാത്തുസൂക്ഷിച്ചുവോ, ആ ചിട്ട സ്വന്തം മകന് പേര് നൽകിയപ്പോഴും ഇരുവരും പാലിച്ചു പോന്നു

കുറച്ചു ദിവസങ്ങൾക്കു മുൻപാണ് ചന്ദ്രയും ടോഷ് ക്രിസ്റ്റിയും കുഞ്ഞിനെ കയ്യിലെടുത്ത ഒരു ചിത്രത്തിനൊപ്പം മകന്റെ പേരും കുറിച്ചത്. 'അയാൻ' എന്നാണ് കുഞ്ഞിന്റെ പേര്. 'ദൈവത്തിന്റെ സമ്മാനം' എന്ന് ഈ പേരിനർത്ഥമുണ്ട്

'തില്ലാലങ്കിടി' എന്ന തമിഴ് സിനിമയിലാണ് ചന്ദ്രയുടെ അഭിനയ ജീവിതത്തിനു തുടക്കം. അതിനു ശേഷം മലയാള സിനിമയിൽ സജീവമായി. ഇടയ്ക്കു നീണ്ട ഇടവേളയെടുത്ത ശേഷമാണ് സ്വന്തം സുജാതയിലൂടെ തിരികെയെത്തിയത്. 'ചക്രം' എന്ന പൃഥ്വിരാജ് സിനിമയിലെ വേഷം ശ്രദ്ധിക്കപ്പെട്ടു

'സ്വന്തം സുജാത'യിൽ ചന്ദ്ര ലക്ഷ്മണും ടോഷ് ക്രിസ്റ്റിയും