Nayanthara wedding | നയൻതാരയുടെ വിവാഹസദ്യയിൽ കാതൽ ബിരിയാണി മുതൽ ഇളനീർ പായസം വരെ

താരനിബിഢമായിരുന്നു നടി നയൻതാരയുടെയും (Nayanthara) സംവിധായകൻ വിഗ്നേഷ് ശിവന്റെയും (Vignesh Shivan) വിവാഹം. വിവാഹ ചടങ്ങുകൾക്ക് ശേഷം ജൂൺ 9 ന് ഉച്ചയ്ക്ക് ശേഷം വിവാഹത്തിന്റെ ചിത്രങ്ങൾ ഇരുവരും പങ്കിടുമെന്നും വിവാഹത്തിന് ശേഷം ജൂൺ 11 ന് ആദ്യമായി പൊതുവിടത്തിൽ പ്രത്യക്ഷപ്പെടുമെന്നും സംവിധായകൻ വിഗ്നേഷ് ശിവൻ ഒരു അഭിമുഖത്തിൽ പറഞ്ഞു. ഏഴുവർഷത്തെ പ്രണയത്തിനു ശേഷമാണ് ഇവർ വിവാഹം ചെയ്തത് (ഫയൽ ചിത്രം)

ഷാരൂഖ് ഖാൻ, രജനികാന്ത്, അജിത്കുമാറും കുടുംബവും, രാധിക ശരത്കുമാർ, മണിരത്നം, ദിലീപ് തുടങ്ങി പ്രമുഖ താരങ്ങൾ വിവാഹത്തിൽ പങ്കെടുത്തു. എന്നാൽ താരസാന്നിധ്യം പോലെത്തന്നെ ശ്രദ്ധ നേടുകയാണ് ഇവരുടെ വിവാഹസദ്യയിലെ വിഭവങ്ങളും (തുടർന്ന് വായിക്കുക)

നേരത്തെ വിവാഹവേദിയിൽ ഫാൻ മെയ്ഡ് പോസ്റ്ററുകൾ പതിപ്പിച്ച വെള്ളക്കുപ്പികൾ വിതരണം ചെയ്തതു വാർത്തയായിരുന്നു. വിവാഹസദ്യക്ക് കേരളത്തനിമയുള്ള ഒട്ടേറെ വിഭവങ്ങൾ നിരക്കുന്നുണ്ട്. ടൈംസ് ഓഫ് ഇന്ത്യയാണ് വിവാഹ സദ്യയുടെ മെനു പുറത്തുവിട്ടത്

കാതൽ ബിരിയാണി മുതൽ ഇളനീർ പായസം വരെയുള്ള വിഭങ്ങൾ സ്‌ഥക്കുണ്ട്. അവിയൽ, കാളൻ, ചേന കൊണ്ടുള്ള വിഭവം തുടങ്ങി മലയാളികളുടെ നാവിൽ കൊതിയൂറുന്ന അനവധി വിഭവങ്ങൾ ഇവിടെ ഒരുക്കിയിട്ടുണ്ട്. ബിരിയാണിയിൽ എന്ത് കാതൽ എന്ന് ചോദിക്കുന്നവർക്കും മറുപടിയുണ്ട് 

നമ്മുടെ സ്വന്തം എന്ന് വിളിക്കാവുന്ന ചക്ക കൊണ്ടുള്ള ബിരിയാണിയാണ് കാതൽ ബിരിയാണി. പച്ച ചക്ക കൊണ്ട് ബിരിയാണി തയാറാക്കാൻ സാധിക്കുമെന്ന് പലരും തെളിയിച്ചതാണ്. ബാക്കി എന്തെല്ലാം വിഭവം ഉണ്ടെന്നു അറിയേണ്ടേ?

ഫുൾ മെനു ഇതാ കണ്ടോളൂ. ബദാം ഹൽവ, ഇളനീർ പായസം, ഐസ് ക്രീം തുടങ്ങിയവ ഡെസേർട്ട് ഇനങ്ങളായി കാണാവുന്നതാണ്