Adah Sharma | കേരള സ്റ്റോറി നായിക അദാ ശർമ്മയുടെ ഫോൺ നമ്പർ ഓൺലൈനിൽ

200 കോടി ക്ലബും കടന്ന് മുന്നേറുകയാണ് 'ദി കേരള സ്റ്റോറി' (The Kerala Story) എന്ന ചിത്രം. ഈ സാഹചര്യത്തിൽ തീർത്തും അഭിലഷണീയമല്ലാത്ത ചില വിവരങ്ങൾ ചിത്രത്തിൽ നിന്നും പുറത്തുവരികയാണ്. നായിക അദാ ശർമ്മയുടെ (Adah Sharma) ഫോൺ നമ്പറും വിവരങ്ങളും ഓൺലൈനിൽ ചോർന്നു എന്ന കാര്യം ഏറ്റവും അടുത്തായി പുറത്തുവന്ന റിപ്പോർട്ടിൽ പറയുന്നു. ഇൻസ്റ്റഗ്രാം വഴിയാണ് നമ്പർ ചോർന്നത്

ന്യൂസ് 18 ഷോഷായ്‌ക്ക് നൽകിയ അഭിമുഖത്തിൽ, ദി കേരള സ്റ്റോറി എന്ന സിനിമയെക്കുറിച്ച് ചിലർ പ്രശ്‌നമുണ്ടാക്കുന്നത് എന്തുകൊണ്ടാണെന്ന് അദാ ശർമ്മ ആശ്ചര്യപ്പെടുകയും ചെയ്തു. റിലീസിന് മുമ്പ് തീവ്രവാദ സംഘടനകൾ തന്റെ സിനിമയിൽ പ്രശ്‌നമുണ്ടാകുമോ എന്ന് ചിന്തിച്ചിരുന്നുവെന്ന് അവർ സമ്മതിച്ചു (തുടർന്ന് വായിക്കുക)

ഇ-ടൈംസ് റിപ്പോർട്ടിൽ നടിയുടെ കോൺടാക്റ്റ് വിവരങ്ങൾ 'jhamunda_bolte' എന്ന് പേരുള്ള ഒരു ഇൻസ്റ്റഗ്രാം ഉപയോക്താവ് ചോർത്തിയെന്ന് രേഖപ്പെടുത്തുന്നു. ഇത് മാത്രമല്ല, നടിയുടെ പുതിയ കോൺടാക്റ്റ് നമ്പർ ചോർത്തുമെന്ന് ഭീഷണിപ്പെടുത്തുകയും ചെയ്തു. വിവാദമായ ഇൻസ്റ്റാഗ്രാം അക്കൗണ്ട് ഇപ്പോൾ ഡീആക്ടിവേറ്റ് ചെയ്തുവത്രേ

മെയ് 5 ന് റിലീസ് ചെയ്ത 'ദി കേരള സ്റ്റോറി' കേരളത്തിൽ നിന്നുള്ള ഹിന്ദു സ്ത്രീകളെ മതപരിവർത്തനം ചെയ്യുകയും ഇസ്ലാമിക് സ്റ്റേറ്റ് ഓഫ് ഇറാഖ് ആൻഡ് സിറിയയിലേക്ക് (ഐഎസ്ഐഎസ്) കടത്തുകയും ചെയ്യുന്ന കഥകളെ ചുറ്റിപ്പറ്റിയാണ്. റിലീസായപ്പോൾ മുതൽ ഒരു വിഭാഗം പ്രേക്ഷകർ ചിത്രത്തെ 'പ്രോപഗാണ്ട' എന്നാണ് വിളിക്കുന്നത്

റിലീസിന് പിന്നാലെ ചിത്രത്തിന്റെ അണിയറ പ്രവർത്തകർക്കും ഭീഷണി സന്ദേശങ്ങൾ ലഭിച്ചിരുന്നു. ഈ മാസം ആദ്യം, 'കഥ കാണിച്ച് അവർ ഒരു നല്ല കാര്യവും ചെയ്തില്ല' എന്നെഴുതിയ ഭീഷണി സന്ദേശം ക്രൂ അംഗങ്ങളിൽ ഒരാൾക്ക് ലഭിച്ചതായി സംവിധായകൻ സുദീപ്തോ സെൻ പോലീസിനെ അറിയിച്ചു

“സിനിമ കണ്ടുകഴിഞ്ഞാൽ പിന്നെ ആർക്കും ഒരു പ്രശ്‌നവും ഇല്ല. അത് തീവ്രവാദത്തെപ്പറ്റി മാത്രമാണെന്ന് അവർക്ക് മനസിലാക്കാൻ കഴിയും. എന്തുകൊണ്ടാണ് ചിലർക്ക് തുടക്കത്തിലേ ഇത് പ്രശ്‌നമുണ്ടാക്കുന്നതെന്ന് എനിക്കറിയില്ല. ട്രെയിലറിന്റെ ആദ്യ വരിയിൽ, ഇംഗ്ലീഷിൽ, 'നിങ്ങൾ എങ്ങനെ ഐഎസിൽ ചേർന്നുവെന്ന് ദയവായി പറയൂ' എന്ന് പറയുന്ന ഒരാൾ ഉണ്ട്...

ഞങ്ങൾ ഞങ്ങളുടെ നിലപാട് വ്യക്തമാക്കിയിരുന്നു. ISIS എന്ന് നമ്മൾ തുറന്ന് പറയുന്നതുകൊണ്ട് തീവ്രവാദ സംഘടനകൾക്ക് പ്രശ്നമുണ്ടോ എന്ന് ഞാൻ ചോദിച്ചിരുന്നു. ആളുകൾക്ക് അതിൽ പ്രശ്‌നമുണ്ടാകുമെന്ന് എനിക്കറിയില്ലായിരുന്നു" ഷോഷാ അഭിമുഖത്തിൽ അദാ ശർമ്മ പറഞ്ഞു