Optical Illusion | ചിത്രത്തിൽ മൊത്തം എത്ര 7 നിങ്ങൾ കണ്ടു? കൃത്യമായ ഉത്തരം കണ്ടെത്താൻ കഴിഞ്ഞത് ചുരുക്കം പേർക്ക് മാത്രം

ഒപ്റ്റിക്കൽ ഇല്ല്യൂഷൻ (optical illusion) പലതരത്തിലുണ്ട്. അടിസ്ഥാനപരമായത്, രസകരമായത്, മനസ്സിനെ ആശ്ചര്യപ്പെടുത്തുന്നത് എന്നിവയാണ് അതിൽ ചിലത്. ഇത് മൂന്നാമത്തെ വിഭാഗത്തിൽ പെടുന്ന ഒരു ചിത്രമാണ് നിങ്ങളുടെ മുന്നിലുള്ളത്. കാരണം കേവലം ഒരു ശതമാനം ആളുകൾക്ക് മാത്രമേ ഇതുവരെയും ഈ സമസ്യ പരിഹരിക്കാൻ കഴിഞ്ഞിട്ടുള്ളൂ

മുകളിലെ ചിത്രം നിങ്ങൾ നന്നായി നോക്കൂ. ഇതിൽ 7, Z എന്നിങ്ങനെ രണ്ടുകാര്യങ്ങളാണ് കാണാൻ കഴിയുക. ഈ ഒപ്റ്റിക്കൽ ഇല്ല്യൂഷനിൽ നിങ്ങൾക്ക് എല്ലാ 7 സംഖ്യകളും കണ്ടെത്താൻ കഴിയുമെങ്കിൽ, നിങ്ങൾ ആ ഒരു ശതമാനത്തിലാണ് (തുടർന്ന് വായിക്കുക)

'ഒരു ശതമാനം ആളുകൾക്ക് മാത്രമേ ചിത്രത്തിലെ എല്ലാ 7-കളും കണ്ടെത്താൻ കഴിയൂ' എന്ന അടിക്കുറിപ്പോടെയാണ് ഹെക്‌റ്റിക് നിക് എന്നയാൾ ടിക് ടോക്കിൽ ബ്രെയിൻ ടീസർ പോസ്റ്റ് ചെയ്തത്

നിക്ക് ചിത്രം ചൂണ്ടിക്കാണിക്കുകയും 7-ന്റെ എണ്ണം ഊഹിക്കാൻ എല്ലാവരേയും വെല്ലുവിളിക്കുകയും ചെയ്തു. പക്ഷേ അയാൾ ഉത്തരം വെളിപ്പെടുത്തിയില്ല

അതിശയകരമെന്നു പറയട്ടെ, അദ്ദേഹത്തിന്റെ മിക്ക ഫോളോവേഴ്‌സും മറ്റ് പ്ലാറ്റ്‌ഫോമുകളിൽ നിന്നുള്ള നെറ്റിസൺമാരും ചിത്രം കണ്ട് ആകെ ആശയക്കുഴപ്പത്തിലായി. മിക്ക ഉപയോക്താക്കളും 17 എണ്ണം ഉണ്ടെന്ന് പറഞ്ഞു. വിഷ്വലിൽ 28 ആണെന്നായിരുന്നു മറ്റൊരു പക്ഷം

'ഞാൻ ഒരെണ്ണം നേരിട്ട് കണ്ടെത്തി, 17ൽ അവസാനിച്ചു' എന്ന് മറ്റൊരാൾ കമന്റ് ചെയ്‌തു

ഈ സമസ്യ പോസ്റ്റ് ചെയ്തയാൾ മറ്റൊരു തരത്തിലും ഉദ്ദേശിച്ചിരിക്കാം. ഇടയ്ക്കിടെ 7 എന്ന സംഖ്യ കാണാൻ കഴിയുന്നെങ്കിലും, ഇതിലെ ഓരോ Zലും 7 ഉള്ളതിനാൽ, അങ്ങനെയും ഉത്തരം കണ്ടെത്താൻ സാധ്യതയുണ്ട്