Salman Khan | സൽമാൻ ഖാനെതിരെ അയൽവാസിയുടെ ഗുരുതര ആരോപണം; കേസിൽ നിർണ്ണായക വഴിത്തിരിവ്

ബോളിവുഡ് സൂപ്പർസ്റ്റാർ സൽമാൻ ഖാനെതിരെ (Salman Khan) അയൽവാസി ഉന്നയിച്ച ആരോപണങ്ങൾക്ക് രേഖാമൂലമുള്ള തെളിവുകൾ പിന്തുണ നൽകുന്നതായി മുംബൈ കോടതി ബുധനാഴ്ച പറഞ്ഞു. ഒരു യൂട്യൂബ് ചാനലിന് നൽകിയ അഭിമുഖത്തിൽ നടനെതിരെ അപകീർത്തികരമായ പരാമർശം നടത്തിയതിന് പൻവേൽ ഫാം ഹൗസ് അയൽവാസിയായ കേതൻ കക്കാടിനെതിരെ മാനനഷ്‌ട കേസ് ഫയൽ ചെയ്ത സൽമാന് കോടതി ഇടക്കാല ആശ്വാസം നൽകിയില്ല

സൽമാന്റെ ഫാം ഹൗസിനോട് ചേർന്നുള്ള കുന്നിൽ എൻആർഐ ആയ കക്കാടിന് സ്വന്തമായി ഒരു പ്ലോട്ടുണ്ട്. വീഡിയോകളിലും പോസ്റ്റുകളിലും ട്വീറ്റുകളിലും കക്കാട് തെറ്റായതും അപകീർത്തികരവുമായ ആരോപണങ്ങൾ ഉന്നയിച്ചതായി സൽമാന്റെ അഭിഭാഷകൻ പ്രദീപ് ഗാന്ധി വാദിച്ചു. സൽമാന്റെ ഫാം ഹൗസിനോട് ചേർന്ന് ഒരു സ്ഥലം വാങ്ങാൻ കക്കാട് ശ്രമിച്ചിരുന്നു, എന്നാൽ ഇത് നിയമവിരുദ്ധമാണെന്ന് കാണിച്ച് അധികൃതർ ഇടപാട് റദ്ദാക്കിയതായി അഭിഭാഷകൻ കോടതിയെ അറിയിച്ചു. അതിനു ശേഷമാണ് ഇയാളുടെ വാദം (തുടർന്ന് വായിക്കുക)

1996-ൽ കക്കാട് തന്റെ ഭൂമി വാങ്ങി. 2014-ൽ വിരമിച്ച അദ്ദേഹം അവിടെ താമസിക്കാൻ ആഗ്രഹിച്ചു, എന്നാൽ സൽമാൻ ഖാന്റെയും കുടുംബത്തിന്റെയും തടസ്സങ്ങൾ കാരണം അദ്ദേഹത്തിന്റെ ഭൂമിയിൽ പ്രവേശിക്കാൻ കഴിഞ്ഞില്ല എന്ന് അഭിഭാഷകർ അവകാശപ്പെട്ടു

ട്വീറ്റുകളിലെ അപകീർത്തികരമായ പരാമർശങ്ങൾ എങ്ങനെയാണെന്ന് സൽമാൻ വിശദീകരിച്ചിട്ടില്ലെന്ന് റെക്കോർഡ് ചെയ്ത ട്വീറ്റുകളും വീഡിയോകളും പരിശോധിച്ച ശേഷം ജഡ്ജി പറഞ്ഞു. കക്കാടിനെ തന്റെ ഭൂമി ഉപയോഗിക്കുന്നതിൽ നിന്ന് ഖാൻ തടഞ്ഞുവെന്ന ആരോപണം തെളിയിക്കാൻ 'രേഖാമൂലമുള്ള തെളിവ്' ഉണ്ടെന്നും കോടതി ചൂണ്ടിക്കാട്ടി

അഭിമുഖത്തിൽ പങ്കെടുത്ത മറ്റ് രണ്ട് പേരെയും സൽമാന്റെ പരാതിയിൽ പ്രതി ചേർത്തിട്ടുണ്ട്. അഭിമുഖം നീക്കം ചെയ്യണമെന്ന് നടൻ ആവശ്യപ്പെട്ടതിനാൽ ഗൂഗിൾ, യൂട്യൂബ്, ഫേസ്ബുക്ക്, ട്വിറ്റർ എന്നിവ പോലും കേസിൽ പേരെടുത്തു പരാമർശിക്കപ്പെട്ടിട്ടുണ്ട്

കക്കാട് തന്റെ പൻവേൽ ഫാം ഹൗസിനോട് ചേർന്ന് ഒരു സ്ഥലം വാങ്ങാൻ ശ്രമിച്ചിരുന്നുവെന്നും എന്നാൽ ഇത് നിയമവിരുദ്ധമാണെന്ന് കണ്ട് അധികൃതർ ഇടപാട് റദ്ദാക്കിയെന്നും സൽമാൻ ഭാഗം അവകാശപ്പെട്ടു

ഇടപാട് റദ്ദാക്കിയതിന് സൽമാനെതിരെ കക്കാട് ആരോപണം ഉന്നയിച്ചിരുന്നു. വ്യാജവും അപകീർത്തികരവുമായ പ്രസ്താവനകൾ നടനെയും കുടുംബത്തെയും ദോഷകരമായി ബാധിക്കുന്നുവെന്ന് സൽമാന്റെ അഭിഭാഷകർ പറഞ്ഞു