Deepika Padukone | ഓസ്കർ വേദിയിൽ വന്ന ദീപികയുടെ കഴുത്തിന് പിറകെ കുനുകുനെ കണ്ടതെന്താണ്?

ഡോൾബി തിയേറ്ററിൽ കൂടിയിരുന്ന വിദേശികളിൽ ചിലർക്കെങ്കിലും ഇന്ത്യയിൽ ഭാഷഭേദമന്യേ ജനങ്ങൾ കയ്യടിച്ചും ചുവടുവച്ചും ട്രെൻഡ് ആക്കിയ ഗാനം 'നാട്ടു നാട്ടു' (Nattu Nattu) എന്തെന്നറിയാൻ സാധ്യത കുറവായിരുന്നു. അവർക്കു മുന്നിലേക്കാണ് നടി ദീപിക പദുകോൺ (Deepika Padukone) കടന്നു വന്നത്. 'നാട്ടു നാട്ടു' ആടിത്തകർക്കുന്നവരെ അവർക്കു മുന്നിലെത്തിച്ചാണ് ദീപിക രാജമൗലിയുടെ RRR ഗാനം പരിചയപ്പെടുത്തിയത്

പലരും ദീപികയുടെ വേഷവിധാനം ശ്രദ്ധിച്ചിരിക്കും. ഡീപ് നെക്ക് ഓഫ് ഷോൾഡർ ഗൗൺ ആണ് ദീപിക അണിഞ്ഞിരുന്നത്. ബ്ലാക്ക് ഗൗൺ പലരെയും ആകർഷിച്ചു കഴിഞ്ഞു. എന്നാൽ പലരും ശ്രദ്ധിക്കാൻ ഇടയില്ലാത്ത ഒന്നുണ്ട്. അത് ദീപികയുടെ കഴുത്തിനു പിന്നിലാണ് (തുടർന്ന് വായിക്കുക)

ഓസ്‌കർ അവതരണത്തിന് ശേഷം ദീപിക അതിന്റെ വിശാലമായ കാഴ്ച ഇൻസ്റ്റഗ്രാം സ്റ്റോറിയിലൂടെ പ്രേക്ഷകരുടെ മുന്നിലെത്തിച്ചു. ദീപികയുടെ പുതിയ ടാറ്റുവാണു കുഞ്ഞക്ഷരത്തിൽ കഴുത്തിന് പിറകിൽ രേഖപ്പെടുത്തിയത്

ഇത് സ്ഥിരമായി ചെയ്തതാണോ അതോ പെട്ടെന്ന് മാഞ്ഞുപോകുന്ന തരത്തിലാണോ ചെയ്തിട്ടുളളത് എന്ന കാര്യം അവ്യക്തമാണ്. പുതിയ ബ്യൂട്ടി ബ്രാൻഡ് ആയ '82 ഡിഗ്രിസ് ഈസ്റ്റ്' അടുത്തിടെ ആരംഭിച്ചിരുന്നു

ഈ ടാറ്റുവും ബ്ലാക്ക് നിറത്തിലാണ് ചെയ്തിട്ടുള്ളത്. ദീപികയുടെ ഓസ്കർ വേഷം 1980കളിലെ ഹോളിവുഡ് ചിത്രങ്ങളിൽ നിന്നും പ്രചോദനം ഉൾക്കൊണ്ടതാണോ എന്ന് സംശയിക്കേണ്ടിയിരിക്കുന്നു. അതിനൊപ്പം ഒരു സ്റ്റെമെന്റ്റ് നെക്‌ലേസും മുടിക്കെട്ടും ചേർന്നാൽ ലുക്ക് പൂർണമായി

ദീപിക പദുക്കോണിന്റെ ആദ്യ ഓസ്‌കർ അവതരണമാണിത് എങ്കിലും, ആദ്യ ഇന്ത്യക്കാരി എന്ന നേട്ടം മറ്റൊരാൾക്കാണ്. 1980ൽ മോഡൽ പെർസിസ് ഖംബട്ടയാണ് ഓസ്‌കാർ അവാർഡ് അവതരിപ്പിച്ച ആദ്യ ഇന്ത്യക്കാരി

2016ൽ പ്രിയങ്ക ചോപ്ര ഓസ്‌കർ വേദിയിൽ എത്തിയിരുന്നു. ഇന്ത്യയുടെ അഭിമാനം ഉയർത്തി, മികച്ച ഫിലിം എഡിറ്റിംഗ് പുരസ്‌കാര അവതരണത്തിന് പ്രിയങ്ക ലീവ് ഷ്രെയ്‌ബറിനൊപ്പം ചേർന്നു