Devika Nambiar | കണ്മണി വരാറായി; നടിയും അവതാരകയുമായ ദേവിക നമ്പ്യാർ ആശുപത്രിയിൽ എത്തി, പോസ്റ്റുമായി വിജയ് മാധവ്

ഗായികയും അവതാരകയുമായ ദേവിക നമ്പ്യാരും (Devika Nambiar), ഭർത്താവും ഗായകനുമായ വിജയ് മാധവും (Vijay Maadhhav) ആദ്യത്തെ കൺമണിയെ വരവേൽക്കാനൊരുങ്ങി ആശുപത്രിയിൽ. പ്രസവത്തിനായി ദേവിക ആശുപത്രിയിൽ അഡ്മിറ്റ് ആയ വിവരം വിജയ് മാധവ് സന്തോഷത്തോടെ ഫേസ്ബുക്ക് വീഡിയോയിൽ കുറിച്ചു. തീർത്തും ആകസ്മികമായി ആറ്റുകാൽ പൊങ്കാലയുമായി അടുത്ത ദിനത്തിലാണ് ദേവിക പ്രസവത്തിനായി പ്രവേശിച്ചത്

ആറ്റുകാൽ അമ്മയുടെ നടയ്ക്കരികിലാണ് എന്നതും പ്രത്യേകത. ആറ്റുകാലിലേക്കു പോകും വഴി ഏറ്റവും അടുത്തുള്ള പി.ആർ.എസ്. ആശുപത്രിയിലാണ് ദേവികയെ പ്രവേശിപ്പിച്ചിട്ടുള്ളത്. ഉത്സവവുമായി ബന്ധപ്പെട്ടുള്ള പാട്ടും കേട്ട് സന്തോഷവതിയായി ഇരിക്കുന്ന ദേവികയുടെ വീഡിയോ വിജയ് പോസ്റ്റ് ചെയ്‌തു (തുടർന്ന് വായിക്കുക)

ഈ ദമ്പതികൾ ഏറെ ഫോളോവേഴ്‌സുള്ള ഫേസ്ബുക്ക്, ഇൻസ്റ്റാഗ്രാം പേജുകളിലും സജീവമാണ്. വിജയ്‌യുടെ പാട്ട് കേട്ടാണ് ദേവിക ഗർഭകാലം മുഴുവനും ചെലവിട്ടത്

ഗായിക എന്നാണ് വിജയ് ഭാര്യയെ വിശേഷിപ്പിക്കാറ്. 'മാഷ്' എന്ന് സ്നേഹപൂർവ്വം ദേവിക വിജയ് മാധവിനെ വിളിക്കാറുണ്ട്

ആദ്യത്തെ കൺമണിയെ കാത്തിരിക്കുന്ന കാലം സംഗീത സാന്ദ്രമായി ഇരുവരും കൊണ്ടാടി. കുറച്ച് സ്റ്റുഡിയോ റെക്കോർഡിങ് സെഷനുകളിലും ഇവർ പങ്കെടുത്തിരുന്നു

ഇടയ്ക്കിടെ വിജയ് മാധവിന്റെ വീട്ടിലെ മുതിർന്നവർക്കൊപ്പം ദേവിക അടുക്കളയിൽ ചെറിയ പാചക പരീക്ഷണങ്ങളും നടത്താറുണ്ട്. ആ വീഡിയോയും സോഷ്യൽ മീഡിയയിൽ പോസ്റ്റ് ചെയ്യപ്പെട്ടിരുന്നു

2022 ജനുവരി മാസത്തിൽ ഗുരുവായൂർ ക്ഷേത്രത്തിൽ വച്ചായിരുന്നു ദേവിക നമ്പ്യാർ, വിജയ് മാധവ് വിവാഹം