ദേവിക നമ്പ്യാർ അമ്മയായി; കുഞ്ഞ് പിറന്ന സന്തോഷവുമായി വിജയ് മാധവ്

നടിയും അവതാരകയുമായ ദേവിക നമ്പ്യാർ (Devika Nambiar) അമ്മയായി. ഉണ്ണി പിറന്ന സന്തോഷം പങ്കിട്ട് വിജയ് മാധവ് (Vijay Maadhhav) ഒരു ചെറു വീഡിയോ ഫേസ്ബുക്കിൽ പോസ്റ്റ് ചെയ്തു. ലേബർ റൂമിൽ നിന്നുള്ള വീഡിയോ ആണ് ഇത്. പ്രസവം കഴിഞ്ഞ ദേവിക റെസ്റ്റിലാണ്. താൻ ആദ്യമായാണ് ലേബർ റൂമിൽ കയറുന്നത് എന്ന് വിജയ് വീഡിയോയിൽ പറയുന്നു

സ്നേഹിക്കുകയും അനുഗ്രഹിക്കുകയും ചെയ്ത ആരാധകരുടെ ആവശ്യപ്രകാരമാണ് ഇങ്ങനെ ഒരു വീഡിയോ എന്ന് വിജയ്. അമ്മയും കുഞ്ഞും സുഖമായിരിക്കുന്നു. എന്നാൽ കുഞ്ഞിനെ കാണാൻ കേറുന്നവർക്ക് കുറച്ചുകൂടി കാത്തിരുന്നേ മതിയാവൂ (തുടർന്ന് വായിക്കുക)

തങ്ങളുടെ കുഞ്ഞ് മകനെ ഈ അച്ഛനമ്മമാർ വീഡിയോയിൽ ഉൾപ്പെടുത്തിയിട്ടില്ല. ലേബർ റൂമിൽ നിന്നും മുറിയിലേക്ക് പോയി വിശ്രമം ഒക്കെ മാറിയിട്ടേ കുഞ്ഞിനെ പരിചയപ്പെടുത്തൂ

പ്രസവത്തിന്റെ എക്സ്പീരിയൻസ് പറഞ്ഞുള്ള വീഡിയോ ചെയ്യണം എന്ന് ആഗ്രഹമുണ്ടായിരുന്നെങ്കിലും, പ്രസവവേദന തുടങ്ങിയ സാഹചര്യത്തിൽ ദേവികയും ഭർത്താവും കൂടുതൽ വീഡിയോ ചെയ്യാൻ നിന്നില്ല. തിരുവനന്തപുരത്തെ പി.ആർ.എസ്. ആശുപത്രിയിലായിരുന്നു പ്രസവം

ആറ്റുകാൽ ക്ഷേത്രത്തിനടുത്തുള്ള ആശുപത്രിയിലാണ് കുഞ്ഞ് പിറന്നത്. ആറ്റുകാൽ പൊങ്കാലയുടെ തലേദിവസമാണ് മകന്റെ ജനനം എന്ന സന്തോഷ വർത്തമാനം കൂടിയുണ്ട്

തീർത്തും സ്വാഭാവിക ജീവിതത്തിലൂടെ ഗർഭകാലം രസകരമായി കൊണ്ടുപോകുന്ന കാഴ്ചകൾ ദേവികയും വിജയ് മാധവും പോസ്റ്റ് ചെയ്യുമായിരുന്നു. സംഗീതവും പാചകവുമായിരുന്നു ഇതിൽ പ്രധാനം

ഐഡിയ സ്റ്റാർ സിങ്ങർ റിയാലിറ്റി ഷോയുടെ ആദ്യകാല എഡിഷനിലൂടെയാണ് വിജയ് മാധവ് ഏവർക്കും സുപരിചിതനായത്. സീരിയലുകളിലൂടെയും, ടി.വി. പരിപാടി അവതരണത്തിലൂടെയുമാണ് ദേവികയെ എല്ലാവരും അറിയുന്നത്