Devoleena Bhattacharjee | ജിം ട്രെയ്നറെ വിവാഹംചെയ്തത് ഗർഭിണിയായത് കൊണ്ടോ? നടി ദേവോലീന ഭട്ടചാർജീ പ്രതികരിക്കുന്നു

യാതൊരു വിവാഹ പ്രഖ്യാപനവുമില്ലാതെ, തന്റെ ജിം ട്രെയ്നറെ വിവാഹം ചെയ്ത നടി ദേവോലീന ഭട്ടചാർജീ (Devoleena Bhattacharjee) ഒട്ടേറെ ട്രോളുകൾ അഭിമുഖീകരിച്ചിരുന്നു. അന്യമതസ്ഥനെ വിവാഹം ചെയ്തതായിരുന്നു ആദ്യം. പക്ഷെ ഇപ്പോൾ അതിൽ നിന്നുമെല്ലാം മാറി, മറ്റൊരു ട്രോളാണ് നടിക്ക് നേരെ തൊടുത്തുവിട്ടിരിക്കുന്നത്. വിവാഹ സമയത്തു നടി ഗർഭിണിയായിരുന്നോ എന്നാണ് ചോദ്യം

ഷാനവാസ് ഷെയ്ഖ് എന്ന ജിം ട്രെയ്നറാണ് ഇവരുടെ ഭർത്താവ്. സ്വകാര്യ ചടങ്ങിൽ വിവാഹ നടത്തിയതിനു ശേഷം ചിത്രങ്ങൾ അവരവരുടെ ഇൻസ്റ്റാഗ്രാം അക്കൗണ്ടിൽ പോസ്റ്റ് ചെയ്യുകയായിരുന്നു. 'നിങ്ങളുടെ അളിയൻ ഇതാ' എന്ന് പറഞ്ഞാണ് ദെബോലീന തന്റെ സോഷ്യൽ മീഡിയയിലെ സഹോദരങ്ങൾക്ക് ഭർത്താവിനെ പരിചയപ്പെടുത്തിയത് (തുടർന്ന് വായിക്കുക)

ഇടയിംസിന് നൽകിയ അഭിമുഖത്തിലാണ് ദേബോലീന തന്റെ വിവാഹത്തെച്ചൊല്ലിയുള്ള വിവാദങ്ങൾക്കു മറുപടി നൽകിയത്. 'എനിക്ക് ആരോടും ഒന്നും ന്യായീകരിക്കേണ്ട കാര്യമില്ല, പക്ഷേ ഞാൻ ഗർഭിണിയാണെന്ന് കരുതുന്നവരുണ്ട്. അതിനാൽ ഞാൻ പെട്ടെന്ന് വിവാഹം കഴിച്ചു എന്നവർ പറയുന്നു...

ഇത്തരം മോശം കമന്റുകൾ പറയുന്നവരെ ഓർത്ത് എനിക്ക് ഞെട്ടലും സങ്കടവും തോന്നുന്നു, നടി പറഞ്ഞു. 'ഒരാളെ പീഡിപ്പിക്കാനുള്ള ഒരവസരവും വിടാൻ കഴിയാത്ത കാപട്യത്തിന്റെ മറ്റൊരു തലമാണിത്. അവർക്ക് ആരും സന്തോഷിക്കുന്നത് കാണാൻ കഴിയില്ല...

ചില സമയങ്ങളിൽ ഇത് നിരാശാജനകമാണ്. എന്തിനാണ് ഒരാളുടെ ജീവിതത്തിൽ ഇത്രയധികം കടന്നുകയറുന്നത്? എന്നാൽ പിന്നീട് ഈ കമന്റുകൾ കേട്ട് ഞാൻ ചിരിച്ചു പോയി, ദെവോലീന പറഞ്ഞു

ഭാവിയിൽ പിറക്കാനിരിക്കുന്ന കുട്ടികളുടെ മതത്തെക്കുറിച്ച് ചോദ്യങ്ങൾ ഉന്നയിച്ച ട്രോളുകൾക്ക് മറുപടിയുമായി ദേവോലീന തന്റെ മറുപടി ട്വിറ്ററിൽ കുറിച്ചു. ഇത്തരം ചിന്താഗതി വിഷലിപ്തമാണ് എന്നായിരുന്നു നടിയുടെ പ്രതികരണം. കുഞ്ഞുങ്ങൾ മുസ്ലീമോ ഹിന്ദുവോ ആയിരിക്കാമെന്നും അവളെ ഓൺലൈനിൽ ട്രോളുന്നവരുമായി അതിന് യാതൊരു ബന്ധവുമില്ലെന്നും അവർ എഴുതി