Dileep | എല്ലാ വർഷവും മുടങ്ങാതെ ദിലീപ് ജഗതി ശ്രീകുമാറിന് വേണ്ടി അത് ചെയ്തിരിക്കും; ജഗതിയുടെ മകൾ പാർവതിയുടെ വാക്കുകൾ

ചേക്കിലെ കള്ളൻ മാധവനും വട്ടിപ്പലിശക്കാരൻ കൃഷ്ണവിലാസം ഭഗീരഥൻ പിള്ളയും. കൊച്ചിരാജാവിലെ രാജകുടുംബത്തിലെ മുത്തച്ഛനും കൊച്ചുമകനും. ദിലീപും (Dileep) ജഗതി ശ്രീകുമാറും (Jagathy Sreekumar) സ്‌ക്രീനിൽ നിറഞ്ഞ വേളകളെല്ലാം മലയാളിക്ക് ലഭിച്ചത് എക്കാലവും ഓർക്കാൻ സാധിക്കുന്ന ഒരുപറ്റം കഥാപാത്രങ്ങളും ചില ക്‌ളാസ്സിക് ചിത്രങ്ങളുമാണ്. എന്നാൽ ആ കോംബോ സിനിമയിൽ മാത്രം ഒതുങ്ങുന്നതല്ല എന്ന് എത്രപേർക്കറിയാം

വർഷങ്ങൾക്കു മുൻപ് നടന്ന റോഡ് അപകടത്തെ തുടർന്ന് ഗുരുതര പരിക്കേറ്റ ജഗതി, ചികിത്സയിലൂടെ ജീവിതത്തിലേക്ക് മടങ്ങിയെങ്കിലും, സിനിമയിൽ പഴയപടി സജീവമായില്ല. ജഗതി ശ്രീകുമാറിന്റെ മകൾ പാർവതി സംസാരിക്കുന്ന ഒരു വീഡിയോ ശകലം ഫേസ്ബുക്കിൽ പ്രചരിക്കുകയാണ്‌. ഇതിൽ ദിലീപ് ജഗതി ശ്രീകുമാറുമായി ഇപ്പോഴും സൂക്ഷിക്കുന്ന അടുപ്പത്തെക്കുറിച്ച് പാർവതി വിശദമാക്കുന്നു (തുടർന്ന് വായിക്കുക)

പണ്ട് മുതലേ ദിലീപും ജഗതി ശ്രീകുമാറും തമ്മിൽ നല്ല അടുപ്പമാണെന്നു പാർവതി പറയുന്നു. മറ്റു താരങ്ങൾ അന്വേഷിക്കുന്നില്ല എന്ന് പറയാൻ സാധിക്കില്ല. പക്ഷെ ജഗതിക്കു വേണ്ടി ദിലീപ് സമയം കണ്ടെത്തുന്നുണ്ട്

എല്ലാ വർഷവും പുതുവർഷദിനം, ജന്മദിനം തുടങ്ങിയ വേളകളിൽ മുടങ്ങാതെ ഒരു ഫോൺ കോൾ ദിലീപിൽ നിന്നും ജഗതി ശ്രീകുമാറിന് എത്തിയിരിക്കും എന്ന് പാർവതി

വീഡിയോ കോൾ ചെയ്ത് സംസാരിക്കും. തിരുവനന്തപുരത്തു വരുമ്പോൾ വന്നു കാണും. തങ്ങളുടെ കുടുംബവുമായി ദിലീപ് നല്ല അടുപ്പം സൂക്ഷിക്കാറുണ്ടത്രെ

നീണ്ട വർഷങ്ങൾക്കു ശേഷം സി.ബി.ഐ. അഞ്ചാം ഭാഗത്തിൽ വിക്രം എന്ന കഥാപാത്രമായി ജഗതി ശ്രീകുമാർ മടങ്ങിയെത്തിയിരുന്നു. ഡയലോഗുകൾ പറയാൻ ഇല്ലാതിരുന്നെങ്കിലും, ചിത്രത്തിൽ നിർണായക വഴിത്തിരിവായത് ജഗതി ചെയ്ത കഥാപാത്രമായിരുന്നു

സി.ബി.ഐ. അഞ്ചാം ഭാഗമായ സി.ബി.ഐ. 'ദി ബ്രെയിൻ' ടീമിൽ മമ്മൂട്ടി, രൺജി പണിക്കർ, എസ്.എൻ. സ്വാമി, മുകേഷ്, കെ. മധു എന്നിവർക്കൊപ്പം ജഗതി ശ്രീകുമാർ