Dileep | വെയിലും ചൂടും വകവെക്കാതെ ദിലീപിനെ കാണാൻ മലപ്പുറത്ത് വൻ ജനക്കൂട്ടം

നടൻ ദിലീപിന്റെ (Dileep) ഒരു ചിത്രം തിയേറ്ററിൽ ഇറങ്ങിയിട്ട് നാല് വർഷങ്ങളാവാൻ പോകുന്നു. 2019 ക്രിസ്തുമസ് സീസണിൽ റിലീസ് ചെയ്ത 'മൈ സാന്റ' എന്ന സിനിമയാണ് ഏറ്റവും ഒടുവിൽ തിയേറ്റർ റിലീസ് ചെയ്തത്. അന്ന് കൊച്ചുകുഞ്ഞായിരുന്ന മകൾ മഹാലക്ഷ്മിയെ മടിയിലിരുത്തി അച്ഛനും മകളും സാന്റ വേഷത്തിൽ പോസ് ചെയ്ത ചിത്രം ശ്രദ്ധ നേടിയിരുന്നു. എന്നാൽ വർഷങ്ങളുടെ അന്തരം ആരാധകർ കണക്കിലെടുക്കുന്നില്ല എന്നതിന് തെളിവാണ് ചുവടെ കാണുന്ന ചിത്രങ്ങൾ (ചിത്രം: ദിലീപ് ഓൺലൈൻ)

മലപ്പുറം താനൂരിൽ ദിലീപ് അതിഥിയായി എത്തിയ ചടങ്ങിൽ പങ്കെടുത്ത ആരാധകരാണിത്. പൊരിവെയിലും ചൂടും വകവെക്കാതെയാണ് ഇവർ ഇവിടെ എത്തിച്ചേർന്നത്. ഇതിനു മുൻപും ദിലീപ് പല ചടങ്ങുകളിൽ ഉദ്‌ഘാടകനും മറ്റുമായി എത്തിയിരുന്നു എങ്കിലും ഇതുപോലൊരു മെഗാ ഇവന്റ് ആദ്യമായാണ് (ചിത്രം: ദിലീപ് ഓൺലൈൻ) -തുടർന്ന് വായിക്കുക-

താനൂരിലെ മാൾ ഉദ്‌ഘാടകനായി എത്തിയതാണ് ദിലീപ്. മാർച്ച് 31നായിരുന്നു ചടങ്ങ്. നടനെ കാണാൻ ഒട്ടേറെപ്പേർ വേദിയിൽ തടിച്ചുകൂടി. പരിപാടിക്കായി നിരത്തിയ സീറ്റുകൾ നിറഞ്ഞു കവിഞ്ഞ് യുവാക്കൾ പലരും തൊട്ടടുത്തുള്ള കെട്ടിടത്തിന്റെ മുകളിലും മറ്റുമായി കയറി നിന്നാണ് പരിപാടി കണ്ടത് (ചിത്രം: ദിലീപ് ഓൺലൈൻ)

പുരുഷന്മാരും, സ്ത്രീകളും കുട്ടികളുമടങ്ങുന്ന വൻ ജനക്കൂട്ടമാണ് ദിലീപിനെ കാണാൻ എത്തിയത്. ബൗൺസർമാർ ചേർന്നാണ് നടനെ വേദിയിലേക്ക് കൊണ്ടുവന്നത് (ചിത്രം: ദിലീപ് ഓൺലൈൻ)

'മൈ സാന്റക്കു' ശേഷം തൊട്ടടുത്ത വർഷമാണ് കോവിഡ് പൊട്ടിപ്പുറപ്പെട്ടത്. ശേഷം സിനിമാ ചിത്രീകരണം ഉൾപ്പെടെ മുടങ്ങിയ സാഹചര്യം ഉണ്ടായി. ഇതിനിടെ നാദിർഷ സംവിധാനം ചെയ്ത 'കേശു ഈ വീടിന്റെ നാഥൻ' ഡിജിറ്റൽ റിലീസ് ചെയ്തു. കുടുംബപ്രേക്ഷകർ ഏറ്റെടുത്ത ചിത്രമാണിത് (ചിത്രം: ദിലീപ് ഓൺലൈൻ)

[caption id="attachment_593051" align="alignnone" width="1280"] തമന്ന ആദ്യമായി മലയാളത്തിൽ നായികാവേഷം ചെയ്യുന്ന 'ബാന്ദ്ര' ഈ വർഷം റിലീസ് പ്രതീക്ഷിക്കുന്ന ചിത്രമാണ്. ഇത്രയും വർഷങ്ങൾക്കിടെ ഒരു തിയേറ്റർ റിലീസ് പോലും ഇല്ലാതിരുന്ന ഒരേയൊരു സൂപ്പർസ്റ്റാർ ദിലീപാണ് (ചിത്രം: ദിലീപ് ഓൺലൈൻ)

നടനിൽ നിന്നും സംവിധായകനിലേക്കു മാറിയ വിനീത് കുമാറിന്റെ പുതിയ ചിത്രത്തിൽ നായകൻ ദിലീപാണ്. കുറച്ചു ദിവസങ്ങൾക്കു മുൻപാണ് ഈ സിനിമയുടെ പൂജാ ചടങ്ങുകൾ നടന്നത്. മലയാള സിനിമയിലെ പ്രശസ്ത സംവിധായകർ ഉൾപ്പെടെ ചടങ്ങിൽ അതിഥികളായിരുന്നു. ദിലീപ്149 എന്നാണ് ചിത്രത്തിന് നൽകിയ താൽക്കാലിക പേര് (ചിത്രം: ദിലീപ് ഓൺലൈൻ)

ദിലീപും കാവ്യയും മക്കൾക്കൊപ്പം പങ്കെടുത്ത ഒരു ചടങ്ങിലെ ചിത്രങ്ങൾ അടുത്തിടെ ശ്രദ്ധ നേടിയിരുന്നു. അരുൺ ഗോപിയുടെ ഇരട്ടക്കുഞ്ഞുങ്ങളുടെ ആദ്യ പിറന്നാളിനാണ് ദിലീപ് സകുടുംബം എത്തിച്ചേർന്നത് (ചിത്രം: ദിലീപ് ഓൺലൈൻ)

ടിനു പാപ്പച്ചൻ. സിബി കെ. തോമസ്, നിസാം ബഷീർ, ബി. ഉണ്ണികൃഷ്ണൻ- ഉദയകൃഷ്ണ ചിത്രം തുടങ്ങിയവ ദിലീപിന്റേതായി അണിയറയിൽ ഒരുങ്ങുന്നുണ്ട്