ഇത് പൊളിക്കും; ദിലീപ്, നാദിർഷ, അമൃത സുരേഷ് ഉൾപ്പെടുന്ന ടീം സൗദിയിൽ

നടൻ ദിലീപ് (Dileep), ഗായിക അമൃത സുരേഷ് (Amrutha Suresh), സംവിധായകനും ഗായകനുമായ നാദിർഷ (Nadhirshah), കോട്ടയം നസീർ (Kottayam Naseer), രഞ്ജിനി ജോസ് (Ranjini Jose) തുടങ്ങിയവർ പങ്കെടുക്കുന്ന പരിപാടി വിദേശത്ത്. അമൃത സുരേഷാണ് ഈ ചിത്രങ്ങൾ സോഷ്യൽ മീഡിയയിൽ പോസ്റ്റ് ചെയ്തത്. മലയാള സിനിമയിലെ താരങ്ങളുമായി ഒട്ടേറെ വിദേശ സ്റ്റേജ് ഷോകൾ അവതരിപ്പിച്ച പാരമ്പര്യമുള്ളയാളാണ് നാദിർഷ. കോവിഡ് ഏർപ്പെടുത്തിയ വിലക്കുകളും കാലതാമസങ്ങളും മാറിയ സ്ഥിതിക്ക് വീണ്ടും മലയാള സിനിമാ രംഗം വിദേശത്ത് സജീവമാകും എന്ന് പ്രതീക്ഷിക്കാം

'വിത്ത് ദിലീപേട്ടൻ ആൻഡ് ഇക്ക' ക്യാപ്ഷൻ നൽകിയാണ് അമൃത രണ്ട് താരങ്ങൾക്കും ഒപ്പമുള്ള ചിത്രങ്ങൾ പോസ്റ്റ് ചെയ്തിട്ടുള്ളത്. അമൃതയുടെ ഫാൻസ്‌ ഈ ചിത്രങ്ങൾക്ക് ലൈക് ചെയ്തിട്ടുണ്ട് (തുടർന്ന് വായിക്കുക)

അമൃത ഈ ചിത്രങ്ങൾക്ക് കമന്റ് സെക്ഷൻ ഓഫ് ആക്കി വച്ചിട്ടുണ്ട്. കേരളത്തിനകത്തും പുറത്തും സ്റ്റേജ് ഷോകളുമായി അമൃത സജീവമാണ്. എന്താണ് അടുത്ത പരിപാടി എന്ന് അമൃത ചിത്രങ്ങളിൽ സൂചന നൽകിയിട്ടില്ല എങ്കിലും, ജിദ്ദയിലും ദമാമിലും സ്റ്റേജ് ഷോ ഉണ്ടെന്ന് നാദിർഷ രേഖപ്പെടുത്തിയിട്ടുണ്ട് 

'ഹലോ സൗദി' എന്ന് മാത്രമാണ് ഗ്രൂപ്പ് ഫോട്ടോയ്ക്ക് അമൃത നൽകിയ ക്യാപ്‌ഷൻ. ഫോട്ടോയിൽ നാദിർഷയുടെ അനുജൻ സമദ് സുലൈമാനെയും, ഡയാന ഹമീദിനെയും കാണാം. എല്ലാവരും ബ്ലാക്ക് ഡ്രസ്സ് കോഡിലാണ്

അമൃതയും അനുജത്തി അഭിരാമി സുരേഷും ചേർന്നാരംഭിച്ച ബാൻഡ് 'അമൃതം ഗമയ' സ്റ്റേജ് പരിപാടികളുമായി വിവിധ സ്ഥലങ്ങളിൽ പരിപാടികൾ അവതരിപ്പിച്ചിട്ടുണ്ട്

ഗോപി സുന്ദറിന്റെ ബാൻഡായ 'ഗോപി സുന്ദർ ഓൺസെമ്പിൾ' ആണ് അമൃത സജീവമായി പങ്കെടുക്കുന്ന മറ്റൊരു ബാൻഡ്. ഇരുവരും ചേർന്നുള്ള സ്റ്റേജ് ഷോകൾ പലയിടത്തായി നടന്നിട്ടുണ്ട്