Disha Patani | പാന്റിന്റെ കുടുക്കഴിച്ച് നടി ദിഷ പാട്ട്നിയുടെ പരസ്യം; പിന്നാലെ വിമർശനം

നടി ദിഷ പാട്ട്നിയെ (Disha Patani) ഹോട്ട് എന്ന് വിളിക്കാൻ പ്രത്യേകിച്ച് കാരണമൊന്നും വേണ്ട. സോഷ്യൽ മീഡിയയെ ത്രസിപ്പിക്കുന്ന തരത്തിൽ എന്തെങ്കിലും നടിയുടേതായി എപ്പോഴും ഉണ്ടാകും. ഫാഷനിൽ ഏറ്റവും പുതിയ ട്രെൻഡുകൾ അവതരിപ്പിക്കാൻ ദിഷയെ ആരും ഇനി പറഞ്ഞു പഠിപ്പിക്കേണ്ട കാര്യം തന്നെയില്ല. താരത്തിന്റെ ബാത്രൂം സെൽഫി അടുത്തിടെ ഏറെ ചർച്ചചെയ്യപ്പെട്ട ഒന്നായിരുന്നു

എന്നാൽ താരം പലപ്പോഴും ഗ്ലാമറിന്റെ അതിരുകളും പരിധികളും ഉടച്ചു വാർക്കാറുണ്ട്. അതിന്റെ ഉദാഹരണമാണ് നടി ഏറ്റവും ഒടുവിൽ പോസ്റ്റ് ചെയ്ത ചിത്രം. പ്രമുഖ അടിവസ്ത്ര ബ്രാൻഡിന്റെ പരസ്യം കൂടി ഉൾപ്പെടുന്ന പോസ്റ്റിലാണ് ദിഷ ഏവരെയും അക്ഷരാർത്ഥത്തിൽ ഞെട്ടിച്ചത് (തുടർന്ന് വായിക്കുക)

ദിഷ സ്ഥിരമായി പ്രത്യക്ഷപ്പെടുന്ന അടിവസ്ത്ര ബ്രാൻഡിന്റെ പരസ്യത്തിലാണ് ഇത്രയും ബോൾഡ് ആയി താരം ഇക്കുറി എത്തിയത്. പുരുഷന്മാർ പലപ്പോഴും ഇതേ തരത്തിൽ മോഡൽ ചെയ്തിട്ടുണ്ടെങ്കിലും, വനിതാ മോഡലുകളോ താരങ്ങളോ ഇങ്ങനെ പ്രത്യക്ഷപ്പെടുക തീർത്തും വിരളമാണ്

'ഹേ മുംബൈ, എല്ലാവരെയും നാളെ കാൽവിൻ ക്ലെയിൻ സ്റ്റോറിൽ കാണാം' എന്ന് പറഞ്ഞാണ് ദിഷ പോസ്റ്റ് ചെയ്തിട്ടുള്ളത്. ഫെബ്രുവരി 24ലേക്കായിരുന്നു ഈ ക്ഷണം

കുടുക്കഴിച്ച പാന്റ്സും ഗ്രേ അടിവസ്ത്രവുമാണ് ദിഷ ഈ ഫോട്ടോയിൽ ധരിച്ചിട്ടുള്ളത്. ഉർഫി ജാവേദുമായി മത്സരമാണോ എന്ന തരത്തിൽപ്പോലും പലരും കമന്റ് ചെയ്തിട്ടുണ്ട്. അത്രയേറെ വിമർശനം ഈ ചിത്രത്തിന് മേൽ വന്നിട്ടുണ്ട്

സിദ്ധാർത്ഥ് മൽഹോത്രയും റാഷി ഖന്നയും അഭിനയിക്കുന്ന ധർമ്മ പ്രൊഡക്ഷൻസിന്റെ യോദ്ധയിലാണ് ദിഷ അടുത്തതായി അഭിനയിക്കുന്നത്. തമിഴിൽ അരങ്ങേറ്റം കുറിക്കുന്ന സൂര്യ 42ൽ അവർ സൂര്യയ്‌ക്കൊപ്പം അഭിനയിക്കുന്നുണ്ട്

പ്രഭാസ്, ദീപിക പദുക്കോൺ, അമിതാഭ് ബച്ചൻ എന്നിവർ അഭിനയിക്കുന്ന പ്രോജക്ട് കെയുടെ ഭാഗമാണ് ദിഷ. മാലംഗ് (2020)ന്റെ രണ്ടാം ഭാഗത്തിൽ മോഹിത് സൂരി ദിഷയെ ഉൾപ്പെടുത്തി ആസൂത്രണം ചെയ്യുന്നതിനെക്കുറിച്ചും റിപ്പോർട്ടുകളുണ്ട്