വേർപിരിഞ്ഞോ? ഇനി മേലാൽ ഇതാവർത്തിക്കരുത് എന്ന് മഹാലക്ഷ്മിക്ക് താക്കീതുമായി രവീന്ദർ ചന്ദ്രശേഖരന്റെ പോസ്റ്റ്

2022 സെപ്റ്റംബർ മാസത്തിലാണ് നടിയും അവതാരകയുമായ മഹാലക്ഷ്മിയും (Mahalakshmi Ravindar) നിർമാതാവ് രവീന്ദർ ചന്ദ്രശേഖരനും (Ravindar Chandrasekharanum) വിവാഹിതരായത്. രൂപവും നിറവും സൗന്ദര്യവുമല്ല സ്നേഹം അളക്കാനുള്ള മാനദണ്ഡം എന്ന് ഉറക്കെ പ്രഖ്യാപിച്ചുകൊണ്ടുള്ള വിവാഹമായിരുന്നു ഇവരുടേത്. പക്ഷെ വിവാഹവേഷത്തിലെ ചിത്രങ്ങൾ വരാനുള്ള താമസം, സോഷ്യൽ മീഡിയ ഇരുവർക്കും നേരെ സൈബർ സ്‌പെയ്‌സിലെ ആക്രമണവുമായി ആഞ്ഞടിച്ചു

മഹാലക്ഷ്മി രവീന്ദറിന്റെ പണം കണ്ടാണ് വിവാഹം ചെയ്തത് എന്നതായിരുന്നു പ്രധാന ആരോപണം. ലുക്കിലെ വ്യത്യാസം ആക്രമണത്തിന്റെ മറ്റൊരു കാരണമായി. ഏതു പ്രതിസന്ധിയെയെയും ഒരു പുഞ്ചിരിയോടെ അവർ കാറ്റിൽപ്പറത്തി. സോഷ്യൽ മീഡിയയിൽ തുരുതുരെ പോസ്റ്റുകളിട്ടു. പക്ഷെ കുറച്ചു നാളുകളായി മഹാലക്ഷ്മിയുടെ ഇൻസ്റ്റഗ്രാം പേജിൽ രവീന്ദർ കൂടെയുള്ള ചിത്രങ്ങൾ കുറഞ്ഞു തുടങ്ങി. പല പല ബ്രാൻഡ് പ്രൊമോഷനുകളുടെ ഭാഗമായി മഹാലക്ഷ്മി പ്രത്യക്ഷപ്പെട്ടു (തുടർന്ന് വായിക്കുക)

അതോടു കൂടി ഇവർ പിരിഞ്ഞു എന്നായി അടുത്ത പ്രചരണം. പ്രധാനപ്പെട്ട സ്ഥലങ്ങളിൽ പോകുമ്പോഴെല്ലാം ഒന്നിച്ചുള്ള ചിത്രങ്ങൾ രവീന്ദറും മഹാലക്ഷ്മിയും പോസ്റ്റ് ചെയ്യുക പതിവായിരുന്നു. എന്തായാലും ഡിവോഴ്സ് പ്രചരണങ്ങൾക്ക് രവീന്ദർ തന്നെ മറുപടിയുമായി രംഗത്തെത്തി

'ഡേയ് 'പുരുഷാ'. ഒറ്റയ്ക്കുള്ള ചിത്രം ഇൻസ്റ്റാഗ്രാമിൽ ഇടരുത് എന്ന് നിന്നോട് ഞാൻ എത്രവട്ടം പറഞ്ഞു? നമ്മൾ പിരിഞ്ഞു എന്ന് സകല സോഷ്യൽ മീഡിയയും പറയുന്നു. മനൈവീ, ഇനി നീ തെറ്റാവർത്തിച്ചാൽ, എന്നന്നേയ്ക്കുമായി നിനക്ക് ദിവസം മൂന്നു നേരവും എന്റെ പ്രിയപ്പെട്ട സേമിയ ഉപ്പുമാവ് കിട്ടും' എന്ന് രവീന്ദറിന്റെ സ്നേഹം നിറഞ്ഞ താക്കീത്

യൂട്യൂബ് പരദൂഷണക്കാരോട് ഇതിന് ഒരു അന്ത്യമില്ലേ എന്നാണ് രവീന്ദർ ചോദിക്കുന്നത്. ഞങ്ങൾ സന്തോഷത്തോടെയിരിക്കുന്നു, സർവോപരി ഞങ്ങൾക്ക് പ്രിയപ്പെട്ടവരെയും സന്തോഷിപ്പിക്കുന്നു എന്ന് രവീന്ദർ

ഇതിന് മഹാലക്ഷ്മിയും മറുപടി പറഞ്ഞിട്ടുണ്ട്. 'എല്ലാം ഓക്കേ. എന്നുവച്ച് സേമിയ ഉപ്പുമാവിന് എന്താണ് ഒരു കുറവ്' എന്നാണ് ചോദ്യം

ഇഷ്‌ടം സേമിയ ഉപ്പുമാവ് എന്ന് പറയുന്നുണ്ടങ്കിലും, ഈ ചിത്രം കണ്ടാൽ രവീന്ദർ ഭക്ഷണപ്രിയൻ അല്ലെന്ന് ആർക്കും പറയാൻ സാധിക്കില്ല. ആരോഗ്യസമ്പുഷ്‌ടമായ ഭക്ഷണ പദാർഥങ്ങളാണ് രവീന്ദർ തിരഞ്ഞെടുത്തിരിക്കുന്നത്

ഭാര്യയുടെ പുഞ്ചിരിയാണ് ജീവിതത്തിന്റെ രസം എന്നാണ് രവീന്ദർ ഈ ചിത്രത്തിന് ക്യാപ്‌ഷൻ നൽകിയത്