Viral | 'കള്ളച്ചിരി ചിരിക്കാതെ ക്യാമറയിലേക്ക് നോക്കടാ'; ദുല്‍ഖറിനോട് മമ്മൂട്ടി; വൈറലായി ചിത്രങ്ങള്‍

ഫോട്ടോഗ്രഫിയോട് ഏറെ പ്രിയമുള്ള ആളാണ് മമ്മൂട്ടി. അദ്ദേഹമെടുക്കുന്ന ഓരോ ചിത്രങ്ങളും സോഷ്യല്‍മീഡിയയില്‍ വൈറലാവാറുണ്ട്. എന്നാല്‍ ഇത്തവണ മമ്മൂട്ടിയ്ക്ക് മോഡലായി എത്തിയിരിക്കുന്നത് മകന്‍ ദുല്‍ഖര്‍ സല്‍മാന്‍ ആണ്.

ക്യാമറയിലേക്ക് നോക്കടാ എന്ന് പറയുന്നത് വാപ്പച്ചി ആയതുകൊണ്ട് അനുസരിക്കാതെ തരമില്ല' എന്ന കുറിപ്പോടെയാണ് വാപ്പിച്ചിയുടെ ക്ലിക്കുകള്‍ ദുല്‍ഖര്‍ സോഷ്യല്‍ മീഡിയയില്‍ പങ്കുവെച്ചത്.

'കള്ളച്ചിരി ചിരിക്കാതെ ക്യാമറയിലേക്ക് നോക്കടാ എന്നു പറയുന്നത് വാപ്പച്ചിയാകുമ്പോള്‍ അനുസരിക്കാതെ തരമില്ലല്ലോ. ക്യാമറയ്ക്ക് പിന്നില്‍ നില്‍ക്കുന്നത് അദ്ദേഹമായതുകൊണ്ട് എന്റെ മുട്ട് വിറയ്ക്കുന്നുണ്ട്' ദുല്‍ഖര്‍ ചിത്രങ്ങള്‍ക്കൊപ്പം കുറിച്ചു.

ദുല്‍ഖര്‍ സല്‍മാന്റെ വരാനിരിക്കുന്ന ചിത്രമാണ് സീതാരാമം. രശ്മിക മന്ദാനയും മൃണാള്‍ താക്കൂര്‍ എന്നിവരും ചിത്രത്തില്‍ ഒന്നിക്കുന്നുണ്ട്. കൂടാതെ വെബ് സീരീസിലും ദുല്‍ഖര്‍ തുടക്കം കുറിക്കുകയാണ്. ഗണ്‍സ് & ഗുലാബ്‌സ് എന്ന വെബ് സീരീസ് നറ്റ്ഫ്‌ലിക്‌സില്‍ സ്ട്രീം ചെയ്യും

മമ്മൂട്ടിയുടെ സിബിഐ5 ദ ബ്രെയിന്‍ എന്ന ചിത്രമാണ് റിലീസിനായി കാത്തിരിക്കുന്നത്. മെയ് ഒന്നിന് ചിത്രം തിയേറ്ററുകൡ എത്തും. 34 വര്‍ഷങ്ങള്‍ക്ക് മുന്‍പ് വെള്ളിത്തിരയില്‍ ആദ്യമായി പ്രത്യക്ഷപ്പെട്ട സേതുരാമയ്യര്‍ 16 വര്‍ഷങ്ങള്‍ക്ക് ശേഷം വീണ്ടും എത്തുമ്പോള്‍ മലയാളക്കര ഒന്നടങ്കം ആ വരവിനായി കാത്തിരിക്കുകയാണ്.