'ഭർത്താവുള്ളപ്പോൾ വേറൊരുത്തനെ ലിപ്‌ലോക്ക് അടിക്കാൻ നാണമില്ലേ?' ചോദ്യത്തിന് മറുപടി കൊടുത്ത് നടി ദുർഗ്ഗ കൃഷ്ണ

നടി ദുർഗ്ഗ കൃഷ്ണയുടെ ഏറ്റവും പുതിയ സിനിമയാണ് 'കുടുക്ക്'. ഈ ചിത്രത്തിലെ ഗാനങ്ങൾ ഇതിനോടകം ഹിറ്റ് ചാർട്ടുകളിൽ ഇടം പിടിച്ചിരുന്നു. എന്നാൽ അതുപോലെ തന്നെ ചർച്ചയായ ഒരു കാര്യമാണ് നായിക ദുർഗ്ഗ കൃഷ്ണയും നായകൻ കൃഷ്ണ ശങ്കറും ചേർന്നുള്ള ലിപ്‌ലോക്ക്. ബിലഹരി സംവിധാനം ചെയ്യുന്ന ചിത്രത്തിലെ ക്ഷണനേരമുള്ള ഈ രംഗം സോഷ്യൽ മീഡിയയിൽ വൈറലായിരുന്നു. നായകൻ കൃഷ്ണ ശങ്കറിന് ഇതുചെയ്യാൻ നാണമായിരുന്നു എന്നും ദുർഗ്ഗ പറയുകയുണ്ടായി

'ആക്ഷൻ പറഞ്ഞ് കഴിഞ്ഞാൽ പിന്നെ കട്ടില്ല. വേണ്ടത് എടുക്കാൻ പറ്റുമെന്ന ലൈനാണ് ബിലഹരിക്ക്. ഞാനും കിച്ചുവും കൂടി ലിപ് ലോക് ചെയ്യുന്നു. ആദ്യം നെറ്റിയിൽ പിന്നെ മൂക്കിൽ ഇനി എവിടെയെന്ന് സ്വകാര്യത്തിൽ കിച്ചു ആ സമയം എന്നോട് ചോദിക്കുന്നുണ്ടായിരുന്നു. ഒടുവിൽ ലിപ് ലോക് കഴിഞ്ഞ് ഞങ്ങള്‍ കട്ട് എന്ന് പറഞ്ഞപ്പോഴാണ് നിർത്തിയത്', ദുർഗ്ഗ പറഞ്ഞു. എന്നാൽ വിവാഹിതയായ ദുർഗ്ഗ മറ്റൊരാളെ ലിപ്‌ലോക്ക് ചെയ്തത് ചോദ്യം ചെയ്തയാൾക്കു നടി മറുപടി കൊടുത്തിരിക്കുകയാണിപ്പോൾ (തുടർന്ന് വായിക്കുക)

'ഭർത്താവുള്ളപ്പോൾ വേറൊരുത്തനെ ലിപ്‌ലോക്ക് അടിക്കാൻ നാണമില്ലേ? നിന്റെ ഭർത്താവിന് നട്ടെല്ലില്ല' എന്നാണ് സോഷ്യൽ മീഡിയ ഉപയോക്താവായ ഒരു യുവതിയുടെ പ്രൊഫൈലിൽ നിന്നുള്ള പ്രതികരണം. ഈ കമന്റ് സ്ക്രീൻഷോട്ട് എടുത്ത് ആളെ ടാഗ് ചെയ്താണ് ദുർഗ്ഗ മറുപടി കൊടുത്തത്

'ശെടാ, ഇതിപ്പോ എന്റെ ഭർത്താവിന്റെ നട്ടെല്ല് നിന്നെ കാണിക്കണോ' എന്നാണ് ദുർഗ്ഗയുടെ മറുപടി

ഇതാണ് ഇൻസ്റ്റഗ്രാം സ്റ്റോറിയിൽ ദുർഗ്ഗ പോസ്റ്റ് ചെയ്ത കമന്റും അതിനുള്ള മറുപടിയും

പ്രണയത്തിനൊടുവിൽ വിവാഹിതരായവരാണ് നടി ദുർഗ്ഗകൃഷ്ണയും ഭർത്താവ് അർജുൻ രവീന്ദ്രനും. ദുർഗ്ഗയും നിർമ്മാതാവായ അർജുനും ഗുരുവായൂരിൽ വച്ചാണ് വിവാഹിതരായത്. വിവാഹ ശേഷം ജീവിതത്തിലെ പുതിയ വിശേഷങ്ങളുമായി ദുർഗ്ഗ  ഇൻസ്റ്റാഗ്രാമിൽ എത്താറുണ്ട്. അതിലൊന്നാണ് ഈ ചിത്രം. അതായത് ദുർഗ്ഗയുടെയും അർജുനിന്റെയും പ്രണയം തുറന്നുപറഞ്ഞ നിമിഷത്തിൽ നിന്നുമുള്ളതാണ് ഈ ചിത്രം. തന്റെ ജീവിതത്തിലെ പ്രണയവും ചുംബനത്തോടെയാണ്  ആരംഭിക്കുന്നത്

ആ സന്ദർഭത്തെക്കുറിച്ച് ദുർഗ്ഗ വിശദീകരിക്കുകയും ചെയ്തിട്ടുണ്ട്. വളരെ രസകരമായ സാഹചര്യമായിരുന്നു അത്

സൗഹൃദമാണെങ്കിൽ തുടർന്ന് പോകാം അല്ലെങ്കിൽ ഇവിടം കൊണ്ട് അവസാനിപ്പിക്കാം എന്ന മട്ടിലായിരുന്നു ദുർഗ്ഗ. പക്ഷെ അന്നേരം സസ്പെൻസ് നിറഞ്ഞ, ജീവിതം മാറ്റിമറിക്കുന്ന നിമിഷമാണ് ദുർഗ്ഗയ്ക്ക് മുന്നിൽ വന്നുചേർന്നത്. ഒന്നും പറയാതെ തന്നെ അർജുൻ മനസ്സുതുറന്നു

അർജുൻ ദുർഗ്ഗയുടെ കൈ തന്റേതുമായി ചേർത്തു പിടിച്ചു. ഒരഭിമുഖത്തിൽ ദുർഗ്ഗ ആ നിമിഷം വീണ്ടും അവതരിപ്പിച്ചപ്പോൾ അർജുനിന്റെ മുഖത്ത് അൽപ്പം ജാള്യതയുണ്ടായിരുന്നു. പിന്നീട് ദുർഗ്ഗയെ അത്ഭുതപ്പെടുത്തിക്കൊണ്ട് ആ കവിളത്തൊരു മുത്തം. അതായിരുന്നു അർജുനിന്റെ പ്രതികരണം

ട്രെയിനിൽ വച്ചായിരുന്നു ആ പ്രൊപോസൽ. വിവാഹത്തിന് മുൻപുള്ള സേവ് ദി ഡേറ്റും, സംഗീതും, വിവാഹ ശേഷമുള്ള വിരുന്നും എല്ലാം വളരെ രസകരമായാണ് ദുർഗ്ഗയും അർജുനും അണിയിച്ചൊരുക്കിയത്

ദുർഗ്ഗയുടെയും അർജുനിന്റെയും വിവാഹ വേളയിലെ ചിത്രം