പ്രധാനമന്ത്രി നരേന്ദ്ര മേദിക്ക് ട്വിറ്ററില്‍ പുതിയ ഫോളോവർ; വെറാരുമല്ല സാക്ഷാൽ ഇലോൺ മസ്‌ക്

ട്വിറ്റര്‍ ഉടമയും ശതകോടീശ്വരനുമായ ഇലോണ്‍ മസ്‌ക് ഇന്ത്യന്‍ പ്രധാനമന്ത്രി നരേന്ദ്ര മോദിയെ ട്വിറ്ററില്‍ ഫോളോ ചെയ്യാൻ ആരംഭിച്ചു. മസ്‌കിന്റെ പ്രവർത്തനങ്ങൾ അപ്‌ഡേറ്റ് ചെയ്യുന്ന ചെയ്യുന്ന ട്വിറ്റർ അക്കൗണ്ടായ 'ഇലോൺ അലേർട്ട്‌സ്' ഫോളോ പട്ടിക പുറത്തുവിട്ടതോടെയാണ് വാർത്ത സോഷ്യൽ മീഡിയ ഏറ്റുപിടിച്ചത്. (ട്വിറ്റർ)

134.3 മില്യൻ ഫോളോവർമാരുള്ള മസ്‌ക് 194 പേരെയാണ് ട്വിറ്ററിൽ പിന്തുടരുന്നത്. ഇതിൽ ഫ്രഞ്ച് പ്രസിഡന്റ് ഇമ്മാനുവൽ മാക്രോൺ, മുൻ യു.എസ് പ്രസിഡന്റ് ബരാക് ഒബാമ എന്നിവരും ഉൾപ്പെടും. മോദിക്ക് 87.7 മില്യൻ ഫോളോവർമാരാണുള്ളത്.(ട്വിറ്റർ)

എട്ട് കോടിയിലേറെ (87.7 മില്യണ്‍) ഫോളോവേഴ്‌സുള്ള പ്രധാനമന്ത്രി നരേന്ദ്ര മോദിയും ട്വിറ്ററില്‍ ഏറ്റവുമധികം പേര്‍ ഫോളോ ചെയ്യുന്ന ലോകനേതാക്കളില്‍ പ്രമുഖനാണ്. മോദിയെ മസ്‌ക് ഫോളോ ചെയ്യാനാരംഭിച്ചതിന് പിന്നാലെ രസകരമായ ചര്‍ച്ചകളും ട്വിറ്റര്‍ലോകത്ത് ആരംഭിച്ചു. (ANI)

താമസിയാതെ ടെസ്ല ഇന്ത്യയിലെത്തുമെന്നാണ് ഒരുസംഘം ട്വിറ്റര്‍ ഉപയോക്താക്കളുടെ അഭിപ്രായം. ഒരു കാര്യവുമില്ലാതെ മസ്‌ക് മോദിയെ ഫോളോ ചെയ്യാനിടയില്ലെന്നും ഇന്ത്യയില്‍ ടെസ്ലയുടെ ഫാക്ടറി ഉടനെ വരാനിടയുണ്ടെന്ന് കരുതാമെന്നുമാണ് ഒരു ട്വിറ്റര്‍ ഉപയോക്താവിന്റെ പ്രതികരണം.(ട്വിറ്റർ)

മോദി ഇന്ത്യയെ കൂടുതല്‍ മെച്ചപ്പെടുത്താനുള്ള ശ്രമങ്ങള്‍ നടത്തുകയാണെന്നാണ് മറ്റൊരു കൂട്ടരുടെ പ്രതികരണം. നിരവധി വികസനപ്രവര്‍ത്തനങ്ങള്‍ നടത്തുന്ന മസ്‌കിനും മോദിക്കും അഭിനന്ദനങ്ങളും നേര്‍ന്നു ചിലര്‍.(PTI)