Shocking | വൈദ്യുതി ബിൽ തുക 3,419 കോടി രൂപ; ഗൃഹനാഥൻ ആശുപത്രിയിൽ

പല തരം വൈദ്യുതി ബിൽ (electricity bill) കണ്ട് ഞെട്ടിയവരുണ്ടാവും. അതിൽ വിചിത്രമായവയെല്ലാം കാലാകാലങ്ങളായി വാർത്തയിൽ ഇടം നേടാറുമുണ്ട്. അടുത്തിടെ അത്തരമൊരു ബിൽ തുക ഇന്റർനെറ്റിൽ ചർച്ചയാവുകയാണ്. ഒരു മാസത്തിനിടെ 3,419 കോടി രൂപയുടെ ബിൽ തുക ലഭിച്ച കുടുംബം തെല്ലൊന്നുമല്ല അമ്പരന്നത്. ഈ വൈദ്യുതി ബിൽ കണ്ട് വീട്ടുടമസ്ഥന് ദേഹാസ്വാസ്ഥ്യം അനുഭവപ്പെട്ട് ആശുപത്രിയിൽ പ്രവേശിപ്പിക്കപ്പെട്ടു

വീട്ടിലെ കാരണവരായ ഇദ്ദേഹത്തെ ഇപ്പോൾ ആശുപത്രിയിൽ പ്രവേശിപ്പിച്ചിരിക്കുകയാണെന്നാണ് വീട്ടുകാർ പറയുന്നത്. തുകയിൽ പിശക് പറ്റിയതാണോ അല്ലയോ എന്ന് മനസിലാക്കാൻ കുടുംബത്തിലെ എല്ലാവരും ബിൽ വീണ്ടും വീണ്ടും വായിച്ചു. തുകയിൽ മാറ്റമൊന്നും ആർക്കും കണ്ടെത്താനായില്ല (തുടർന്ന് വായിക്കുക)

മധ്യപ്രദേശിലെ ഗ്വാളിയോറിലാണ് സംഭവം. ഗ്വാളിയോറിലെ ശിവ് വിഹാർ കോളനിയിൽ താമസിക്കുന്ന പ്രിയങ്ക ഗുപ്തയും കുടുംബവും ജൂലൈയിൽ വീട്ടിലേക്ക് ലഭിച്ച വൈദ്യുതി ബിൽ വന്നപ്പോൾ ഞെട്ടി. അതിനുശേഷം പ്രിയങ്കയുടെ ഭർതൃപിതാവ് അസുഖം ബാധിച്ച് ആശുപത്രിയിൽ കഴിയുകയാണ്

തെറ്റായ വൈദ്യുതി ബില്ലാണ് പിതാവിന്റെ അസുഖത്തിന് കാരണമെന്ന് പ്രിയങ്കയുടെ ഭർത്താവ് സഞ്ജീവ് ആരോപിച്ചു. ഈ വാർത്ത പ്രചരിച്ചതോടെ മധ്യപ്രദേശ് മധ്യക്ഷേത്ര വൈദ്യുതി വിതരണ കമ്പനി (എംപിഎംകെവിവിസിഎൽ) ആകെ ആശയക്കുഴപ്പത്തിലായി

വലിയ പിഴവ് സംഭവിച്ചതായി വൈദ്യുതി വകുപ്പ് കുടുംബത്തെ തിടുക്കത്തിൽ അറിയിച്ചു. ഈ സംഭവം ഒരു തൊഴിലാളിയുടെ വീഴ്ചയാണെന്നാണ് ഇവരുടെ വാദം. ഉടനെ വീണ്ടും ഒരു ബിൽ ഉണ്ടാക്കി. പുതിയ ബില്ലിൽ പ്രിയങ്കയുടെ വൈദ്യുതി ബില്ലായി 1300 രൂപ രേഖപ്പെടുത്തിയിട്ടുണ്ട്

ജീവനക്കാരന്റെ അബദ്ധം മൂലമാണ് സംഭവം ഉണ്ടായതെന്ന് വൈദ്യുത അതോറിറ്റി ജനറൽ മാനേജർ നിതിൻ മംഗ്ലിക് പറഞ്ഞു. ഇതിൽ അവർ ഖേദിക്കുന്നു എന്നും തെറ്റ് വരുത്തിയ തൊഴിലാളിയെ തിരിച്ചറിയുമെന്നും മധ്യപ്രദേശ് വൈദ്യുതി മന്ത്രി പ്രധുമൻ സിംഗ് തോമർ പറഞ്ഞു

പുതിയ ബിൽ ലഭിച്ചതോടെ പ്രിയങ്കയുടെ കുടുംബം അൽപ്പം ഒന്ന് ഞെട്ടി. എന്നാൽ രോഗിയായ വ്യക്തിയെ ഓർത്ത് അവർ ആശങ്കാകുലരാണ്