Kajal Aggarwal| കാജൽ അഗർവാൾ ഗർഭിണിയാണോ? പുതിയ ചിത്രം കണ്ട് ആരാധകർ

വിവാഹത്തിനു ശേഷം സിനിമയിൽ നിന്ന് ഇടവേളയെടുത്തെങ്കിലും നടി കാജൽ അഗർവാൾ (Kajal Aggarwal) സോഷ്യൽമീഡയയിൽ സജീവമാണ്. തെന്നിന്ത്യൻ നടിമാരിൽ ഇൻസ്റ്റഗ്രാമിൽ (Instagram) ഏറ്റവും കൂടുതൽ ഫോളോവേഴ്സുള്ള നടി കൂടിയാണ് താരം.

വിവാഹിതയായതിന് പിന്നാലെ കാജൽ അഗർവാൾ ഗർഭിണിയാണെന്ന തരത്തിലുള്ള വാർത്തകൾ പ്രചരിച്ചിരുന്നു. ഇപ്പോൾ താരത്തിന്റെ പുതിയ ചിത്രം കണ്ട് ആരാധകർ പഴയ ചോദ്യവുമായി വീണ്ടും എത്തിയിരിക്കുകയാണ്.

സുഹൃത്തുക്കൾക്കൊപ്പമുള്ള ചിത്രമാണ് കാജൽ ഇൻസ്റ്റഗ്രാമിൽ പങ്കുവെച്ചത്. ഇതു കണ്ടാണ് ആരാധകർ സംശയവുമായി എത്തിയിരിക്കുന്നത്. പുതിയ ചിത്രത്തിൽ കാജൽ ഗർഭിണിയാണെന്ന് തോന്നുന്നുവെന്നാണ് ആരാധകർ പറയുന്നത്.

കഴിഞ്ഞ വർഷം ഒക്ടോബറിലാണ് ബാല്യകാല സുഹൃത്തു കൂടിയായ ഗൗതം കിച്ഛ്ലുവുമായുള്ള കാജലിന്റെ വിവാഹം കഴിഞ്ഞത്. ഗർഭിണിയാണോ എന്ന് ആരാധകർ ആവർത്തിച്ചു ചോദിക്കുന്നുണ്ടെങ്കിലും കാജലോ ഭർത്താവോ വാർത്തയോട് ഔദ്യോഗികമായി പ്രതികരിച്ചിട്ടില്ല.

വിവാഹത്തിന് പിന്നാലെ നിരവധി ചിത്രങ്ങളിൽ നിന്ന് കാജൽ പിന്മാറിയിരുന്നു. ഇതെല്ലാം കുഞ്ഞിനെ സ്വീകരിക്കാനുള്ള തയ്യാറെടുപ്പിന് വേണ്ടിയാണെന്നാണ് വാർത്തകൾ. കമൽ ഹാസന്റെ ഇന്ത്യൻ 2 ലേക്കും കാജലിനെ ആയിരുന്നു നായികയായി ആദ്യം പരിഗണിച്ചിരുന്നത്. എന്നാൽ താരം ചിത്രത്തിൽ നിന്ന് പിന്മാറുകയായിരുന്നു.

നാഗാർജുന നായകനാകുന്ന ദി ഗോസ്റ്റ് എന്ന ചിത്രത്തിലേക്കും ഓഫർ വന്നെങ്കിലും നടി പിന്മാറിയിരുന്നു. വമ്പൻ ഓഫറുകൾ പോലും വേണ്ടെന്ന് വെക്കുന്നത് കുടുംബത്തിന് പ്രാധാന്യം നൽകാനാണെന്നാണ് വാർത്തകൾ.

ചിരഞ്ജീവി നായകനാകുന്ന ആചാര്യയാണ് കാജലിന്റെ ഇനി പുറത്തിറങ്ങാനുള്ള ചിത്രം. രാം ചരണും പൂജ ഹെഗ്ഡേയുമാണ് ചിത്രത്തിൽ പ്രധാന വേഷത്തിൽ എത്തുന്നത്.