പെണ്ണാണ് പൊന്ന്, അറിവാണ് ധനം; മകളുടെ വിവാഹത്തിന് അച്ഛൻ സമ്മാനിച്ചത് ഒന്നും രണ്ടുമല്ല 2200 പുസ്തകങ്ങൾ

മകളുടെ വിവാഹത്തിന് വിശുദ്ധ ഗ്രന്ഥങ്ങളുൾപ്പെടെയുള്ള 2200 പുസ്തകങ്ങൾ സമ്മാനമായി നൽകി ഒരച്ഛൻ. ഗുജറാത്തിലെ രാജ്കോട്ടിലുള്ള പിതാവാണ് ആഡംബരങ്ങൾ ഒഴിവാക്കി അറിവിന്റെ ശേഖരം മകൾക്കായി നൽകിയത്. ഹർദേവ് സിംഗ് ജഡേജയാണ് വായനാ ശീലമുള്ള മകൾ കിന്നരി ബായുടെ ഇഷ്‌ടം മനസ്സിലാക്കി പുസ്തകങ്ങൾ നൽകിയത്

കുട്ടിക്കാലം മുതൽ കിന്നരിക്ക് വായന വളരെയിഷ്‌ടമാണ്. ഹർദേവ് അധ്യാപകനാണ്. വീട്ടിൽ തന്നെ 500 പുസ്തകങ്ങൾ സൂക്ഷിച്ച ലൈബ്രറിയുണ്ടിവർക്ക്

വഡോദരയിൽ നിന്നുമുള്ള പൂർവജിത് സിങ്ങുമായി വിവാഹം ഉറപ്പിച്ചപ്പോൾ തന്നെ തനിക്ക് വിലകൂടിയ വിവാഹ സമ്മാനങ്ങൾ ഒന്നും വേണ്ടെന്നും പുസ്തകങ്ങൾ മതിയെന്നും മകൾ പറഞ്ഞു. മകളുടെ ഇഷ്‌ട പുസ്തകങ്ങളുടെ പട്ടിക തയാറാക്കി അടുത്ത ആറ് മാസക്കാലം ഡൽഹി, കാശി, ബെംഗളൂരു തുടങ്ങിയ ഇടങ്ങളിൽ ഹർദേവ് സിംഗ് യാത്ര ചെയ്തു

പുസ്തകങ്ങളുടെ കൂട്ടത്തിൽ 18 പുരാണങ്ങൾ, ഖുർആൻ, ബൈബിൾ, മഹർഷി വേദ വ്യാസ് തുടങ്ങിയവയും ഉണ്ട്