Optical Illusion | 10 സെക്കൻഡിൽ കരിയിലക്കാട്ടിലെ മനുഷ്യനെ കണ്ടെത്താൻ വെല്ലുവിളി; ബുദ്ധിശാലികളെപ്പോലും വെള്ളംകുടിപ്പിച്ച് ചിത്രം

മനസ്സിനെയും കാഴ്ചയെയും ഏറെ വെല്ലുവിളിക്കുന്നവയാണ് ഒപ്റ്റിക്കൽ ഇല്ല്യൂഷൻ (optical illusion) ചിത്രങ്ങൾ. കണ്ടു എന്ന് നിങ്ങൾ കരുതുന്നവയാകില്ല ഇവിടുത്തെ യഥാർത്ഥ കാഴ്ച എന്നതാണ് ഇവയെ വേറിട്ടുനിർത്തുന്നത്. കൂർമ്മബുദ്ധിക്കാർ പക്ഷെ ആദ്യ കാഴ്ചയ്ക്കും അപ്പുറത്തുള്ളത് എന്തോ, അതിനെ കണ്ടെത്താൻ പ്രാപ്തരാവും. എങ്കിൽ നിങ്ങൾ അടുത്ത വെല്ലുവിളിക്ക് ഒരുങ്ങുക. ഈ പ്രഹേളികയ്ക്ക് ഉത്തരം നൽകിയ കേവലം ഒരു ശതമാനം പേരിൽ നിങ്ങളും ഒരുപക്ഷെ ഉൾപ്പെടാം

മുകളിൽ നിങ്ങൾ കണ്ടത് കരിയിലക്കാട് മാത്രമായിരിക്കാം അല്ലേ? എന്നാൽ ഇവിടെയൊരു മനുഷ്യൻ ഉണ്ട് എന്ന് പറഞ്ഞാൽ നിങ്ങളിൽ എത്രപേർ കണ്ടുകാണും? കാണുന്നത് പോട്ടെ എന്നുവച്ചാലും നിങ്ങളിൽ എത്രപേർ വിശ്വസിച്ചിട്ടുണ്ടാവും. അതാണ് ഈ ചിത്രത്തിന്റെ പ്രത്യേകത. ഇതിൽ ഒരു മനുഷ്യനുണ്ട് സുഹൃത്തുക്കളേ. ശ്രമിക്കൂ. സാധിച്ചില്ലെങ്കിൽ നിങ്ങൾക്കായി ക്ലൂ പിന്നാലെ വരുന്നുണ്ട് (തുടർന്ന് വായിക്കുക)

ടിക്‌ടോക്കർ നഥാൻ ഡാനിയേൽസ് ഒറ്റനോട്ടത്തിൽ കാണപ്പെടുന്ന ബീജ് കുറ്റിച്ചെടികളുടെ ഒരു ചെറു വീഡിയോ പങ്കിടുകയും, ആക്രമണോത്സുകതയോടെ ഒളിഞ്ഞിരിക്കുന്ന വ്യക്തിയെ കണ്ടെത്താൻ കാഴ്ചക്കാരെ വെല്ലുവിളിക്കുകയും ചെയ്തു

മറഞ്ഞിരിക്കുന്ന ആൾ പൂർണ്ണമായും നിശ്ചലനാണ്. സസ്യജാലങ്ങൾക്കിടയിൽ അയാളെ കണ്ടെത്താൻ അദ്ദേഹം കാഴ്ചക്കാർക്ക് 30 സെക്കൻഡ് സമയം നൽകി. ഭൂരിഭാഗം കാഴ്ചക്കാർക്കും അങ്ങനെയൊരാൾ ചുറ്റുപാടിൽ മറഞ്ഞിരിക്കുന്നതായി കണ്ടെത്തുക അസാധ്യമായിരുന്നു

ഈ ദൃശ്യങ്ങൾ പലരെയും കുഴപ്പിച്ചു എന്ന് പറയേണ്ടതില്ലല്ലോ. 'ആരും അയാളെ കണ്ടിട്ടുണ്ടാകില്ല' എന്ന് ചിലർ പരാതിപ്പെടുന്നുണ്ടായിരുന്നു. എന്നാൽ, 30 സെക്കൻഡ് തികയുന്നതിന് മുമ്പ് മറഞ്ഞിരിക്കുന്നയാളെ കണ്ടെത്താൻ കഴിഞ്ഞതായി മികച്ച നിരീക്ഷണ പാടവമുള്ള ചില ടിക്ടോക്ക് ഉപയോക്താക്കൾ അവകാശപ്പെട്ടു

അടിക്കാടുകളോട് മനോഹരമായി ഇഴുകിച്ചേർന്ന ഒരു വേഷം ധരിച്ച് അയാൾ തന്റെ ചുറ്റുപാടുകളിൽ പൂർണ്ണമായും മറഞ്ഞിരുന്നു

'ആർക്കും അത് കണ്ടുപിടിക്കാൻ കഴിയില്ല!' എന്ന് ഒരു ഉപയോക്താവ് അഭിപ്രായപ്പെട്ടു. 'ഞാൻ നോക്കിയപ്പോൾ അനങ്ങാത്ത എന്തോ ഒന്ന് കണ്ടു' എന്ന് മറ്റൊരാൾ കമന്റ് ചെയ്തു

ഇത്രയുമെല്ലാം കഷ്‌ടപ്പെട്ട് ശ്രമിച്ചിട്ടും സാധിച്ചില്ലെങ്കിൽ വിഷമിക്കേണ്ട, ഉത്തരം താഴക്കാണുന്ന ചിത്രത്തിലുണ്ട്. കാണുമ്പോൾ ഒരുപക്ഷെ നിങ്ങളും അതിശയിച്ചേക്കാം

കണ്ടാൽ കരിയിലകൾ അല്ലാതെ മറ്റൊന്നുമല്ല എന്ന് തോന്നിക്കുന്ന, ചുവന്ന വൃത്തത്തിൽ അടയാളപ്പെടുത്തിയിരിക്കുന്നതാണ് ഇത്രയും നേരം നിങ്ങൾ തേടിയ ആൾ. സമാനചിത്രങ്ങൾ ഇന്റർനെറ്റിൽ സജീവമാണ്