ഭർത്താവിന്റെ രഹസ്യ ഭാര്യയുടെ 'ബേബി ഷവറിന്' ആദ്യ ഭാര്യയും കുടുംബവും; നാടകീയ രംഗങ്ങൾ

ഭർത്താവിന്റെ രഹസ്യ ഭാര്യയുടെ ബേബി ഷവറിന് (baby shower) ആദ്യ ഭാര്യയും കുടുംബവുമെത്തിയതും കൂട്ടലഹള. ആദ്യ ഭാര്യയും അവരുടെ അമ്മയുമാണ് ബേബി ഷവറിനെത്തിയത് എന്ന് റിപ്പോർട്ട്. ശേഷം ഭർത്താവ് ആദ്യ ഭാര്യയെ മർദിച്ചവശയാക്കി എന്നും ആരോപണമുണ്ട്. ഇക്കഴിഞ്ഞ വ്യാഴാഴ്ചയാണ് സംഭവം റിപ്പോർട്ട് ചെയ്തത്

ഭർത്താവും അയാളുടെ കുടുംബവും തങ്ങളെ മർദിച്ചെന്ന് ഭാര്യ പോലീസിൽ പരാതി നൽകി. 2018 ലായിരുന്നു ഇയാൾ ആദ്യഭാര്യയെ വിവാഹം ചെയ്തത്. ശേഷം കാര്യങ്ങളുടെ ഗതി മാറിമറിയുകയായിരുന്നു (തുടർന്ന് വായിക്കുക)

വിവാഹബന്ധത്തിൽ ഉണ്ടായ പ്രശ്നങ്ങൾ നിമിത്തം ഭാര്യ വിവാഹമോചനത്തിനായി കുടുംബകോടതിയെ സമീപിച്ച സാഹചര്യത്തിലാണ് ഭർത്താവ് മറ്റൊരു യുവതിയുമായി അടുക്കുന്നതും ഒന്നിച്ചു ജീവിതം ആരംഭിക്കുന്നതും. ഡിവോഴ്സ് പെറ്റീഷൻ ഇപ്പോഴും കോടതിക്ക് മുൻപാകെ പരിഗണനയിലാണ്

ബെംഗളുരുവിലെ ചന്ദ്ര ലേയൗട്ടിലാണ് സംഭവം. തേജസ് എന്നയാളാണ് ഭാര്യയെ ചൈത്രയെ മർദിച്ചത്. ഡിവോഴ്സ് കേസ് നടന്നുകൊണ്ടിരിക്കെ തന്നെ ഭർത്താവ് വേറൊരു സ്ത്രീയെ ജീവിതത്തിൽ ഒപ്പം കൂട്ടി എന്നും അവരുടെ ബേബി ഷവർ നടക്കുന്നു എന്നും അറിഞ്ഞ ശേഷം ഭാര്യ അത് ചോദ്യം ചെയ്യാനായി അവരുടെ അമ്മയെയും കൂട്ടി എത്തുകയായിരുന്നു

താൻ സിംഗിൾ ആണെന്നും ആരെയും വിവാഹം കഴിച്ചിട്ടില്ലെന്നും തേജസ് കോടതിയിൽ കള്ളം പറഞ്ഞതിനാൽ തെളിവ് ശേഖരിക്കാനും കോടതിയിൽ സമർപ്പിക്കാനും ചൈത്രയും ബന്ധുക്കളും അയാളുടെ വീട്ടിലെത്തി. ആദ്യ ഭാര്യയെ വിവാഹമോചനം ചെയ്യാതെ മറ്റൊരു സ്ത്രീയെ വിവാഹം ചെയ്യുന്നത് നിയമവിരുദ്ധമാണ്

'വിവാഹസമയത്ത് താനൊരു PWD കോൺട്രാക്ടറാണെന്നാണ് തേജസ് അവകാശപ്പെട്ടത്. വിവാഹത്തിന് ശേഷം തേജസിന് ഒന്നിലധികം ബന്ധങ്ങളുണ്ടെന്ന് ചൈത്ര കണ്ടെത്തി. നേർവഴിക്കു നടക്കാനും, സഹോദരിയെ ശരിയായി പരിപാലിക്കാനും ഞങ്ങൾ അയാളോട് ആവശ്യപ്പെട്ടു. പക്ഷേ അവൻ ചെവിക്കൊണ്ടില്ല. അവന്റെ അമ്മ പോലും മകന്റെ പക്ഷം ചേർന്നു' ചൈത്രയുടെ സഹോദരൻ പറഞ്ഞു

തേജസ് ഭാര്യയെ മർദിച്ചതിന്റെ ഫലമായി അവരുടെ ചെവിക്കു ശസ്ത്രക്രിയ വേണ്ടിവന്നതായും സഹോദരൻ ആരോപിച്ചു. ചൈത്രയും അമ്മയും ആശുപത്രിയിൽ ചികിത്സ തേടി. സംഭവത്തിൽ പോലീസ് കേസ് രജിസ്റ്റർ ചെയ്തിട്ടുണ്ട്