മാതൃത്വത്തിന്റെ ഊഷ്‌മള ഭാവം പേറുന്ന ഫോട്ടോഷൂട്ട്; വൈറലായി ഫ്രഞ്ച് ദമ്പതിമാരുടെ ചിത്രങ്ങൾ

മറയില്ലാതെ മാതൃത്വത്തിന്റെ ഭാവം പേറുന്ന വിദേശ ദമ്പതികളുടെ ചിത്രങ്ങൾ വൈറലാവുന്നു. കോട്ടയം കേന്ദ്രമാക്കി പ്രവർത്തിക്കുന്ന വയനാട് സ്വദേശിയായ ഫ്രീലാൻസ് ഫോട്ടോഗ്രാഫർ ആതിര ജോയ് ആണ് ചിത്രങ്ങൾ പകർത്തിയത്. ഏതാനും ദിവസങ്ങൾക്കു മുൻപാണ് ആതിര ഇവ സോഷ്യൽ മീഡിയയിൽ പ്രസിദ്ധീകരിച്ചത് (ചിത്രങ്ങൾ: ആതിര ജോയ് )

കേരളം സന്ദർശനത്തിനെത്തിയ അമൃത് ബാബയും പങ്കാളി ജാനും ആണ് ഈ ഫോട്ടോഷൂട്ടിലെ മോഡൽ. പൂർണ്ണ നഗ്നരായി ഇവർ പ്രത്യക്ഷപ്പെട്ടു എന്നകാരണത്താലാണ് ചിത്രങ്ങൾ ശ്രദ്ധേയമാവുന്നത്

കോഴിക്കോട് പുഴയുടെ പശ്ചാത്തലത്തിലായിരുന്നു ഷൂട്ടിംഗ്. ആതിരയുടെ അമ്മായിയുടെ വീടിനടുത്താണ് ലൊക്കേഷൻ

സോഷ്യൽ മീഡിയയിൽ നല്ലതും മോശമായതുമായ അഭിപ്രായങ്ങൾ വന്നു എന്ന് ആതിര പറയുന്നു. തെറി പറഞ്ഞവർ വരെ ഉണ്ടത്രേ. പക്ഷെ ദമ്പതികൾ അവരുടെ തന്നെ ആവശ്യപ്രകാരമാണ് ഫോട്ടോഷൂട്ടിനെത്തിയത്. തങ്ങളുടെ ജീവിതശൈലിയുമായി ബന്ധപ്പെട്ടു തന്നെ ഫോട്ടോഷൂട്ട് വേണമെന്നും ഇവർക്ക് നിർബന്ധമായിരുന്നു

കേരളത്തിൽ വിനോദ സഞ്ചാരത്തിന് വന്നവരാണ് ഈ ദമ്പതികൾ