Genelia D'souza | പട്ട് സാരിക്കുണ്ടോ ഈ വില! ജനീലിയ ഡിസൂസയുടെ ഡിസൈനർ സാരി ചർച്ചയാവുന്നു

ചലച്ചിത്ര മേഖലയിലെ പ്രമുഖർ അണിനിരന്ന മിജ്‌വാൻ ഫാഷൻ ഷോ 2022 താരനിബിഡമായ ഒരു കാഴ്ചയായിരുന്നു. പ്രധാന ഇവന്റിന്റെ ഷോ-സ്റ്റോപ്പർമാരായ രൺവീർ സിങ്ങും (Ranveer Singh) ദീപിക പദുക്കോണും (Deepika Padukone) ഗംഭീര ലുക്കിൽ പ്രത്യക്ഷപ്പെട്ടു. ഫാഷൻ ഷോയിൽ റിതേഷും (Riteish Deshmukh) ജെനീലിയ ഡിസൂസയും (Genelia D'souza) ഒരുമിച്ച് വന്നതും നയനമനോഹരമായ കാഴ്ചയായി

കറുത്ത ടക്സീഡോയിൽ റിതേഷ് സ്റ്റൈലിഷായി കാണപ്പെട്ടു. അതേസമയം മനോഹരമായ ഹെയർസ്‌റ്റൈലും, നീല നിറത്തിലുള്ള സാരിയും കൊണ്ട് ജെനീലിയ മനോഹരിയായി തിളങ്ങി. എന്നാൽ ജനീലിയയുടെ സാരി മറ്റൊരു തരത്തിൽ ചർച്ചയാവുകയാണ്. അത്രയേറെ വില നൽകിയാണ് ഈ ഡിസൈനർ സാരി താരം അണിഞ്ഞത് (തുടർന്ന് വായിക്കുക)

സ്‌ക്രീനിലും പുറത്തും താൻ ഒരു യഥാർത്ഥ ഫാഷൻ ഐക്കണാണെന്ന് ജെനീലിയ തെളിയിച്ചു. ഫാഷന്റെ കാര്യത്തിൽ സജീവവും വർണ്ണാഭമായതുമായ വസ്ത്രങ്ങൾ ധരിക്കുന്നതിൽ ജെനീലിയ ശ്രദ്ധപുലർത്താറുണ്ട്

തന്റെ വസ്ത്രങ്ങളിലൂടെ അവർ ധീരവും ചടുലവുമായ മനോഭാവം പ്രകടിപ്പിക്കുന്നു. ഇത്തവണ അവർ മനീഷ് മൽഹോത്രയുടെ ശേഖരത്തിൽ നിന്ന് ഒരു 'വൈബ്രന്റ്' സാരി തിരഞ്ഞെടുത്തു. സാരിയിൽ സിൽവർ സീക്വിനുകളുടെ വിപുലമായ ഉപയോഗം ജെനീലിയയുടെ ചാരുതയുടെ മാറ്റുകൂട്ടി

സാരിയുടെ കോളറിൽ റഫിൾ ഡിസൈനുള്ള ഹാൾട്ടർ നെക്ക് ബ്ലൗസാണ് താരം ധരിച്ചിരുന്നത്. തിളങ്ങുന്ന പിങ്ക് ചുണ്ടുകൾ വിങ്ഡ് ഐലൈനർ, തിളങ്ങുന്ന കണ്പോളകൾ എന്നിവ ഉൾപ്പെടുന്ന അൾട്രാ ഗ്ലാം മേക്കപ്പ് ലുക്കാണ് ജെനീലിയ തിരഞ്ഞെടുത്തത്

ഒരു കൂട്ടം വളകളും, ഒരു ജോടി സ്റ്റഡ് ഡ്രോപ്പ് ഡയമണ്ട് കമ്മലുകളും അവരുടെ ആഭരണങ്ങളായിട്ടുണ്ട്. സിൽവർ ഹീൽസ് ധരിച്ച് വെള്ളി നൂലുകൾ കൊണ്ട് വലിച്ചുകെട്ടിയ ബണ്ണിൽ അവർ മുടി സ്റ്റൈൽ ചെയ്തു

സാരിയുടെ വില കേട്ടോളൂ. മനീഷ് മൽഹോത്രയുടെ ഈ കരവിരുതിന് 2,25,000 രൂപയാണ് വില

അടുത്ത വർഷം നിരവധി സിനിമകളിൽ ജെനീലിയ പ്രത്യക്ഷപ്പെടും. ഭർത്താവ് റിതേഷിനൊപ്പം മിസ്റ്റർ മമ്മിയിലും അവർ അഭിനയിക്കും. ഷാദ് അലിയാണ് ചിത്രം സംവിധാനം ചെയ്യുന്നത്. പേരിടാത്ത ഒരു കന്നഡ-തെലുങ്ക് ചിത്രത്തിലും അവർ പ്രവർത്തിക്കുന്നുണ്ട്