ആദ്യത്തെ കണ്മണിക്ക് നാല് മാസം; രണ്ടാമത്തെ കുഞ്ഞിനെ വരവേൽക്കാനൊരുങ്ങി താരദമ്പതികൾ

സീരിയൽ അഭിനേതാക്കളായ ഗുർമീത് ചൗധരിയും (Gurmeet Choudhary) ദേബിന ബോണർജിയും (Debina Bonnerje) രണ്ടാം തവണയും അച്ഛനമ്മമാരാകാൻ ഒരുങ്ങുകയാണ്. ദമ്പതികൾ അതത് ഇൻസ്റ്റഗ്രാം ഹാൻഡിലുകളിൽ നിന്നും വാർത്ത ആരാധകരുമായി പങ്കിട്ടു. ദേബിനയുടെ കണ്ണുകളിലേക്ക് നേരിട്ട് നോക്കുന്ന ഗുർമീത് അവരുടെ ആദ്യത്തെ കുഞ്ഞ് ലിയാനയെ ഒരു കൈയിൽ പിടിച്ചിരിക്കുന്ന ചിത്രമാണ് പോസ്റ്റ് ചെയ്തത്

നടി തന്റെ സോണോഗ്രാം ഫലം കൈകളിൽ പിടിച്ചിരിക്കുന്നതായി കാണപ്പെട്ടു. അടിക്കുറിപ്പിൽ, ഈ ഗർഭം ആസൂത്രണം ചെയ്തതല്ലെന്ന് ദേബിന പരാമർശിക്കുകയും ചെയ്തു, 'കുറച്ച് തീരുമാനങ്ങൾ ദൈവികമായതാണ്, ഒന്നും മാറ്റാൻ കഴിയില്ല... ഇത് അത്തരമൊരു അനുഗ്രഹമാണ്.. ഞങ്ങളെ പൂർത്തിയാക്കാൻ 'ബേബി നമ്പർ 2' ഉടൻ വരുന്നു എന്ന ഹാഷ്‌ടാഗും നൽകി (തുടർന്ന് വായിക്കുക)

ആരാധകരും സുഹൃത്തുക്കളും കമന്റ് സെക്ഷനിലൂടെ ദമ്പതികളെ അഭിനന്ദിച്ചു. രശ്മി ദേശായി, മഹി വിജ്, ടീന ദത്ത, യുവിക ചൗധരി എന്നിവർ ഗുർമീതിനും ദേബിനയ്ക്കും ആശംസകൾ അറിയിച്ചു

2008ലെ ടെലിവിഷൻ ഷോ രാമായണിന്റെ സെറ്റിൽ വെച്ചാണ് ദേബിനയും ഗുർമീതും കണ്ടുമുട്ടുന്നത്. ശേഷം പരസ്പരം പ്രണയത്തിലായി. 2011 ഫെബ്രുവരിയിൽ അവർ വിവാഹിതരായി. ഈ വർഷം ഏപ്രിൽ മാസത്തിൽ ദമ്പതികൾ ഒരു പെൺകുഞ്ഞിന്റെ മാതാപിതാക്കളായി

അന്നവർ സോഷ്യൽ മീഡിയയിൽ കുഞ്ഞിന്റെ മനോഹരമായ പാദങ്ങളുടെ കാഴ്ച ഉൾപ്പെടുന്ന ഒരു വീഡിയോ പോസ്റ്റ് ചെയ്യുകയും ചെയ്തു

വളരെ നന്ദിയോടെ ഞങ്ങളുടെ 'പെൺകുട്ടിയെ' ഈ ലോകത്തേക്ക് സ്വാഗതം ചെയ്യുന്നു. നിങ്ങളുടെ എല്ലാ സ്നേഹത്തിനും അനുഗ്രഹങ്ങൾക്കും നന്ദി എന്നായിരുന്നു കുറിപ്പ്