ഇംഗ്ളീഷിന്റെ കാര്യത്തിൽ അഹാനയുടെ അനുജത്തി തന്നെ; പ്ലസ് ടു പരീക്ഷയിൽ മികച്ച സ്കോർ നേടി ഹൻസിക

നടി അഹാന കൃഷ്ണയുടെ (Ahaana Krishna) ഏറ്റവും ഇളയ അനുജത്തിയാണ് ഹൻസിക കൃഷ്ണകുമാർ (Hansika Krishnakumar). വീട്ടിലെ ഇളയകുട്ടിയായ ഹൻസിക പ്ലസ് ടു പഠനം പൂർത്തിയാക്കിക്കഴിഞ്ഞു. മകളുടെ സ്കൂളിലെ അവസാന ദിവസത്തെ വിശേഷം സിന്ധു കൃഷ്ണ മനസ്സിൽ തൊടുന്ന പോസ്റ്റിൽ പങ്കിട്ടിരുന്നു. വീട്ടിലെ അവസാന സ്കൂൾ കുട്ടിയും പഠനം പൂർത്തിയാക്കുന്നതിന്റെ വൈകാരികതയാണ് സിന്ധുവിന്റെ വാക്കുകളിൽ നിറഞ്ഞത്. ഹൻസികയുടെ പ്ലസ് ടു പരീക്ഷാഫലം വന്നുകഴിഞ്ഞു

കടുകട്ടിയായ ഐ.എസ്.സി. സിലബസാണ്‌ ഹൻസിക പഠിച്ചത്. പ്ലസ് ടുവിന് കൊമേഴ്‌സ് ആയിരുന്നു ഐച്ഛിക വിഷയം. തന്റെ യൂട്യൂബ് വ്‌ളോഗിലൂടെയാണ് ഹൻസിക ഫലപ്രഖ്യാപനം നടത്തിയത്. സഹോദരിയായ ഇഷാനിക്കൊപ്പമാണ് ഹൻസിക ഫലം പരിശോധിച്ചത് (തുടർന്ന് വായിക്കുക)

ഹൻസികയെ സംബന്ധിച്ചിടത്തോളം പഠനം മാത്രമല്ലായിരുന്നു പോയ വർഷങ്ങളിൽ. സിനിമാ അഭിനയത്തിലല്ല സജീവമെങ്കിലും, സോഷ്യൽ മീഡിയ ഇൻഫ്ലുവെൻസർ എന്ന നിലയിൽ ഹൻസിക വീഡിയോസ് ചെയ്‌തും മറ്റും തിരക്കിലായി. മുൻപ് 'ലൂക്ക' എന്ന സിനിമയിൽ ഹൻസിക അഹാനയുടെ കുട്ടിക്കാലം അവതരിപ്പിച്ചിരുന്നു 

പഠനത്തിൽ തനിക്ക് സർവവും സമർപ്പിക്കാൻ കഴിഞ്ഞില്ല എന്ന ചെറിയ വിഷമം ഹൻസിക പറയാതെയിരുന്നില്ല. എന്നാൽ സ്കൂൾ പരീക്ഷയിലെ മാർക്ക് ജീവിതത്തിലെ അവസാനത്തേതല്ല എന്ന ബോധ്യവുമുണ്ട് ഹൻസികയ്ക്ക്

തിരുവനന്തപുരം ഹോളി ഏഞ്ചൽസ് സ്കൂളിലാണ് ഹൻസികയും മൂത്ത സഹോദരിമാരും പഠനം നടത്തിയത്. പ്ലസ് ടുവിന് ഹൻസികയ്ക്ക് ലഭിച്ച മൊത്തം മാർക്ക് 78 ശതമാനമാണ്. വലിയ സ്കോർ എന്ന് വിളിക്കാൻ കഴിയില്ലെങ്കിലും പഠിച്ച സിലബസും വിഷയവും തട്ടിച്ചു നോക്കിയാൽ ഈ മാർക്ക് അത്ര നിസാരമല്ല. പക്ഷെ ഇംഗ്ളീഷിന്റെ കാര്യത്തിൽ ഹൻസു എന്ന ഹൻസിക വിട്ടുകൊടുത്തിട്ടില്ല

മണിമണി പോലെ ഇംഗ്ലീഷ് പറയുകയും എഴുതുകയും ചെയ്യുന്ന അഹാനയുടെ അനുജത്തി അക്കാര്യത്തിൽ കേമി തന്നെ. മൊത്തം 92 ശതമാനം മാർക്ക് ആണ് ഹൻസിക ഇംഗ്ളീഷിന് മാത്രം കരസ്ഥമാക്കിയത്

അഹാന മാത്രമല്ല, അമ്മ സിന്ധുവും ഇംഗ്ളീഷിന്റെ കാര്യത്തിൽ മിടുക്കിയാണ്. മക്കൾ പഠിച്ച സ്കൂളിൽ ഇംഗ്ലീഷ് പഠനത്തിന് നൽകുന്ന പ്രാധാന്യം പ്രശസ്തമാണ്

സ്കൂൾ എന്ന ഘട്ടം കഴിഞ്ഞതിലെ വിഷമം ഹൻസിക മറച്ചുവച്ചില്ല. ആനുവൽ ഡേയും സ്പോർട്സ് ഡേയും യൂത്ത് ഫെസ്റ്റിവലും ഒക്കെ ഇനി മടങ്ങിവരില്ല എന്ന കാര്യം ഗൃഹാതുരതയോടെ ഹൻസിക ഓർത്തെടുക്കുന്നു

ഹൻസികയുടെ അവസാന സ്കൂൾ ദിനത്തിൽ അമ്മ സിന്ധുവിനൊപ്പമുള്ള ചിത്രം