ചേച്ചിയുടെ മടിയിൽ കേറിയിരുന്ന് മങ്കി പെണ്ണേ എന്ന് വിളിക്കുന്ന അനുജത്തി; പിറന്നാൾ സർപ്രൈസ് ചിത്രങ്ങളിലെ സഹോദരിമാർ

മടിയിൽ കേറിയിരുന്നുള്ള ഫോട്ടോ പോസ്റ്റ് ചെയ്ത് ഒരാളെ നോക്കി മങ്കി പെണ്ണേ എന്നൊക്കെ വിളിക്കണമെങ്കിൽ, ആളാരാവണം എന്ന് ഊഹിക്കാവുന്നതേയുള്ളൂ. സ്വന്തം അനുജൻ അല്ലെങ്കിൽ അനുജത്തി. അവർക്കേ അത്രയും സ്വാതന്ത്ര്യം കാണൂ. പ്രത്യേകിച്ചും പിറന്നാൾ ദിനത്തിൽ അങ്ങനെ പറഞ്ഞു കൊണ്ട് തന്നെ ആശംസ അറിയിക്കാൻ മറ്റാർക്കും ധൈര്യമുണ്ടാവില്ല

ഈ ഫോട്ടോയിൽ അനുജത്തിയെ മടിയിൽ ഇരുത്തിയിരിക്കുന്നത് സ്വന്തം ചേച്ചിയാണ്. ഇവർ രണ്ടുപേരും പ്രേക്ഷകർക്ക് സുപരിചിതരാണ്. സഹോദരങ്ങളായി ഇവർ രണ്ടുപേർ മാത്രമല്ല, വേറെ രണ്ടുപേർ കൂടിയുണ്ട്. ഇത്രയും കേട്ടാൽ കക്ഷികളെ പിടികിട്ടും. ഫോട്ടോയിലെ ചേച്ചിയുടെ ജന്മദിനമാണിന്ന് (തുടർന്ന് വായിക്കുക)

'ഹാപ്പി ബർത്ഡേ ടു മൈ മങ്കി ഓസി' എന്നാണ് ക്യാപ്‌ഷൻ. 25 വയസായാലും എനിക്ക് നീയാ 13 വയസുള്ള കുറുമ്പിപെണ്ണാണ് എന്ന് ഏറ്റവും ഇളയ അനുജത്തിയുടെ കമന്റ്

അഹാന കൃഷ്ണയുടെ ആദ്യത്തെ അനുജത്തി ദിയ കൃഷ്ണയാണ് പിറന്നാളുകാരി. മടിയിൽ ഇരിക്കുന്നത് ഏറ്റവും ഇളയ ആളായ കുട്ടിക്കുറുമ്പി ഹൻസിക

ചേച്ചിയുടെ പിറന്നാളിന് തന്നാൽക്കഴിയും വിധം കുറുമ്പ് നിറഞ്ഞുള്ള പോസ്റ്റ് എത്തിക്കാൻ ഹൻസിക മറന്നില്ല. എന്തായാലും ഓസി എന്ന് വിളിക്കുന്ന ദിയ കൃഷ്ണയെ ഒന്ന് ചൊടിപ്പിക്കാൻ അനുജത്തിയുടെ ഈ പോസ്റ്റ് ധാരാളം

കൂട്ടത്തിലെ ഏറ്റവും ഇളയ കുട്ടിയായ ഹൻസിക സ്കൂൾ വിദ്യാഭ്യാസം പൂർത്തിയാക്കിക്കഴിഞ്ഞു. അഹാന, ദിയ, ഇഷാനിമാരുടെ ഏറ്റവും ഇളയ അനുജത്തിയാണ് ഹൻസിക

ദിയ കുറച്ചു കാലമായി ബിസിനസ് തിരക്കുകളിലാണ്. ഓ ബൈ ഓസി എന്ന ആഭരണ ബ്രാൻഡ് നടത്തുകയാണ് ദിയ. കൂടാതെ സോഷ്യൽ മീഡിയ ഇൻഫ്ലുവെൻസറും കൂടിയാണ്

ഒറിജിനൽ ചിത്രങ്ങൾക്കു പുറമെ ഫിൽറ്റർ ഇട്ട് ചേച്ചിയെ ചൊടിപ്പിക്കാൻ ഉദ്ദേശ്കൊണ്ടു ഹൻസിക പോസ്റ്റ് ചെയ്ത ചിത്രമാണിത്