വഞ്ചകനായ ഭർത്താവിന് നാട്ടുകാർ കാണുംവിധം വിചിത്രമായ ശിക്ഷ നൽകി ഭാര്യ

വഞ്ചകനായ ഭർത്താവിന് നാട്ടുകാർ കാണുംവിധം വിചിത്രമായ ശിക്ഷ നൽകി യുവതി. ശേഷം അതിന്റെ ഫോട്ടോ സോഷ്യൽ മീഡിയയിൽ പോസ്റ്റ് ചെയ്യുകയും ചെയ്തു. ശേഷം ഇത് ഇന്റർനെറ്റിൽ സജീവ ചർച്ചയായി മാറിയിരിക്കുകയാണ്

ഭാര്യയോട് വിശ്വാസ വഞ്ചന കാട്ടിയതിനാണ് ശിക്ഷ. പേര് വെളിപ്പെടുത്താത്ത വിദേശ വനിത റെഡിറ്റ്‌ എന്ന സൈറ്റിലാണ് ഈ സംഭവം പോസ്റ്റ് ചെയ്തിരിക്കുന്നത്. അതേപ്പറ്റി 'ദി സൺ' റിപ്പോർട്ട് ചെയ്യുന്നു

ഭർത്താവിനെ വളരെ വിചിത്രമായ വേഷം ധരിപ്പിക്കുകയാണ് ഇവർ ആദ്യം ചെയ്തത്. മുഖത്ത് മാസ്കും നിർബന്ധമാക്കി. ശേഷം നാട്ടുകാർ കാൺകെ ഇയാളെ ഊരുചുറ്റിക്കുകയാണ് ചെയ്തത്. ആ ചിത്രം ചുവടെ:

കുഞ്ഞുങ്ങൾക്കുള്ള വസ്ത്രത്തിന്റെ മാതൃകയിൽ ഭർത്താവിനുള്ള വസ്ത്രങ്ങൾ ഇവർ നൽകി. കുട്ടികൾക്കുള്ള ടങ്കരീസ്, പിങ്ക് നിറത്തിലെ ടി-ഷർട്ട്, തൊപ്പി, മാസ്ക് എന്നിവയാണ് വേഷം. പിന്നെ ഒരു സൈക്കിളും ‌

ചെയ്ത കാര്യം എന്തെന്ന് പറഞ്ഞുള്ള ബോർഡ് വച്ചിട്ടുമുണ്ട്. സൈക്കിൾ ചവിട്ടി നാടുനീളെ യാത്ര ചെയ്യണം എന്നാണ് കരാർ. ആഴ്ചയിലൊരിക്കൽ ഇത് നിർബന്ധമാണ്. കണ്ണിൽ വെയിലേൽക്കാതിരിക്കാൻ കൂളിംഗ് ഗ്ലാസും ഉണ്ട്

വിവാഹമോചനത്തിന് പകരം കണ്ടെത്തിയ വഴിയാണിതെന്നാണ് യുവതിയുടെ വിശദീകരണം. സൈക്കിൾ സവാരിക്കിടെ വഴിയേ പോകുന്നവർ ഇയാളുടെ ചിത്രം പകർത്തുകയും ചെയ്യാറുണ്ട്. അതുകൊണ്ടെങ്കിലും ഭർത്താവ് ഒരു പാഠം പഠിക്കുമെന്ന് യുവതി പ്രതീക്ഷിക്കുന്നു. എന്തായാലും ഇതേപ്പറ്റി നെറ്റിസണ്സിന്റെ ഇടയിൽ രണ്ടഭിപ്രായമാണ്