ഭർത്താവ് എവിടെ, കുഞ്ഞിന്റെ അച്ഛനാര് ചോദ്യങ്ങൾക്ക് ചെവികൊടുക്കാതെ നിറവയർ ചിത്രങ്ങളുമായി ഇല്യാന ഡിക്രൂസ്

ആദ്യമായി തന്റെ ഗർഭകാല ചിത്രങ്ങൾ ആരാധകർക്ക് മുന്നിൽ അവതരിപ്പിച്ച് നടി ഇല്യാന ഡിക്രൂസ് (Ileana D'cruz). കഴിഞ്ഞ മാസം, കൂടുതൽ വിവരങ്ങളൊന്നും വെളിപ്പെടുത്താതെ അവർ തന്റെ ആദ്യ കുഞ്ഞിനെ ഗർഭിണിയാണെന്ന് പ്രഖ്യാപിച്ചു. ഇതാദ്യമായാണ് നിറവയർ ഉൾപ്പെടുത്തി അവർ തന്റെ മുഴുവൻ ചിത്രവും പോസ്റ്റ് ചെയ്യുന്നത്

വീട്ടിൽ വച്ച് പകർത്തിയതായി തോന്നുന്ന ഒരു കൂട്ടം ഫോട്ടോകൾ അവർ പങ്കിട്ടു. മേക്കപ്പ് ഇല്ലാത്ത ലുക്കിലുള്ള ഇല്യാന കറുത്ത വസ്ത്രം ധരിച്ചിരുന്നു. അത് നിറവയർ ഹൈലൈറ്റ് ചെയ്യുകയും ചെയ്തു (തുടർന്ന് വായിക്കുക)

തന്റെ ഗർഭകാല യാത്രയിൽ നിന്നുള്ള ആദ്യ ചിത്രങ്ങൾ പങ്കിട്ടുകൊണ്ട്, 'ബമ്പ് അലേർട്ട് ‼️' എന്ന് ഇല്യാന അടിക്കുറിപ്പ് നൽകി. ക്യാമറയ്ക്ക് പിന്നിലുള്ള തന്റെ സുഹൃത്തിനും ഉണ്ട് ക്രെഡിറ്റ്

'ലവ് യു ഗേൾ, സോ ഹാപ്പി യു ഫോർ യു' എന്ന് നിറവയർ ഫോട്ടോകളോട് പ്രതികരിച്ചുകൊണ്ട് ഷിബാനി അക്തർ കമന്റ് സെക്ഷനിൽ കുറിച്ചു. അഭിനേതാക്കളായ അതിയാ ഷെട്ടിയും സോഫി ചൗദ്രിയും കമന്റ് ചെയ്തവരിലുണ്ട്

താൻ ഗർഭിണിയാണെന്ന് അറിയിച്ചതു മുതൽ താരം തന്റെ ജീവിതയാത്രയുടെ ദൃശ്യങ്ങൾ ആരാധകരുമായി പങ്കുവയ്ക്കുകയാണ്. അടുത്തിടെ, അവർ സെൽഫികളും ബേക്കിംഗ് സെഷന്റെ ഒരു കാഴ്ചയും പങ്കിട്ടു. വീട്ടിൽ സോഫ്റ്റ് ബ്രെഡ് തയ്യാറാക്കിയതായി ഇല്യാന കുറിച്ചു

കത്രീന കൈഫിന്റെ സഹോദരൻ സെബാസ്റ്റ്യൻ ലോറന്റ് മിഷേലുമായി ഇല്യാന ഡേറ്റിംഗിലാണെന്ന അഭ്യൂഹങ്ങൾ പരന്നിരുന്നു. എന്നാൽ, ഈ റിപ്പോർട്ടുകൾ ഇരുവരും സ്ഥിരീകരിക്കുകയോ നിഷേധിക്കുകയോ ചെയ്തിട്ടില്ല. അവധിക്കാലത്ത് ഇരുവരും കത്രീനയ്ക്കും മറ്റ് സുഹൃത്തുക്കൾക്കും ഒപ്പമുണ്ടായിരുന്നു