പെയിന്റിൽ കുളിച്ചതല്ല; പച്ച നിറമുള്ള നായക്കുട്ടി സോഷ്യൽ മീഡിയയിൽ ചർച്ചയാവുന്നു

ഈ ചിത്രത്തിലെ നായക്കുട്ടിയെ കണ്ടില്ലേ? പച്ച നിറമുള്ള സുന്ദരൻ, അല്ലെ? പെയിന്റടിച്ചതോ ചായം പൂശിയതോ ഒന്നുമല്ല കേട്ടോ

കഴിഞ്ഞ ദിവസങ്ങളിൽ സോഷ്യൽ മീഡിയയിൽ ചർച്ചയായ നായക്കുട്ടിയാണിത്. ട്വിറ്ററിലാണ് ഇവൻ ആദ്യം പ്രത്യക്ഷപ്പെട്ടത്. പിന്നെ ലൈക്കുകളുടെ പ്രളയം (പ്രതീകാത്മക ചിത്രം)

കക്ഷി എങ്ങനെ പച്ച നിറമൊപ്പിച്ചു എന്നതാണ് എല്ലാവർക്കും അറിയേണ്ടത്. സംഗതി വളരെ സിമ്പിൾ ആണ്. എന്നാൽ ആരും അതങ്ങനെയാവും എന്ന് പ്രതീക്ഷിക്കുകയുമില്ല. എന്താണെന്നല്ലേ? (പ്രതീകാത്മക ചിത്രം)

ആളൊന്നു പുല്ലിൽ കിടന്ന് ഉരുണ്ടാണ് ഈ ലുക്കിലായത്. അരിഞ്ഞിട്ട പുല്ല് കണ്ടതും കൗതുകം ലേശം കൂടുതലായ നായക്കുട്ടി അതിന്റെ മേൽ കിടന്നുരുണ്ടു. എഴുന്നേറ്റപ്പോൾ നിറം പച്ച (പ്രതീകാത്മക ചിത്രം)

ശരിക്കും വെള്ള നിറമാണ് ഇവന്. എന്തായാലും ഈ കുസൃതി കുട്ടിയെ സോഷ്യൽ മീഡിയക്ക് പെരുത്തിഷ്‌ടമായി. ആദ്യം റെഡിറ്റിൽ ആണ് ഈ ചിത്രം പ്രത്യക്ഷപ്പെട്ടത് (പ്രതീകാത്മക ചിത്രം)