Adil Khan | സ്വകാര്യ ചിത്രങ്ങളുമായി ഭീഷണി; രാഖിയുടെ ഭർത്താവ് ആദിൽ ഖാനെതിരെ പീഡനപരാതിയുമായി യുവതി

നടി രാഖി സാവന്തിന്റെ (Rakhi Sawant) ഭർത്താവ് ആദിൽ ഖാൻ ദുറാനിക്കെതിരെ (Adil Khan Durrani) പീഡനപരാതിയുമായി ഇറാനിയൻ യുവതി. മൈസൂരിലാണ് പ്രതി രജിസ്റ്റർ ചെയ്തത്. ഐ.പി.സി. സെക്ഷൻ 376, 417,420, 504, 506 എന്നിവ പ്രകാരമാണ് കേസ്. മൈസൂരിലെ വി.വി. പുരം പോലീസ് സ്റ്റേഷനിലാണ് പരാതി. വിവാഹ വാഗ്ദാനം നൽകി പീഡിപ്പിച്ചു എന്നാണ് പരാതി

ആദിൽ ഖാന് ഒരുപാട് പെൺകുട്ടികളുമായി ബന്ധമുണ്ടെന്നും. അഞ്ചു മാസം മുൻപ് തന്നെ വിവാഹം ചെയ്യാൻ ഇയാൾ വിസമ്മതിച്ചതായും പരാതിക്കാരി പറഞ്ഞു. സ്വകാര്യ ചിതങ്ങൾ ലീക്ക് ചെയ്യും എന്നായിരുന്നു മറ്റൊരു ഭീഷണിയെന്നും പരാതിയിൽ പറയുന്നു (തുടർന്ന് വായിക്കുക)

പോയ വാരം രാഖി നൽകിയ പരാതിപ്രകാരം, ആദിൽ ഖാനെ വഞ്ചനാ കുറ്റത്തിന് പോലീസ് അറസ്റ്റ് ചെയ്തിരുന്നു. ഇത് രണ്ടാമത്തെ കേസാണ്. ആദിൽ ഖാന്റെ ജാമ്യാപേക്ഷയ്‌ക്കു മേൽ ഉടൻ വിസ്താരമുണ്ടാകും

വാർത്തയെ തുടർന്ന് രാഖി സാവന്ത് ഇ-ടൈംസിനോടായി പ്രതികരിച്ചു. 'ഞാൻ ഞെട്ടലിലാണ്. അവന്റെ രണ്ട് കാമുകിമാർ വെളിപ്പെടുത്തലുകളുമായി രംഗത്തെത്തിയിരിക്കുന്നു. എന്നെ കൊല്ലാൻ അവൻ എങ്ങനെ ഗൂഢാലോചന ചെയ്തുവെന്ന് നിങ്ങൾക്ക് കാണാൻ കഴിയും...

തന്നെ ബലാത്സംഗം ചെയ്തുവെന്നാരോപിച്ച പെൺകുട്ടിയോട് 'എനിക്ക് നിന്നെ വിവാഹം കഴിക്കണം, നിന്നോടൊപ്പം ദുബായിൽ താമസിക്കണം' എന്നായിരുന്നു ആദിൽ പറഞ്ഞത്. അവൻ എന്റെ വിശ്വാസം തകർത്തു. എന്നെ വഞ്ചിച്ചു, രാഖി പറഞ്ഞു

അമ്മയുടെ വിയോഗത്തിന് ശേഷം രാഖി തന്റെ ദാമ്പത്യ പ്രശ്‌നങ്ങൾ പരസ്യമാക്കി. തന്റെ ജീവിതത്തിൽ നാശം വിതച്ച ആദിലിന്റെ വിവാഹേതര ബന്ധങ്ങളെക്കുറിച്ച് അവർ മാധ്യമങ്ങളോട് തുറന്നടിച്ചിരുന്നു