Alia Bhatt | മകൾക്ക് രണ്ടരമാസം; ആലിയ ഭട്ട് വീണ്ടും ഗർഭിണിയാണോ?

2022 നവംബർ ആറാം തിയതി നടി ആലിയ ഭട്ട് (Alia Bhatt) തന്റെയും രൺബീർ കപൂറിന്റെയും (Ranbir Kapoor) കടിഞ്ഞൂൽ കണ്മണിക്ക് ജന്മം നൽകിയിരുന്നു. റാഹാ കപൂർ എന്നാണ് ഏക മകൾക്ക് ഇവർ പേരിട്ടത്. ഗർഭകാലത്തും സിനിമയിൽ സജീവമായിരുന്ന ആലിയ ഭട്ട്, തന്റെ ഷൂട്ടിംഗ് തിരക്കുകൾ തീർത്ത ശേഷം മാത്രമേ പ്രസവാവധിയിൽ പ്രവേശിച്ചുള്ളൂ. വിദേശഭാഷാ ചിത്രങ്ങൾ ഉൾപ്പെടെ ആലിയക്ക് തീർക്കാനുണ്ടായിരുന്നു

റാഹയുടെ മുഖം പകർത്തരുത് എന്ന് പാപ്പരാസികൾക്ക് നിർദ്ദേശം നൽകിയിട്ടുണ്ട്. അതുകൊണ്ടു തന്നെ കുഞ്ഞിന്റെ മുഖം ഇതുവരെയും താരദമ്പതികൾ പുറത്തുവിട്ടിട്ടില്ല. കുഞ്ഞിന്റെ വിശേഷങ്ങൾ അറിയാനുള്ള കാത്തിരിപ്പിലായ ആരാധകർ ഇപ്പോൾ കേൾക്കുന്ന മറ്റൊരു ചോദ്യമുണ്ട്, ആലിയ രണ്ടാമതും ഗർഭിണിയാണോ എന്നാണത് (തുടർന്ന് വായിക്കുക)

റാഹക്ക് ഇപ്പോൾ രണ്ടര മാസം പ്രായമാകുമ്പോഴാണ് ഇങ്ങനെയൊരു വാർത്ത സോഷ്യൽ മീഡിയയിൽ എങ്ങും അലയടിക്കുന്നതും. അടുത്തിടെ ആലിയയും രൺബീറും ആലിയയുടെ സഹോദരിയും കുഞ്ഞിനെയും കൊണ്ട് നടക്കാനിറങ്ങിയ ചിത്രങ്ങൾ വൈറലായിരുന്നു

റാഹയെ ഗർഭം ധരിച്ചിരുന്ന വേളയിൽ ആലിയ തന്റേതായ ഒരു വസ്ത്ര ശ്രേണി പുറത്തിറക്കിയിരുന്നു. ഇത് ഗർഭിണിയായ സ്ത്രീകൾക്ക് ധരിക്കാൻ വേണ്ടിയുള്ളതായിരുന്നു. പ്രസവശേഷം ആലിയ വീണ്ടും ചില വസ്ത്രങ്ങൾ പുറത്തിറക്കി

ഇക്കുറി അത് മുലയൂട്ടുന്ന അമ്മമാർക്ക് സൗകര്യപ്രദമായി ധരിക്കാവുന്ന വസ്ത്രങ്ങളായിരുന്നു. അതിന്റെ ഭാഗമായി ആലിയ പോസ്റ്റ് ചെയ്ത ചിത്രങ്ങളാണ് രണ്ടാമതും ഗർഭിണിയെന്ന തരത്തിൽ കലാശിച്ചത്

എന്തായാലും ആലിയ ഭട്ടോ ഭർത്താവ് രൺബീർ കപൂറോ വിഷയത്തോട് പ്രതികരിച്ചിട്ടില്ല. രൺബീറിന്റെ മാതാവ് നീതു സിംഗ് ആണ് സാധാരണ പാപ്പരാസികളോടും മറ്റും സംസാരിക്കാറുള്ളത്

ആലിയ ഭട്ട്- രൺബീർ കപൂർ വിവാഹത്തിന് മുൻപ് ഇരുവരും ആദ്യമായി ഒന്നിച്ചഭിനയിച്ച ബ്രഹ്മാസ്ത്ര എന്ന സിനിമ ആലിയ ഗർഭിണിയായിരുന്ന വേളയിലാണ് റിലീസ് ചെയ്തത്