Jayasudha | 64-ാം വയസ്സിൽ നടി ജയസുധ മൂന്നാം വിവാഹത്തിന് തയാറെടുക്കുന്നോ? ഒപ്പം കാണാറുള്ള വ്യക്തിയാരെന്ന ചോദ്യത്തിന് താരം മറുപടിയുമായി രംഗത്ത്

തെലുങ്ക് സിനിമയിൽ ആമുഖം ആവശ്യമില്ലാത്ത നടിയാണ് ജയസുധ (Jayasudha). മലയാളത്തിൽ ഒരു സിനിമയുടെ പേര് പറഞ്ഞാൽ ഈ താരത്തെ മലയാളി എക്കാലവും ഓർക്കും. 'ഇഷ്‌ടം' സിനിമയിൽ പ്രണയം പ്രായത്തെ തോൽപ്പിക്കുന്ന കഥാപാത്രമായി, നടൻ നെടുമുടി വേണുവിന്റെ ജോഡിയായി, അധ്യാപികയുടെ വേഷത്തിലെത്തിയ നടിയാണ് ജയസുധ. ചഞ്ചല ദ്രുതപദ താളം... എന്ന ഗാനം മാത്രം മതി ജയസുധയെ ഓർക്കാൻ

വിജയ് ചിത്രം വാരിസിൽ മികച്ച വേഷം ചെയ്ത് ജയസുധ വീണ്ടും കയ്യടികൾ നേടി. നാല് പതിറ്റാണ്ടോളമായി ജയസുധ സിനിമാ ലോകത്തുണ്ട്. എന്നാൽ സിനിമയെക്കാളുമുപരി ഇപ്പോൾ ഗോസിപ്പുകളിലെ വിഷയം ജയസുധ മൂന്നാം വിവാഹത്തിനൊരുങ്ങുന്നു എന്നതാണ്. ജയസുധയ്ക്കൊപ്പം ഒരാളെ സ്ഥിരമായി കാണുന്നതാണ് വിഷയം (തുടർന്ന് വായിക്കുക)

നടിക്ക് ഇപ്പോൾ 64 വയസ്സ് പ്രായമുണ്ട്. താരം വീണ്ടും വിവാഹം ചെയ്യുന്നു എന്ന് ചില തെലുങ്ക് മാധ്യമങ്ങളിൽ വാർത്ത വന്നിരുന്നു. വാരിസ് സിനിമയുടെ പ്രൊമോഷൻ വേളയിൽ ഉൾപ്പെടെ ഒരാൾ അവർക്കൊപ്പം ഉണ്ടായിരുന്നു എന്നതാണ് വിഷയം

കാക്കർപുടി രാജേന്ദ്രപ്രസാദിനെയാണ് ജയസുധ ആദ്യം വിവാഹം കഴിച്ചത്. എന്നാൽ ഇവർ വേർപിരിയുകയും പിന്നീട് ബോളിവുഡ് നിർമ്മാതാവ് നിതിൻ കപൂറിനെ വിവാഹം കഴിക്കുകയും ചെയ്തു. 2017 ൽ അദ്ദേഹം അന്തരിച്ചു

ഈ വിയോഗത്തിൽ ദുഃഖിതയായ ജയസുധ ഇപ്പോൾ കുറച്ച് സിനിമകൾ മാത്രമേ ചെയ്യുന്നുള്ളൂ. അപൂർവ്വമായി പൊതുരംഗത്ത് പ്രത്യക്ഷപ്പെടാറുണ്ട്. ഒരു തെലുങ്ക് ടി.വി. ചാനലിന് നൽകിയ അഭിമുഖത്തിൽ ഇതാരെന്ന് ജയസുധ തന്നെ പറയുകയുണ്ടായി

അദ്ദേഹം ഒരു എൻ.ആർ.ഐ. ആണ്. ജയസുധയുടെ ബിയോപിക് ചെയ്യാൻ തല്പരനാണ്. താരത്തെ വ്യക്തിപരമായി അറിയുക എന്ന ലക്ഷ്യത്തോടെ അവർക്കൊപ്പം സഞ്ചരിക്കുന്നു. പലപ്പോഴും ഒപ്പം കാണും. ഇതാണ് പ്രചരണങ്ങൾക്ക് പിന്നിൽ

മൂന്നാം വിവാഹത്തിൽ സത്യമില്ല എന്നും, പ്രചരിക്കുന്നത് വെറും ഗോസിപ് മാത്രമാണന്നും ജയസുധ വ്യക്തമാക്കി