Salman Khan | സൽമാൻ ഖാൻ 32കാരിയായ താര സുന്ദരിയുമായി പ്രണയത്തിലാണോ?

നടൻ സൽമാൻ ഖാന്റെ (Salman Khan) കാമുകിയാര്, വിവാഹം ഉടനെയുണ്ടാവുമോ തുടങ്ങിയ ചോദ്യങ്ങൾ കേൾക്കാൻ തുടങ്ങിയിട്ട് വർഷങ്ങളായി. ബോളിവുഡ് താരങ്ങളുടെ പേര് വരെ പല കാലഘട്ടങ്ങളിലായി ഉയർന്നു കേട്ടിട്ടുണ്ട്. അപ്പോഴും ബോളിവുഡിൽ എല്ലാവരുടെയും 'ഭായ്' ആയി നിലനിന്നതല്ലാതെ സല്ലു എന്ന സൽമാൻ ആർക്കും താലിചാർത്തിയില്ല

ലുലിയ വന്തുർ എന്ന റൊമാനിയൻ നടിയുമായി താരം പ്രണയത്തിലെന്ന് വാർത്ത വരികയും ഇവർ വിവാഹിതരാവാൻ സാധ്യതയുണ്ട് എന്ന് റിപോർട്ടുകൾ പുറത്തുവരികയും ചെയ്തിട്ടുണ്ട്. എന്നാൽ എല്ലാം ഒത്തു എന്ന വേളയിൽ ആ വിവാഹം നടക്കില്ല എന്നായി. ഇപ്പോഴിതാ 56കാരനായ സൽമാൻ പ്രശസ്ത നടിയുമായി പ്രണയത്തിലെന്ന് റിപ്പോർട്ട് (തുടർന്ന് വായിക്കുക)

നടിക്കൊപ്പം കേക്ക് മുറിക്കുന്ന ചിത്രവും പ്രചരിച്ചതോടെയാണ് ഊഹാപോഹങ്ങൾക്ക് തീപിടിച്ചത്. 'കിസി കാ ഭായ്, കിസി കാ ജാൻ' എന്ന സിനിമയിൽ ഇവർ ഒന്നിച്ചഭിനയിക്കുന്നുണ്ട്. നടൻ ഇളയദളപതി വിജയ്‌യുടെ നായികയായി ഏറ്റവും അടുത്തു ബിഗ് സ്‌ക്രീനിൽ തിളങ്ങിയ ആ താരത്തിന്റെ പേരാണ് ഇപ്പോൾ കേൾക്കുന്നത്

നടി പൂജ ഹെഗ്‌ഡെയുമായി സൽമാൻ പ്രണയത്തിലാണെന്ന വിവരമാണ് ഏറ്റവും ഒടുവിൽ പുറത്തുവന്നത്. അടുത്ത രണ്ടു ചിത്രത്തിലും പൂജയെ നായികയാക്കി എന്നും സ്ഥിരീകരിക്കാത്ത റിപ്പോർട്ടുകളുണ്ട്

ട്വിറ്ററിൽ വിഷയം അവതരിപ്പിക്കപ്പെട്ടതും സൽമാൻ ആരാധകർ കലിതുള്ളി. ആരാണ് ഈ ഉറവിടം എന്ന് വ്യക്തമാക്കണമെന്നായി ചിലർ. തങ്ങളുടെ സൽമാൻ ഭായ് ഒരിക്കലും ആരെയും വിഹാഹം ചെയ്യില്ല എന്ന് മറ്റൊരാൾ

സൽമാൻ ഖാന് ആശംസ അറിയിച്ച ആരെയും ഒരുപക്ഷെ ഇവിടെ കണ്ടെന്നു വരില്ല. മുൻപൊരിക്കൽ കല്യാണത്തിന്റെ ക്ഷണക്കത്തുകൾ വരെ പ്രസിദ്ധീകരിച്ച്‌ പണിപ്പുരയിലായ സമയത്ത് വിവാഹം നടക്കാൻ കേവലം അഞ്ചാറ് ദിവസങ്ങൾക്കു മുമ്പ് താരം മനസ്സ് മാറ്റി എന്ന് സുഹൃത്തും സിനിമാ നിർമ്മാതാവുമായ സാജിദ് നദിയാദ്‌വാല വെളിപ്പെടുത്തിയിരുന്നു

സൽമാന്റെ പ്രണയത്തെക്കുറിച്ച് വാർത്ത വന്നപ്പോൾ ട്വിറ്ററിൽ വന്ന ചില ട്വീറ്റുകൾ