Bhama | ഭർത്താവിന്റെ ചിത്രങ്ങൾ ഭാമ പേജിൽ നിന്നും നീക്കി; നടിയുടെ കുടുംബജീവിതത്തിലെന്തു പറ്റി എന്ന് സോഷ്യൽ മീഡിയ

നിവേദ്യം സിനിമയിലൂടെ മലയാള സിനിമയിൽ അഭിനയം കുറിച്ച നടിയാണ് ഭാമ (actor Bhamaa). ശാലീന സുന്ദരികൾ അരങ്ങുവാണിരുന്ന മലയാള സിനിമയുടെ കാലത്താണ് ഭാമയും അഭിനയരംഗത്തെത്തുന്നത്. പിന്നീട് മലയാളത്തിൽ മാത്രം ശ്രദ്ധ കേന്ദ്രീകരിക്കാതെ, അന്യഭാഷകളിലും ഭാമ വേഷമിട്ടു. 2020ലാണ് ഭാമയും ബിസിനസുകാരനായ അരുണും വിവാഹിതരായത്

വിവാഹശേഷം ഭാമ അഭിനയത്തിൽ നിന്നും വിട്ടു നിന്നു. ഇവർക്ക് ഗൗരി എന്ന മകൾ പിറന്ന ശേഷം ഭാമ കുഞ്ഞിന്റെ കാര്യത്തിൽ ശ്രദ്ധനൽകി കുടുംബിനിയായി മാറിയിരുന്നു. അടുത്തിടെ താരം ബിസിനെസ്സ് മേഖലയിലേക്ക് ചുവടുവയ്ക്കുകയുണ്ടായി. അതേസമയം, ഇൻസ്റ്റഗ്രാം, ഫേസ്ബുക്ക് പേജുകളിൽ നിന്നും ഭാമ അരുണിന്റെ ചിത്രങ്ങൾ നീക്കം ചെയ്തിരിക്കുന്നു (തുടർന്ന് വായിക്കുക)

കുറച്ചു നാളുകളായി ഭാമയുടെ പോസ്റ്റുകളിൽ അരുണിന്റെ സാന്നധ്യമില്ല. ഇക്കാലത്തിനുള്ളിൽ ഭാമ ദുബായ് ഗോൾഡൻ വിസ സ്വീകരിക്കുകയും ചെയ്തു. ഈ സാഹചര്യത്തിലും അരുണിനൊപ്പമുള്ള ഒരു ചിത്രം പോലും ഭാമ പോസ്റ്റ് ചെയ്തില്ല

'വാസുകി' എന്ന വസ്ത്രബ്രാൻഡിന് ഭാമ തുടക്കം കുറിച്ചിരുന്നു. ഇതുമായി ബന്ധപ്പെട്ടുള്ള ഒരു ചടങ്ങിന്റെ ചിത്രങ്ങളും ഇൻസ്റ്റഗ്രാമിൽ പ്രത്യക്ഷപെട്ടു. നടന്മാരായ അബു സലിം, റിയാസ് ഖാൻ, സംവിധായകൻ നാദിർഷ എന്നിവർ പങ്കെടുത്ത ചടങ്ങിലും ഭാമയുടെ ഭർത്താവിന്റെ പങ്കാളിത്തമുണ്ടായില്ല

പേജിൽ മകൾ ഗൗരിക്കൊപ്പമാണ് ഭാമ. ഗൗരിയുടെ അമ്മയെന്നാണ് ഭാമ ഇൻസ്റ്റഗ്രാമിൽ തന്നെ വിശേഷിപ്പിച്ചിട്ടുള്ളത്. പ്രൈവറ്റ് അക്കൗണ്ടിൽ മുൻപ് ഭർത്താവിന്റെ പേര് സ്വന്തം പേരുമായി ചേർത്തിരുന്നെങ്കിലും, അവിടെയും അരുണിന്റെ പേര് നീക്കം ചെയ്തിരിക്കുന്നു

കുറച്ചു നാളുകൾക്കു മുൻപേ മകളുടെ ആദ്യ പിറന്നാളിന്റെ ഫോട്ടോകൾ ഉൾപ്പെടെ അരുണിന്റെ സാന്നിധ്യമുള്ള ചിത്രങ്ങൾ ഭാമ നീക്കം ചെയ്തിരുന്നു. അപ്പോഴും വിവാഹ ചടങ്ങുമായി ബന്ധപ്പെട്ട ഒരു ചിത്രം ബാക്കി വച്ചിരുന്നു. അതും എടുത്തുമാറ്റിയ നിലയിലാണ് ഇപ്പോൾ. ഇത്രയുമായതും ചില മലയാളം സോഷ്യൽ മീഡിയ പേജുകൾ ഭാമയുടെ കുടുംബജീവിതത്തിൽ എന്ത് സംഭവിച്ചു എന്ന ചോദ്യവുമായി രംഗത്തെത്തിക്കഴിഞ്ഞു

അഭിനേത്രിയും സുഹൃത്തുമായ മീര നന്ദനൊപ്പം ഭാമ അടുത്തിടെ ദുബായ് സന്ദർശനത്തിനിടെ പകർത്തിയ ചിത്രങ്ങൾ പോസ്റ്റ് ചെയ്തിരുന്നു