വിജയ് ദേവരകൊണ്ടയുമായി രശ്മിക പിരിഞ്ഞോ? തെലുങ്ക് നടനൊപ്പമുള്ള ചിത്രങ്ങൾ കണ്ട് ആരാധകർ

വിജയ് ദേവരകൊണ്ടയും രശ്മിക മന്ദാനയും വേർപിരിഞ്ഞോ? അതിന് ഇരുവരും തമ്മിൽ പ്രണയത്തിലാണെന്ന് ഇതുവരെ പരസ്യമായി തുറന്നു പറഞ്ഞിട്ടില്ലല്ലോ എന്നല്ലേ?

തങ്ങൾ അടുത്ത സുഹൃത്തുക്കൾ മാത്രമാണെന്ന് താരങ്ങൾ രണ്ടു പേരും ആവർത്തിച്ച് വ്യക്തമാക്കിയിട്ടും പ്രണയത്തിലാണെന്ന് തന്നെയായിരുന്നു ആരാധകർ വിശ്വസിച്ചിരുന്നത്. ഇരുവരും ഒന്നിച്ച് വെക്കേഷന് പോകുന്നതും പാർട്ടികളിൽ പങ്കെടുക്കുന്നതുമെല്ലാം പ്രണയത്തിലായതുകൊണ്ടാണെന്നാണ് ആരാധകർ കരുതിയിരുന്നത്.

ഇപ്പോഴിതാ, ആരാധകരുടെ അടുത്ത സംശയം. തങ്ങളുടെ പ്രിയ താരങ്ങൾ വേർപിരിഞ്ഞോ? രശ്മികയെ മറ്റൊരു തെലുങ്ക് താരത്തിനൊപ്പം പതിവായി കണ്ടു തുടങ്ങിയതോടെയാണ് ആരാധകർ ഈ ചോദ്യം ഉന്നയിച്ചത്.

തെലുങ്ക് നടൻ ബെല്ലംകൊണ്ട സായ് ശ്രീനിവാസിന്റെ പേരാണ് രശ്മികയ്ക്കൊപ്പം ഇപ്പോൾ ഉയർന്നു കേൾക്കുന്നത്. ഇരുവരും എയർപോട്ടിൽ ഒന്നിച്ചെത്തിയ ഫോട്ടോകളും പുറത്തു വന്നിരുന്നു. (Image: Yogen Shah)

സായ് ശ്രീനിവാസുമായി രശ്മികയ്ക്ക് അടുത്ത ബന്ധമുണ്ടെന്നും ഇരുവരും ഡേറ്റിങ്ങിലാണെന്നുമാണ് പല മാധ്യമങ്ങളും റിപ്പോർട്ട് ചെയ്യുന്നത്.

ഇതോടെയാണ് വിജയ് ദേവരകൊണ്ടയുമായി രശ്മിക പിരിഞ്ഞെന്ന വാർത്തകളും പുറത്തു വരുന്നത്. ഗീതാ ഗോവിന്ദം, ഡിയർ കോമ്രേഡ് എന്നീ ചിത്രങ്ങളിൽ ഒന്നിച്ചഭിനയിച്ചതോടെയാണ് രശ്മികയും വിജയും പ്രണയത്തിലാണെന്ന് പ്രചരിച്ചിരുന്നത്. എന്നാൽ ഇരുവരും ഇത്തരം വാർത്തകൾ നിഷേധിച്ചിരുന്നു.