Janhvi Kapoor | ജിമ്മിൽ നിന്നും പുറത്തിറങ്ങിയ ജാൻവി കപൂറിന്റെ ഫോണിലെ കാഴ്ച ക്യാമറയിൽ പകർത്തി ഫോട്ടോഗ്രാഫർമാർ

ഇന്ത്യൻ സിനിമയിലെ ഏറ്റവും സാധ്യത നൽകുന്ന പുതുമുഖങ്ങളിൽ ഒരാളാണ് നടി ജാൻവി കപൂർ (Janhvi Kapoor). അമ്മ ശ്രീദേവിയുടെയും അച്ഛൻ ബോണി കപൂറിന്റെയും സിനിമാ പാരമ്പര്യം പിന്തുടരാൻ തന്നെയാണ് ജാൻവിയുടെ തീരുമാനം. അനുജത്തി ഖുശിയും ആദ്യ ചിത്രത്തിനായുള്ള ഒരുക്കങ്ങളിലാണ്. ധഡക് ആണ് ജാൻവിയുടെ ആദ്യ ചിത്രം

സിനിമയെക്കാളും ജാൻവിയുടെ ജിം ലുക്ക് പലപ്പോഴും പാപ്പരാസികളുടെ ക്യാമറയ്ക്കു ഇഷ്‌ടവിഷയമാണ്. വ്യത്യസ്ത തരം ജിം വേഷങ്ങളിൽ ജാൻവിയെ മുംബൈ നഗരവീഥികളിൽ കാണാൻ കഴിയും. ഇക്കുറി പക്ഷെ വേഷത്തെക്കാളും ജാൻവിയുടെ ഫോണിലെ ദൃശ്യമാണ് പുറത്തുവന്നത് (തുടർന്ന് വായിക്കുക)

പ്രമുഖ പാപ്പരാസിയായ വരീന്ദർ ടി. ചാവ്‌ലയുടെ ക്യാമറയിലാണ് ജാൻവിയുടെ ഫോൺ പതിഞ്ഞത്. ജിമ്മിൽ നിന്നും പുറത്തേക്കു നടന്നു കാറിൽ കയറി ഫോൺ ഓൺ ചെയ്തപ്പോഴാണ് ജാൻവിയുടെ ആ സ്വകാര്യ ചിത്രം പ്രേക്ഷകരിലേക്കും എത്തിയത്

തന്റെ അമ്മയുമായി ഏറെ അടുപ്പം സൂക്ഷിച്ച മകളാണ് ജാൻവി എന്ന് പല റിപ്പോർട്ടുകളും പുറത്തു വന്നിരുന്നു. പണ്ട് വീട്ടിലെ കുളിമുറിക്കു കുറ്റിയിടാൻ അമ്മ ശ്രീദേവി അനുവദിക്കാത്തതിനാൽ ജാൻവി വീട്ടിലെ കുളിമുറിയുടെ കുറ്റി എടുത്തമാറ്റിയിട്ടുണ്ട്

ശ്രീദേവിയുടെ മടിയിൽ ഒരു കുഞ്ഞിരിക്കുന്ന ചിത്രമാണ് ജാൻവിയുടെ ഫോണിന്റെ വാൾപേപ്പർ. ഇത് ജാൻവി തന്നെയാകാനാണ് സാധ്യത. ചിത്രം അത്രയ്ക്കും വ്യക്തമായി കാണാനും സാധിക്കുന്നില്ല

ഇതാണ് ജാൻവി കപൂറിന്റെ ഫോണിലെ വാൾപേപ്പർ. ക്ഷണനേരത്തേക്കാണ് ഈ വാൾപേപ്പർ പാപ്പരാസിയുടെ ക്യാമറയിൽ പതിഞ്ഞത്. ഉടൻ തന്നെ ജാൻവി സ്ക്രീൻ ഓപ്പൺ ചെയ്തിരുന്നു

മലയാള ചിത്രം 'ഹെലന്റെ' ഹിന്ദി പതിപ്പായ 'മിലി' എന്ന സിനിമയിൽ നായികാവേഷം ചെയ്തത് ജാൻവി കപൂറാണ്. ഇത് ബോക്സ് ഓഫീസ് വിജയം കണ്ടില്ല. 'ബവാൽ' എന്ന സിനിമയിൽ വരുൺ ധവാന്റെ നായികയാണ് ജാൻവി കപൂർ. മിസ്റ്റർ ആൻഡ് മിസിസ് മഹി എന്ന സ്പോർട്സ് ചിത്രവും ജാൻവിയുടേതായി വരാനുണ്ട്