Jayasudha | ബയോഗ്രഫി ചെയ്യാൻ വന്നയാളോ, ഭർത്താവോ? 64-ാം വയസിൽ ജയസുധ മൂന്നാമതും വിവാഹിതയായതായി റിപ്പോർട്ട്

'വാരിസ്' സിനിമയിൽ വിജയ്‌യുടെ അമ്മയും ശരത്കുമാറിന്റെ ഭാര്യയുമായി സ്‌ക്രീനിൽ നിറഞ്ഞ നടി ജയസുധ (Jayasudha) 64-ാം വയസ്സിൽ മൂന്നാമതും വിവാഹിതയായി എന്ന് റിപ്പോർട്ട്. അമേരിക്കൻ വ്യവസായിയാണ് ഭർത്താവ് എന്നും ദേശീയ മാധ്യമങ്ങൾ റിപ്പോർട്ട് ചെയ്യുന്നു. ജയസുധ ഇതുവരെയും വാർത്തയോട് പ്രതികരിച്ചില്ലെങ്കിലും, കഴിഞ്ഞ മാസം മുതൽ ഊഹാപോഹങ്ങൾ പുറത്തുവന്നിരുന്നു. ജയസുധയെ ചേർത്ത് നിർത്തി മുത്തം നൽകുന്ന ചിത്രമാണ് പുറത്തുവന്നത്

മലയാളത്തിൽ 'ഇഷ്‌ടം' സിനിമയിൽ ദിലീപിന്റെയും നെടുമുടി വേണുവിന്റെയും ഒപ്പം വേഷമിട്ട നടിയാണ് ജയസുധ. നെടുമുടി വേണുവിന്റെ പ്രണയിനിയുടെ റോളായിരുന്നു അത്. ഈ വേഷം ജയസുധയെ മലയാള സിനിമയിൽ അടയാളപ്പെടുത്തിയ കഥാപാത്രം കൂടിയാണ് (തുടർന്ന് വായിക്കുക)

ജയസുധയുടെ ഒപ്പം കാണുന്ന വ്യക്തി ആരെന്നാണ് ചോദ്യം ഉയർന്നത്. ഇത് ബയോഗ്രഫി ചെയ്യാൻ താല്പര്യമുള്ള വ്യക്തിയാണ് എന്നായിരുന്നു ജയപ്രദയുടെ പ്രതികരണം. എന്നാൽ അങ്ങനെയല്ല എന്നാണ് പുതിയ ചിത്രം വന്നതില്പിന്നെയുള്ള പ്രചരണം

കാക്കർപുടി രാജേന്ദ്രപ്രസാദിനെയാണ് ജയസുധ ആദ്യം വിവാഹം കഴിച്ചത്. എന്നാൽ ഇവർ വേർപിരിയുകയും പിന്നീട് ബോളിവുഡ് നിർമ്മാതാവ് നിതിൻ കപൂറിനെ വിവാഹം കഴിക്കുകയും ചെയ്തു. 2017 ൽ അദ്ദേഹം അന്തരിച്ചു

ഈ വിയോഗത്തിൽ ദുഃഖിതയായ ജയസുധ ഇപ്പോൾ കുറച്ച് സിനിമകൾ മാത്രമേ ചെയ്തിരുന്നുള്ളൂ. അപൂർവ്വമായി പൊതുരംഗത്ത് പ്രത്യക്ഷപ്പെടാറുണ്ട്

നാല് പതിറ്റാണ്ടോളമായി ജയസുധ സിനിമാ ലോകത്തുണ്ട്