Jennifer Lopez-Ben Affleck| 20 വർഷങ്ങൾക്കു ശേഷം വീണ്ടും വിവാഹ നിശ്ചയം; പുതിയ ജീവിതം തുടങ്ങുന്നുവെന്ന് ജെന്നിഫർ ലോപ്പസും ബൻ അഫ്ളക്കും

ജെന്നിഫർ ലോപ്പസിന്റേയും (Jennifer Lopez)ബെൻ അഫ്ലക്കിന്റെയും (Ben Affleck)ആരാധകർ ആവേശത്തിലാണ്. പതിനെട്ടു വർഷങ്ങൾക്കു മുമ്പ് കാത്തിരുന്ന വിവാഹം ഉടൻ ഉണ്ടാകുമെന്ന പ്രതീക്ഷയിലാണ് ആരാധകർ. (Image: Instagram)

ഇരുപത് വർഷങ്ങൾക്കു മുമ്പ് 2002 ലാണ് ജെന്നിഫർ ലോപ്പസും ബെൻ അഫ്ലക്കും ആദ്യമായി ഡേറ്റ് ചെയ്യുന്നത്. അതേവർഷം തന്നെ വിവാഹ നിശ്ചയവും കഴിഞ്ഞു. 2003 സെപ്റ്റംബറിൽ നിശ്ചയിച്ചിരുന്ന വിവാഹം നാടകീയമായി തലേ ദിവസം മാറ്റിവക്കുകയും ചെയ്തു. തൊട്ടടുത്ത വർഷം വിവാഹം റദ്ദാക്കിയെന്നും വേർപിരിയുകയാണെന്നും ഇരുവരും പ്രഖ്യാപിച്ചത് ആരാധകരെ ഞെട്ടിച്ചിരുന്നു. (Image: Instagram)

എന്നാൽ ആരാധകർ ശരിക്കും ഞെട്ടിയും ആവേശത്തിലായതും കഴിഞ്ഞ വർഷമായിരുന്നു. ജെന്നിഫർ ലോപ്പസും ബെൻ അഫ്ലക്കും വീണ്ടും ഒന്നിച്ചുവെന്ന വാർത്ത കേട്ടായിരുന്നു അത്. പൊതു സ്ഥലങ്ങളിൽ കൈകൾ കോർത്ത് ഇരുവരേയും കണ്ടതോടെ നഷ്ടമായ പ്രണയം വീണ്ടും തിരിച്ചെടുത്തതിന്റെ ആശ്വാസമായിരുന്നു.(Image: Instagram)

ഒടുവിലിതാ രണ്ടാമതും തങ്ങളുടെ വിവാഹ നിശ്ചയം കഴിഞ്ഞുവെന്ന് ജെന്നിഫർ ലോപ്പസ് അറിയിച്ചിരിക്കുകയാണ്. വീഡിയോ മെസേജിലൂടെ കണ്ണുകൾ നിറച്ചു കൊണ്ട് വളരെ പ്രത്യേകതയുള്ള കാര്യം പറയുന്നുവെന്നായിരുന്നു ജെലോയുടെ സന്ദേശം. (Image: Instagram)

ഇതിനു പിന്നാലെ മോതിരവിരലിൽ പച്ച നിറത്തിലുള്ള വജ്രമോതിരം അണിഞ്ഞുള്ള ജെന്നിഫർ ലോപ്പസിന്റെ ചിത്രങ്ങളും വൈറലാണ്. (Image: Instagram)

ബെൻ അഫ്ലക്കുമായി വീണ്ടും അടുത്തതിനെ കുറിച്ച് ജെന്നിഫർ ലോപ്പസ് മുമ്പൊരു അഭിമുഖത്തിൽ വിശദമായി പറഞ്ഞിരുന്നു. മുമ്പുണ്ടായിരുന്നതിനേക്കാൾ ഇപ്പോൾ പരസ്പരമുള്ള ബന്ധം ഒരുപാട് വ്യത്യാസപ്പെട്ടിരുക്കുന്നതായാണ് ജെലോ പറഞ്ഞത്. (Image: Instagram)

"ഇന്ന് ഞങ്ങൾക്ക് പ്രായം കൂടി, അറിവും വളർന്നു, അനുഭവങ്ങളും കൂടി. ജീവിതത്തിന്റെ മറ്റൊരു ഘട്ടത്തിലാണ് ഞങ്ങൾ ഇപ്പോഴുള്ളത്. ഞങ്ങൾക്ക് ഇന്ന് കുട്ടികളുണ്ട്, ഈ കാര്യങ്ങളിലെല്ലാം കൂടുതൽ ശ്രദ്ധയും നൽകണം." (Image: Instagram)

52 കാരിയായ ജെന്നിഫർ ലോപ്പസിന് മുൻ ഭർത്താവ് മാർക് ആന്റണിയിൽ 14 വയസ്സുള്ള എമ്മി, മാക്സ് എന്നീ ഇരട്ടകുട്ടികളാണുള്ളത്. 49 കാരനായ ബെൻ അഫ്ലക്കിനും മുൻ ഭാര്യ ജെന്നിഫർ ഗാർനറിൽ വയലറ്റ്(16), സെറാഫിന(13), സാമുവൽ(10) എന്നീ മക്കങ്ങളുണ്ട്. (Image: Instagram)

ജെന്നിഫർ ലോപ്പസ്, ബെൻ അഫ്ലക്ക് മുൻകാല ചിത്രം (Image: Instagram)

പഴയകാല ചിത്രം (Image: Instagram)