Jr NTR | ജൂനിയർ എൻ.ടി.ആറിന് ആറര ഏക്കറിൽ കോടികൾ വിലമതിക്കുന്ന ഫാംഹൗസ്; പേരും സിനിമ സ്റ്റൈലിൽ തന്നെ

തെലുങ്ക് താരം ജൂനിയർ എൻടിആർ (Jr. NTR) കരിയറിന്റെ ഏറ്റവും മികച്ച ഫോമിൽ നിലകൊള്ളുകയാണ്. എസ്.എസ്. രാജമൗലിയുടെ (S.S. Rajamouli) RRR-ലൂടെ അദ്ദേഹത്തിന്റെ പാൻ-ഇന്ത്യ അപ്പീൽ പുതിയ ഉയരങ്ങളിലെത്തി. ഇപ്പോൾ ടോളിവുഡിൽ ഏറ്റവും കൂടുതൽ പ്രതിഫലം ആവശ്യപ്പെടുന്ന നടന്മാരിൽ ഒരാളായി അദ്ദേഹം മാറി. 10 ജനപ്രിയ ടോളിവുഡ് താരങ്ങളിൽ അടുത്തിടെ നടത്തിയ സർവേയിൽ ജൂനിയർ എൻ.ടി.ആർ. ഒന്നാം സ്ഥാനത്തെത്തി

കൂടാതെ, ബൈക്കുകളുടെയും കാറുകളുടെയും അമ്പരപ്പിക്കുന്ന ശേഖരം സ്വന്തമാക്കി എന്ന പേരിലും അദ്ദേഹം അറിയപ്പെടുന്നു. ഇപ്പോൾ, റിയൽ എസ്റ്റേറ്റിലും താരം ധാരാളം നിക്ഷേപം നടത്തുന്നുണ്ടെന്നാണ് റിപ്പോർട്ട്. റിപ്പോർട്ടുകൾ പ്രകാരം, ജൂനിയർ എൻടിആർ കഴിഞ്ഞ വർഷം സ്ഥലം വാങ്ങിയതിന് ശേഷം ഹൈദരാബാദിന്റെ പ്രാന്തപ്രദേശത്തുള്ള വലിയ ഫാം ഹൗസിൽ വൻ നിക്ഷേപം നടത്തിക്കഴിഞ്ഞു (തുടർന്ന് വായിക്കുക)

6.5 ഏക്കർ സ്ഥലത്ത് മനോഹരമായ പൂന്തോട്ടങ്ങളോടുകൂടിയതാണ് ഫാംഹൗസ്. കഴിഞ്ഞ വർഷം പിറന്നാൾ സമ്മാനമായി ഭാര്യ ലക്ഷ്മി പ്രണതിക്ക് ഫാം ഹൗസ് സമ്മാനമായി നൽകിയത് വ്യാപകമായി വാർത്തയായിരുന്നു

9 കോടി രൂപയാണ് താരം ഇതിനായി ചിലവഴിച്ചതെന്നാണ് റിപ്പോർട്ട്. ഫാം ഹൗസിന് ഒരു പേരുമായി താരം എത്തിയിട്ടുണ്ട് എന്നതാണ് ഏറ്റവും പുതിയ വാർത്ത

ഫാം ഹൗസിന് 'ബൃന്ദാവനം' എന്ന് പേരിടാൻ അദ്ദേഹം പദ്ധതിയിട്ടിട്ടുണ്ട്. താൻ മുമ്പ് അഭിനയിച്ച ഒരു സിനിമയുടെ പേരാണ് തിരഞ്ഞെടുത്തതും. വംശി പൈടിപ്പള്ളി സംവിധാനം ചെയ്ത 2010 ലെ ഹിറ്റ് ചിത്രം ഒരു റൊമാന്റിക് ഫാമിലി ഡ്രാമയാണ്

താരക് എന്ന ജൂനിയർ എൻടിആർ തന്റെ ഫാംഹൗസിന് 'ബൃന്ദാവനം' എന്ന പേര് നൽകിയതായി പറയപ്പെടുന്നു. ഫാം ഹൗസിലെ പച്ചപ്പ് കണക്കിലെടുത്താണ് പേര് തിരഞ്ഞെടുത്തതെന്നാണ് സൂചന. ആഡംബര വിരുന്നോടെ ഫാം ഹൗസ് വളരെ ഗംഭീരമായി ഉദ്ഘാടനം ചെയ്യപ്പെടുമെന്ന് വൃത്തങ്ങൾ അറിയിച്ചു

ഹൈദരാബാദിലും പരിസരങ്ങളിലും ഫാം ഹോം സംസ്കാരം ഗണ്യമായി വികസിച്ചു എന്നത് ശ്രദ്ധേയമാണ്. പല സെലിബ്രിറ്റികളും പ്രാന്തപ്രദേശങ്ങളിൽ ഫാം ഹൗസുകൾ വാങ്ങാൻ ഉത്സുകരാണ്. അവ അവധിക്കാലം ചിലവിടാനും ഗെറ്റ്ടുഗദറുകൾ നടത്താനും അവ ഉപയോഗിക്കുന്നു